যাত্রা 14:7 - Chakma Bible

⁷ তে ছয়শত্ বেঈ লোইয়্যে রথ্‌ দঅ নেযেলয়ো, সিয়েনি বাদেয়ো মিসরীয় অন্য বেক্‌ রথ্‌তানিয়ো লগে নেযেল। এক এক্কান্‌ রথ এক একজন সেনাপতিয়ে চালাদন্‌।

যাত্রা 14:7 ပူးပေါင်းရင်းမြစ်များ

পত্থম 50:9

ভালোক্কানি রথ আর ঘোড়াবাহিনী লোইনে তারা এক্কো দাঙর্‌ দল ওইনে যোষেফ লগে গেলাক্।

গীতসংহিতা 20:7

কয়েকজনে তারার্ রথ্‌তানিলোই বাড়্ গরন, কয়েকজনে গরন্ তারার্ ঘোড়ালোই, মাত্তর্ আমি গুরিই আমা গোজেন লগেপ্রভুর।

গীতসংহিতা 68:17

গোজেনর্ রথ আজার আজার, লাখ্ লাখ্; প্রভু সিয়েনির ভিদিরে পবিত্র জাগানত্ আঘে, যেধোক্ক্যেন তে সিনাই মুড়োবোত্ এলঅ।

যাত্রা 14:23

এই বেপারান্‌ দেগিনে মিসরীয়গুনে পিজেন্দিত্তুন্‌ ইস্রায়েলীয়গুনোরে লোড়েলাক্। ফরৌণর বেক্‌ ঘোড়াগুন, রথ্‌‌তানি আর ঘোড়াবাহিনীগুন তারার্‌ পিজে পিজে বড়গাঙ ভিদিরে যেইনে চোমেলাক্।

যাত্রা 14:6

এ কধাগান্‌ কোইনে ফরৌণে তার্‌ রথ্‌তান্ সাজেবার্‌ উগুম্‌ দিইনে তার্‌ সৈন্যগুনোরে এগত্তর্‌ গুরিনে লগে লগে নেযেল।

যাত্রা 14:8

লগেপ্রভু মিসরর্‌ রাজা ফরৌণর মনান্‌ দরঅ‌ গুরি দিলো। সেনে ইস্রায়েলীয়গুনে যেক্কে ন-দোরেয়েগুরি মুজুঙেদি উজেই যাদন্‌ সেক্কে তে তারার্‌ পিজেদি লোড়েই নেযেল।

যাত্রা 15:4

ফরৌণর রথ আর সৈন্যদলুনোরে তেয়ই‌ বড়গাঙ পানিত্‌ ফেলেই দিলো; ফরৌণর বেঈ লোইয়্যে কাম্‌গুরিয়্যেগুনোর্‌ দল্লো লোহিত সাগরত্‌ ডুবিনেই মুরিলাক্।

যিশাইয় 37:24

তুই প্রভুরে টিট্‌‌‌কারি দিইনে আর বাড়্‌বো গুরিনে তঅ চাগরুনোরে কোই পাদেয়োচ্, তর্ বেক রথ্‌‌‌তানিলোই তুই মুড়োগুনোর্ মাঢাত্, লেবাননর্ বেগত্তুন্ অজল্ অজল্ মাঢাগুনোত্ উঠ্যস্, তার বেগত্তুন্ লাম্বা লাম্বা এরস গাজ্‌চুন আর গম্ গম্ বেরস গাজ্‌‌‌চুন্ কাবি ফেল্যস্, তার গভীন ঝারর্ দোল্ জাগায়ানত্ চোম্মোচ্,

বিচের গুরিয়্যেগুন 4:15

বারকে যেক্কে আক্রমণ গুরিলো সেক্কে তা মুজুঙোত্‌ সীষরা আর তার্‌ বেক রথ্‌তানি আহ্‌ সৈন্যগুনোরে চিত্রিভংগ গুরি দিলো। সেক্কে সীষরা তার রথ্‌তান্‌ ফেলেইনে ধেই গেলঅ‌।

বিচের গুরিয়্যেগুন 4:3

যাবীনোর নয়শঅ‌ লুয়োর রথ এলঅ‌ আর তে কুড়ি বজর ধুরিনে ইস্রায়েলীয়গুনো উগুরে অমকদ অত্যেচার গুরি এজের্‌। সেনত্তেই ইস্রায়েলীয়গুনে লগেপ্রভু ইদু বল্‌ পেবাত্তে কানাকুদি গরা ধুরিলাক্‌।