যাত্রা 14:30 - Chakma Bible

³⁰ লগেপ্রভু এধোক্ক্যেনগুরি সেদিন্যে মিসরীয়গুনোর্ আঢত্তুন্‌ ইস্রায়েলীয়গুনোরে উদ্ধোর্‌ গুরিলো। ইস্রায়েলীয়গুনে মিসরীয়গুনোর্‌ মরাকিয়্যেনি বড়্‌‌গাঙর্‌ পারত্‌ পড়ি থাগদে দেগিলাক্‌।

যাত্রা 14:30 ပူးပေါင်းရင်းမြစ်များ

২ বংশধর 32:22

এধোক্ক্যেন গুরিনে লগেপ্রভু আসিরিয়ার রাজা সন্‌হেরীব আর অন্য বেক্কুনো আঢত্তুন্‌ হিষ্কিয়রে আর যিরূশালেমর মানুচ্চুনোরে রোক্ষ্যে গুরিলো। তে বেক্কানিন্দি তারারে দোলেডালেই রাগেল।

গীতসংহিতা 106:10

তে ঈচ্ গুরিয়েগুনোর আঢত্তুন্ তারারে রোক্ক্যে গুরিলো; শত্রুগুনো আঢত্তুন্ তারারে উদ্ধোর্ গুরিলো।

গীতসংহিতা 106:8

তো তে তার নাঙান্ রোক্ক্যে গুরিবাত্তে, তার্ খেমতাগান ফগদাঙ্ গুরিবাত্তে তারারে উদ্ধোর্ গুরিলো।

গীতসংহিতা 58:10

তারা উগুরে হেনা শুজো অলে গোজেন ভক্তগুনে হুজি অবাক্; তারা পাজিগুনোর লো-লোই টেং ধবাক্।

গীতসংহিতা 59:10

গোজেনে তার অমকদ কোচ্‌পানাত্যে মইদু এবঅ, মর্ শত্রুগুনোর উদি যানা মরে চেবাত্তে দিবো।

গীতসংহিতা 91:8

পাজি মানুচ্চুনে কেজান্ পাওনা পান তুই বানা সিয়েন চোগেন্দি দেগিবে।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যিশাইয় 63:11

সেক্কে তা মানুচ্চুনে পুরোনা দিনোর কধা, অত্তাৎ মোশি আর তা মানুচ্চুনোর পুরোণি দিনোর কধা ইদোত্ তুলিলাক্। তারা কলাক্, “যিবে তা মানুচ্চুনোরে আর তারার নেতাগুনোরে সাগর ভিদিরেদি আন্যে, যিবে তারা ভিদিরেদি থেবাত্তে তা পবিত্র আত্মাগানরে দিয়্যে তে কুদু?

যিশাইয় 63:8

তে কোইয়্যেদে, “ঘেচ্চেকগুরি তারা মঅ মানুচ্, তারা এবাবোত্যে পুয়ো যিগুনে অবিশ্বেজি ন-অবাক্,” আর সেনত্তে তে তারার উদ্ধোর্ গুরিয়্যে অলঅ।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।

যিহূদা 1:5

তুমি খালিক্ এ বেপারানি গমেডালে কোই পারঅ; তো মুই তমারে এ কধাগান ইদোত্ তুলি দিবাত্যে চাং, মিসর দেজত্তুন্ ইস্রায়েলীয়গুনোরে উদ্ধোর্ গুরি আনিবার পরেদি যিগুনে বিশ্বেজ্ ন-গরন প্রভু তারারে ভস্ত গোজ্জ্যে।

বিচের গুরিয়্যেগুন 10:11

জোবত্‌ লগেপ্রভু ইস্রায়েলীয়গুনোরে কলঅ, “মিসরীয়, ইমোরীয়, অম্মোনীয় আর পলেষ্টীয়গুনোর আঢত্তুন্ মুই কি তমারে উদ্ধোর ন-গরং?

১ শমূয়েল 11:13

মাত্তর্‌ শৌল কলদে, “এচ্চ্যে কাররে মারে ফেলানা ন-চলিবো, কিত্যে এচ্চ্যের দিন্নোত্‌ লগেপ্রভু ইস্রায়েলীয়গুনোরে উদ্ধোর গোজ্যে।”

১ শমূয়েল 14:23

এধোক্ক্যেনগুরি লগেপ্রভু সেদিন্যে ইস্রায়েলীয়গুনোরে উদ্ধোর্ গুরিলো, আর বৈৎ-আবন পার ওইনেয়ো যুদ্ধো গরা ধুরিলাক্।