যাত্রা 14:4 - Chakma Bible

⁴ মুই ফরৌণর মনান্‌ দরঅ গুরি দিম্‌ আর তে তারা পিজেদি লোড়েব। মাত্তর্‌ ফরৌণে আর তার্‌ সৈন্যদলুনে মর্‌ বাঈনী ফগদাঙ্‌ গুরিবার্‌ পথ অবাক্। ইয়েনত্তুন্‌ মিসরীয়গুনে জানি পারিবাক্, মুই লগেপ্রভু।” ইস্রায়েলীয়গুনে লগেপ্রভুর্‌ কধা মজিম কাম্‌ গুরিলাক্।

যাত্রা 14:4 ပူးပေါင်းရင်းမြစ်များ

নহিমিয় 9:10

ফরৌণ, তার্‌ বেক্‌ কামগুরিয়্যেগুনোরে আর তা দেজর্‌ বেক্‌ মানুচ্চুনোরে তুই বোউত্‌ চিহ্নো আর আমক্‌ অবার্‌ কাম্‌ দেগেয়োচ্‌, কিত্যে তুই হবর্‌ পেদে আমা পূরোণিমানুচ্চুনোর্‌ লগে মিসরীয়গুনোর্‌ বেবহার্‌ এলদে বার্‌বোলোই ভরা। এ কামানি গুরিনে তুই তর্‌ সুনাঙ্‌ রোক্ষ্যে গোজ্যস্‌, যিয়েনি এজঅ আঘে।

যাত্রা 10:27

মাত্তর্‌ লগেপ্রভু ফরৌণ মনান্‌ দরঅ গুরি দিলো আর সেক্কে তারারে ইরি দেদে তে রাজী ন-অলঅ।

যাত্রা 12:28

মোশি আর হারোণরে লগেপ্রভু যে উগুমান্‌ দিয়্যে ইস্রায়েলীয়গুনে ফিরি যেইনে সেধগে কাম্‌ গুরিলাক্।

যাত্রা 14:23

এই বেপারান্‌ দেগিনে মিসরীয়গুনে পিজেন্দিত্তুন্‌ ইস্রায়েলীয়গুনোরে লোড়েলাক্। ফরৌণর বেক্‌ ঘোড়াগুন, রথ্‌‌তানি আর ঘোড়াবাহিনীগুন তারার্‌ পিজে পিজে বড়গাঙ ভিদিরে যেইনে চোমেলাক্।

যাত্রা 14:25

ইয়েনিবাদেয়ো তে রথ্‌‌তানর্‌ চাক্কাগুনো খুলি ফেলেল; সেক্কে রথ্‌‌তানি চালাদে তারার্‌ অমহদ দুখ্‌ ওইয়্যে। মিসরীয়গুনে সেক্কে কলাক্, “আঢঅ, আমি ইস্রায়েলীয়গুনোরে ইরি দিইনে ধেই‌ যেই, কিত্তে লগেপ্রভুই ইস্রায়েলীয়গুনোর্‌ ওইনে মিসরীয়গুনোর্‌ বিরুদ্ধে যুদ্ধো গোজ্যে।”

যাত্রা 14:3

ইয়েন্‌ দেগিনেই ফরৌণে মনে গুরিবো ইস্রায়েলীয়গুনে কি গুরিবাক্‌ সিয়েন্‌ ঠিগ গুরি ন-পারিনেই দেজ ভিদিরে ঘুরোঘুরি গর্‌তে গর্‌তে ধূল্যেচর চাগালাত্‌‌ আক্‌সোই যেইয়োন্।

যাত্রা 14:5

মিসরর্‌ রাজা ফরৌণরে যেক্কে কুয়ো অলঅ‌, ইস্রায়েলীয়গুনে ধেই যেইয়োন্‌ সেক্কে তারা পৌইদ্যেনে ফরৌণ আর তার্‌ কাম্‌গুরিয়েগুনোর মনানি বুদুলি গেলঅ। তারা কলাক্ “ইয়েন্‌ আমি কি গুরিলোং? তারারে বিদেয়্‌ গুরি দিইনে দঅ আমি আমার্‌ বেক্‌ চাগরুন্‌ আরেলং।”

যাত্রা 14:8

লগেপ্রভু মিসরর্‌ রাজা ফরৌণর মনান্‌ দরঅ‌ গুরি দিলো। সেনে ইস্রায়েলীয়গুনে যেক্কে ন-দোরেয়েগুরি মুজুঙেদি উজেই যাদন্‌ সেক্কে তে তারার্‌ পিজেদি লোড়েই নেযেল।

যাত্রা 18:11

সেনত্তে মুই ইক্কিনে বুঝি পারঙত্তে, বেক্‌ দেবেদাগুনোত্তুন্‌ লগেপ্রভুই‌ দাঙর্‌, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্‌বো গুরিদাক্‌ সেদক্কানি পৌইদ্যেনে লগেপ্রভুই দাঙর্‌।”

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

যাত্রা 7:17

সেনত্যে লগেপ্রভু কত্তে, তেয়ই যে লগেপ্রভু সিয়েন্‌ তুই এ চিহ্নোগান্‌ দেগিনে বুঝি পারিবে। তুই কবে, ‘মুই ইক্কিনে মর্‌ আঢঅ এ লুদিক্কো গাঙ পানিত্‌ আঘাত্‌ গুরিবাত্তে যাঙর্‌ আর সিবেলোই গাঙ পানিগান্‌ লো ওই যেবঅ।

