যাত্রা 15:20 - Chakma Bible

²⁰ হারোণর বোন্নো মরিয়মে এলদে এক্কো মিলে-নবী। তে চিগোন্‌ ঢুল্‌ আঢত্‌ নেযেল, আর তার্‌ পিজে পিজে অন্য মিলেগুনেয়ো চিগোন্‌ ঢুল্‌ আঢত্‌ নেযেনে নাচ্যে নাচ্যে নিগিলি এলাক্‌।

যাত্রা 15:20 ပူးပေါင်းရင်းမြစ်များ

পত্থম 31:27

কিত্তে তুই চালাগি গুরি মরে ন-কোইনে চুর্‌গুরি ধেই এবে? মরে কলে দঅ মুই হজিয়্যে, গিদে-রেঙে, জোনজোনি আর বীণা বাজেইনে তরে বিদেই দিদুং।

২ শমূয়েল 1:20

তুমি গাতদ্ এ হবরান্‌ ন-দুয়ো, আর অস্কিলোনর পধে পধে ফগদাং ন-গোজ্য; সিয়েনি গুরিলে পলেষ্টীয়গুনোর্‌ মিলেগুনে ফুত্তি গুরিবাক্, সেই সুন্নত ন-গোজ্যে মানুচ্চুনোর্‌ মিলেগুনে রঙ্গ-ফুত্তি গুরিবাক্।

২ শমূয়েল 6:14

দায়ূদে মসীনার এফোদতো উরিনে লগেপ্রভুর মুজুঙোত্‌ বলপড়ে সং নাজা ধুরিলো।

২ শমূয়েল 6:16

লগেপ্রভুর সুন্দুক্কো যেক্কে দায়ূদ-শঅরত্‌ এইনে লুমিলো সেক্কে শৌলর ঝি মীখলে জানালান্দি সিবে চেইয়্যে। লগেপ্রভুর মুজুঙোত্‌ রাজা দায়ূদোরে ফাল্যেদে আর নাজদে দেগিনে তে মনে মনে তারে ইস্ গুরিলো।

২ শমূয়েল 6:5

দায়ূদ আর ইস্রায়েল জাদর্‌ বেক্‌ মানুচ্চুনে লগেপ্রভুর মুজুঙোত্‌ দেবদারু তক্তার বানেয়্যে বেক্‌ যন্ত্রগানি আর সুরবাহার, বীণা, খঞ্জনী, ঝুম্‌ঝুমি আর করতাল বাজেইনে ফুত্তি গত্তন্‌।

২ রাজাবলী 22:14

এ কধাগান্‌ শুনিনে ধর্মগুরু হিল্কিয়, অহীকাম, অক্‌বোর, শাফন আর অসায় মিলে-ভাববাদী হুল্‌দা ইদু যেইনে তা লগে কধাবার্তা কলাক্‌। হুল্‌দা অলদে কাবড়-চুগোর্‌ রোক্ষ্যেগুরিয়্যে শল্লুমো মোগ্‌। শল্লূম অলদে হর্হসের নাদিন, অত্তাৎ তিক্‌বর পুয়ো। হুল্‌দা যিরূশালেমর দ্বিলম্বর্‌ ভাগত্‌ বজত্তি গুরিদো।

১ বংশধর 15:16

দায়ূদে লেবীয়গুনোর নেতাগুনোরে কলঅ, তারা যেনে বাদ্যযন্ত্র, অত্তাৎ বীণা, সুরবাহার আর করতাল বাজেইনে হুজির্‌ গান গেবাত্তে তারা গানগেইয়্যে ভেইয়ুনোরে ঠিগ্ গরন।

১ বংশধর 6:3

অম্রাম পুয়োগুন অলাক্‌ হারোণ, মোশি আর মরিয়ম। হারোণ পুয়োগুন অলাক্‌ নাদব, অবীহূ, ইলিয়াসর আর ঈথামর।

নহিমিয় 6:14

ও মর্‌ গোজেন, টোবিয় আর সন্‌বল্লটে যিয়েনি গোজ্যন্‌ সিয়েনি তুই মনত্‌ রাগা। মিলে-ভাববাদী নোয়াদিয়া আর বাদবাগি যিদুক্কুন্‌ ভাববাদীয়্যে মরে দোরেবাত্তে চেট্ট্যা গোজ্যন্‌ তারার্‌ কধানিয়ো মনত্‌ রাগেচ্‌।

