যাত্রা 15:24 - Chakma Bible

²⁴ সেক্কে মানেইয়ুনে তোস্যে পেইনে মোশিরে কলাক্‌, “ইক্কিনে আমি হেবার্‌ পানি কুদু পেবং?”

যাত্রা 15:24 ပူးပေါင်းရင်းမြစ်များ

গীতসংহিতা 106:13

মাত্তর্ তা কামানির কধা যাদিমাদি ভুলি গেলাক্; তারা তার সল্লা গুরিবাত্তে বাজ্জেই ন-থেলাক্।

যাত্রা 14:11

তারা মোশিরে কলাক্, “মিসরত্‌ গোর্ দিবার্‌ জাগা নেই বিলিনে কি মুরিবাত্যেই তুই এই ধূল্যেচর চাগালাত্‌‌ আমারে আন্যচ্‌? মিসরত্তুন্‌ নিগিলেই আনিনে তুই‌ আমারে ইয়েন্‌ কি গুরিলে?

যাত্রা 16:2

সিন ধূল্যেচর-চাগালাত ইস্রায়েলীয়গুনোর্‌ গোদা দল্লো মোশি আর হারোনর বিপক্ষে নানান্‌ কধা কুয়ো দোজ্যন্‌।

যাত্রা 5:21

পরিচালক্কুনে তারারে কলাক্, লগেপ্রভু যেন তমারে সাজা-দে, কিত্তে ফরৌণে আর তা কাম্‌গুরিয়্যেগুনো ইধু তুমি আমারে একবাবোত্যে ঈচ্ গরেদে ধোক্ক্যেন গোজ্য, আর সেনে আমারে মারে ফেলেবার্‌ তলোয়ারানি তারা আঢত্‌ তুলি দুয়োন্‌।

গণাণা 14:22

এই মানুচ্চুনোত্তুন্‌ একজনেয়ো সেই দেজ্‌চান্‌ চেই ন-পেবাক, যে দেজ্‌চান্‌ দিম্‌ বিলি মু্‌ই তারার্‌ পুরোণি মানুচ্চুনো ইদু শমক্‌ গোজ্যং। ইয়েনর্‌ কারণান্‌ অলঅ, এই মানুচ্চুনে মর্‌ মহিমাগান্ আর মিসরর্‌ ধূল্যেচর-চাগালাত্‌ দেগেয়্যে মর্‌ আমক্‌ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্‌চান্‌ ন-দেগিবাক।

গণাণা 16:11

তুই আর তর্‌ দলর্‌ বেক্‌ মানুচ্চুনে লগেপ্রভুর বিপক্ষে দল পাগেয়ো। হারোণে যে কন্না, তুমি তার বিপক্ষে বক্‌বক্‌ গরর্‌?”

গণাণা 16:41

সে পরেদি দিন্নোত্‌ ইস্রায়েলীয় সমাজর্‌ বেক্কুনে মোশি আর হারোণর বিপক্ষে বক্‌বক্‌ গরা দোজ্যন্‌ আর কলাক্, “তুমিই লগেপ্রভুর মানুচ্চুনোরে মারে ফেল্ল্য।”

গণাণা 17:10

ইয়েনর্ পরেদি লগেপ্রভু মোশিরে কলঅ, “উল্লোমি গুরিয়েগুনো ইদু এক্কান মনত্‌ রাগেবার চিহ্নো ওই থেবাত্তে তুই হারোণর লুদিক্কো আরঅ সাক্ষ্য-সিন্দুগোর মুজুঙোত্‌ রাগেই দে। ইয়েন্দোই তুই মঅ বিরুদ্ধে তারার্‌ বক্‌বক্‌ গরানাগান্ থামেই দি পারিবে, যিয়েনত্যে তারা আর ন-মুরিবাক।”

মথি লেখ্যে গম্ হবর্ 6:25

ইয়েনত্তে মুই তমারে কঙর্, কি হেবা বিলি বাঁজি থানা পৌইদ্যেনে বা কি উরিবে বিলি কিয়্যেগান পৌইদ্যেনে চিন্তে ন-গোজ্য। পরাণান্ বানা হানা-দানা বেপার নয়, আর কিয়্যেগান বানা কাবড়-চুগোড়র্ বেপার নয়।

১ করিন্হীয় 10:10

তারা ভিদিরে ভালোকজনে কাঙেলেত্যে পেইনে যেবাবোত্যেগুরি ভস্তগুরিয়্যে দূত্‌তুন্দোই ভস্ত ওইয়োন্ সেবাবোত্যেগুরি তুমি কাঙেলেত্যেগান ফগদাং ন-গোজ্জ্য।

ফিলিপীয় 2:14

তুমি কনঅ আবিত্তি আর তর্ক ন-গুরিনে বেক্কানি গরঅ, যেন তুমি নিদ্দুজি আর খাটি ওই পারঅ আর এই কালর্ বিবেক-নেইয়্যে আর বজং খাচ্চ্যদর্ মানুচ্চুনো মুজুঙোত্ গোজেনর্ থুদোনেইয়্যে মানুচ্ ওই পারঅ। সে মানুচ্চুনো মুজুঙোত্ তুমি দঅ জিংকানি দান গুরিয়্যে কধা তুলি ধুরিনে এ জগদত্ তারা ধোক্ক্যেন জ্বোল্‌জোল্যে ওই আঘঅ, সালে খ্রীষ্ট যেদিন্যে এবঅ সেদিন্যে মুই ইয়েনিলোই দেমাগ্ গুরি পারিম যে, মর্ চেষ্টা আর কামানি নিষ্ফল ন-অয়।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।