যাত্রা 7:3

মাত্তর্‌ মুই ফরৌণ মনান্‌ একবাবোত্যে গুরি দিম যেনে মুই মিসর দেজত্‌ ভালক্কানি চিহ্নো দেগেই পারঙ্‌ আর আমক্‌ অবার কাম্‌ গুরি পারঙ্‌। তে কনবাবদে তমা কধা ন-শুনিবো। সেনত্যে মুই মিসর্‌ দেজ উগুরে আঢ্ দিম আর অমকদ সাজা-দিইনে মুই মঅ সৈন্যগুনোরে, অত্তাৎ মঅ মানুচ্ ইস্রায়েলীয়গুনোরে সে দেজত্তুন্‌ নিগিলেই আনিম।

যাত্রা 7:5

মুই যেক্কে মঅ বলান্‌ দেগেইনে মিসর্‌ দেজ ভিদিরেত্তুন্‌ ইস্রায়েলীয়গুনোরে নিগিলেই আনিম সেক্কে মিসরীয়গুনে বুঝি পারিবাক্, মুই লগেপ্রভু।”

যাত্রা 9:16

মাত্তর্‌ মুই তরে বাজেই রাগেয়োং যেনে তরে মঅ বলান্‌ দেগেই পারং আর গোদা পিত্‌থিমীত্‌ যেন মঅ নাঙান্‌ ফগদাঙ্‌ অয়।

যিহিষ্কেল 20:9

মাত্তর্ মঅ সুনাঙান্ রোক্ষ্যে গুরিবাত্তে মুই সিয়েন ন-গরং, যেনে তারা যে জাদ্‌‌‌‌তুনো ভিদিরে বজত্তি গোজ্যন তারা ইধু মঅ নাঙান্ অসিজি ন-অয়। মিসর দেজত্তুন্ ইস্রায়েলীয়গুনোরে নিগিলেই আনিনে সেই বেক্ জাদ্‌‌‌‌তুনোর চোগো মুজুঙোত্ মুই ইস্রায়েলীয়গুনো ইধু নিজোরে ফগদাং গুরিলুং।

যিহিষ্কেল 28:22

প্রভু লগেপ্রভু কোইয়্যেদে, ‘ও সীদোন, মুই তর্ বিপক্ষে; মুই তঅ ভিদিরে যিয়েনি গুরিম সেক্কে মর্ মহিমাগান ফগদাং অবঅ। মুই যেক্কে তরে সাজা দিম্ আর তঅ ভিদিরে মর্ পবিত্রতাগান ফগদাং গুরিম সেক্কে তঅ মানুচ্চুনে হবর্ পেবাক্, মুয়ই লগেপ্রভু।

যিহিষ্কেল 32:15

মুই যেক্কে মিসররে ভস্ত ওইয়্যে জাগা বানেম্ আর দেজ ভিদিরে বেক্কানি খালি গুরি ফেলেম আর সিদুগোর্ বেক আদাম্মেগুনোরে আঘাত্ গুরিম সেক্কে তারা হবর্ পেবাক, মুয়ই লগেপ্রভু।

যিহিষ্কেল 38:16

দেজ্‌‌‌চান মেঘ ধোক্ক্যেন গুরি নাঢি ফেলেবাত্তে তুই মঅ মানুচ্ ইস্রায়েল বিরুদ্ধে উজেই এবে। ও গোগ, শেজ্ কালত্ মুই মঅ দেজ্‌‌‌‌‌চান বিরুদ্ধে তরে আনিম। সেক্কে মুই জাদ্‌‌‌‌‌তুনোর চোগো মুজুঙোত্ তঅ ভিদিরেদি নিজোরে সুদ্ধো-সাংগ বিলি দেগেম্ যেনে তারা মরে হবর্ পান।

যিহিষ্কেল 38:23

এবাবোত্যেগুরি ভালোক্ জাদ চোগো মুজুঙোত্ মুই নিজোরে ফগদাং গুরিম; মুই যে মহৎ আর পবিত্র সিয়েন দেগেম; সেক্কে তারা হবর্ পেবাক্, মুয়ই লগেপ্রভু।

যিহিষ্কেল 39:13

দেজর্ বেক মানুচ্চুনে তারারে গোর্ দিবাক। এবাবোত্যেগুরি মর্ মহিমাগান্ ফগদাং গুরিবার দিনোত্ তারার সুনাঙান্ ছিদি পড়িবো।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

রোমীয় 11:8

পবিত্র বোইবোত্ লেগা আঘে, “গোজেনে তারার্ মনানি এমন্‌ অকেজো গুরিলো যে, তারা এজঅ সং তারার্ চোগ্‌কুন্দোই দেগিনেয়ো ন-দেগন্ আর কানানিলোই শুনিনেয়ো ন-শুনোন্।”

রোমীয় 9:17

পবিত্র বোইবোত্ গোজেনে ফরৌণরে এ কধাগান্ কোইয়্যে, “মুই তরে রাজা বানেয়োং যেন তঅ উগুরে মর্ বেবহারর্ মাধ্যমে মঅ খেমতাগান্ দেগেই পারং আর গোদা পিত্‌থিমীয়ানত্ মঅ নাঙান্ ফগদাং অয়।”

রোমীয় 9:18

সালে দেগা যাত্তে, গোজেনে নিজোর্ আওজ্ মজিম কাররে দোয়্যে গরে আর কারর্ মনানি দরমর গরে।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।

বিচের গুরিয়্যেগুন 4:7

মুই যাবীনোর সেনাপতি সীষরারে তার সৈন্যদল আর রথ সুদ্ধো কীশোন গাঙর্‌ ইদু নেযেম্‌ আর তোমা আঢত্‌ তারারে তুলি দিম্‌।’”