গীতসংহিতা 149:3

তারা নাজি নাজি তারে বাঈনী গোরোদোক্, খঞ্জনি আর বীণা বাজেইনে গোজেন নাঙে নাঙ্ গিনেদে গীদ্ গাদোক্;

গীতসংহিতা 150:4

ঝোন্‌ঝোনি বাজেইনে নাজি নাজি তারে নাঙ্ গিনো, গিটার আর বাশী বাজেইনে তারে নাঙ্ গিনো।

গীতসংহিতা 30:11

আবিলেচ্ গরানার অনুষ্ঠানত্তুন্ তুই মরে নাচর্ উৎসবত্ আন্যচ্; আবিলেচ্ গরানার কাবড়ানি খুলিনে তুই মরে ফুত্তি গুরিবার কাবড়ানি উরেয়োচ্,

গীতসংহিতা 68:11

প্রভু মানুচ্চুনোরে উগুম দে; ভালেদির হবর্ ফগদাংগুরিয়্যে মিলেগুনে জনেদি ভালোক্কুন্।

গীতসংহিতা 68:25

পত্তমে যাদন্ গীদ্ গেইয়্যেগুনে, তারার্ পিজেন্দি যাদন বাজনা বাজেয়্যেগুনে; ঝোন্‌যোনি-বাজেয়্যে মিলেগুনোর সংমধ্যে তারা যাদন্।

গীতসংহিতা 68:26

তমার বেক তেম্মাঙুনোত্ গোজেনরে বাঈনী গরঅ; তুমি যিগুনে ইস্রায়েল-বংশর মানুচ্, তুমি লগেপ্রভুর বাঈনী গরঅ।

গীতসংহিতা 81:2

গান আরাম্ভ গরঅ, ঝোন্‌ঝোনি বাজঅ; বাজঅ মধুর বাশি আর হার্‌মোনি।

যাত্রা 2:4

পূয়োবোর দজাগান্‌ কি অয় সিয়ান চেবাত্যে তা বোন্নো সিয়োত্তুন্ এক্কেনা দূরোত্‌ ঠিয়েই রলঅ।

উপদেশক 3:4

কানিবার্ সময় আর হা্‌জিবার্ সময়, আবিলেচ্ গুরিবার্ সময় আর নাজিবার্ সময়,

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

মীখা 6:4

মুই মিসর দেজত্তুন্ তমারে নিগিলেই আন্যং, চাগর অবস্থাত্তুন্ তমারে উদ্ধোর্ গোজ্যং। তমারে বল্ দিবাত্তে মোশি, হারোণ আর মরিয়মরে পাদেয়োং।

গণাণা 12:1

মোশি এক্কো কূশীয়ো বংশর মিলেরে মোগ্‌ লোইয়্যে। এই কূশীয়ো মিলেবোর্‌ কারনে মরিয়ম আর হারোণে মোশির বিপক্ষে কূয়ো ধুরিলাক,

গণাণা 12:2

“লগেপ্রভু কি বানা মোশিরে দিইনে কধা কোইয়্যে? আমারে দিইনে কি তে কনঅ কধা ন-হয়?” লগেপ্রভুর এই বেক্‌ কধানি শুনিলো।

গণাণা 20:1

বজরর্‌ পত্তম মাজত্‌ বেক্‌ ইস্রায়েলীয়গুনে সীন ধূল্যেচর-চাগালাত্‌ লুমিনে কাদেশ ইদু যেইনে থেলাক। মরিয়মে সেই জাগানত্‌ মুরি গেলঅ আর তারে গোর্ দিয়্যে অলঅ।

গণাণা 26:59

অম্রামর মোক্কোর নাঙান্‌ অলঅ যোকেবদ। মিসর দেজত্‌ লেবি-গুট্টি ভিদিরে তার জর্ম ওইয়্যে। তা পেদত্‌ অম্রামর্‌ পূঅ হারোণ আর মোশি আর তারার্‌ বোন মরিয়মর জর্ম ওইয়্যে।

লূকে লেখ্যে গম্ হবর্ 2:36

সে অক্তত্ হান্না নাঙে এক্কো মিলে-ভাববাদী এলঅ। তে আশের গুট্টির পনূয়েল ঝি। তার্ বোউত্ বয়স ওইয়্যে। সাত বজর্ নেগ সমারে ঘর্ গরানার্ পরেদি চুরোশি বজর্ বয়জ সং তে রানি মিলের্ জিংকানি কাদেয়্যে। উবোসনা-ঘর্ ফেলেইনে তে কনত্তে ন-যেদঅ বরং উবোস আর তবনা গুরিনে দিন-রেত্ গোজেনর সেবা গুরিদো।

প্রেরিত্‌ 21:9

তার্ চের্‌বো গাবুজ্জ্যে ঝি এলাক্। সিগুনে মানুচ্চুনো ইধু ভাববাদী ইজেবে গোজেনর্ কধা কধাক্।

১ করিন্হীয় 11:5

যে মিলেবো মাঢাবো ন-ঢাঘিনেই তবনা গরে বা ভাববাদী ইজেবে কধা কয় তে তা মাঢাবোর্ অসর্মান গরে, কিয়া সেক্কে তে মাঢাবো মুড়েইয়্যে মিলে ধোক্ক্যেন ওই যায়।

১ করিন্হীয় 14:34

সেবাবোত্যেগুরি মিলেগুনে মন্ডলীত্ অলর্ গুরি থাদোক্, কিয়া কধা কবার্ অনুমতি তারারে দিয়্যে ন-অয়। মোশির আইন-কানুন্ যেধোক্ক্যেন কয় সেধোক্ক্যেন তারা বরং বাধ্য ওইনে থাদোক্।

বিচের গুরিয়্যেগুন 11:34

যিপ্তহ যেক্কে মিস্পাতদ্‌ নিজো ঘরত্‌ ফিরি এলঅ সেক্কে যে তারে আগ্‌বারেই নিবাত্তে এলঅ তে অলদে তা নিজোর্‌ ঝিবো। তে ঝোঞ্জনীর্‌ তালে তালে নাজি নাজি এজের্‌। তে অলদে যিপ্তহর বানা এক্কো ঝি, আর এ ঝিবো বাদে তার অন্য কনঅ পূঅ বা ঝি ন-এলঅ।

বিচের গুরিয়্যেগুন 21:21

যেক্কে সিদুগোর্‌ মিলেগুনে নাজত্‌ মিজেবাত্তে নিগিলি এবাক্‌ সেক্কে তুমি পত্তিজনে আংগুর্‌ ক্ষেদত্তুন নিগিলি এইনে যিবেরে গম্‌ লাগে তারে ধুরি নেযেইনে বিন্যামীন চাগালাত্‌ যেবা।

বিচের গুরিয়্যেগুন 4:4

সে সময়োত্‌ লপ্পীদোতর মোক্কো দবোরা এক্কো মিলে-ভাববাদী এলঅ‌। তেয়ই সেক্কে ইস্রায়েলীয়গুনোরে শাজন্ গুরিদো।

১ শমূয়েল 10:5

সে পরেন্দি তুই গিবিয়োৎ-হা-এলোহিম শঅরত্‌ যেবে। সিয়েনত পলেষ্টীয় সৈন্যগুনোর এক্কান তাম্বুল্ আঘে। শঅরত্‌ লুমোনার পরেন্দি এন্‌ এক ঝাক্‌ ভাববাদী সমারে তর্‌ দেগা অবঅ যিগুনে গোজেনর দিয়্যে কধা কদে কদে উবোসনার উজু জাগাত্তুন্ লামি এচ্ছোন। তারার দলর্‌ মুজুঙো মানুচ্চুনে বীণা, জুড়ি আর বাঁশি আর হার্‌মোনি বাজাদে বাজাদে আদিবাক্‌।

১ শমূয়েল 18:6

দায়ূদে সেই পলেষ্টীয় গলিয়াত্‌রে মারে ফেলানার পরেন্দি মানুচ্চুনে যেক্কে ঘরত্‌ ফিরি এত্তন্‌ সেক্কে ইস্রায়েলর বেক্‌ আদাম আর শঅরানিত্তুন্‌ মিলেগুনে নাজি নাজি হুজির্‌ গান গেইনে আর ঝোন্‌‌ঝোনী আহ্‌ তিনতারা বাজাদে বাজাদে রাজা শৌলরে ভালেদি জানেবাত্তে নিগিলি এলাক্।