যাত্রা 14:27 - Chakma Bible

²⁷ সেক্কে মোশি তাঁর্‌ আত্তান্‌ বড়গাঙ উগুরে বাবেই দিলো। বেন্যেপোত্যে বড়গাঙ পানিগান নিজো জাগাত্‌ ফিরি এলঅ‌। মিসরীয়গুনে সেক্কে ডেনে-বাঙে দাবাদেদি গত্তন্‌, মাত্তর্‌ লগেপ্রভু তারারে বড়গাঙর্ তুবোলে ভাজেই নেযেল।

যাত্রা 14:27 ပူးပေါင်းရင်းမြစ်များ

নহিমিয় 9:11

তুই তারার্‌ মুজুঙোত্‌ সাগরানরে দ্বিভাগ্‌ গোজ্যস্‌, সেনত্তেই তারা শুগুনো ভূইয়ানর্‌ উগুরেন্দি পার্‌ ওই যেইয়োন্‌; মাত্তর্‌ যিগুনে তারারে লোড়েইনে এত্তন্‌ তুই তারার্‌ পানিগানর্‌ গঙার্‌লোই পাত্তর্‌ ফেলাইদে ধোক্ক্যেন্‌ গুরিনে গভীন্‌ পানিত্‌ ফেলে দুয়োজ্‌।

গীতসংহিতা 106:11

তারার শত্রুগুনে পানিত ঢুবিলাক্, একজন্‌অ ন-বাঁজিলাক্।

গীতসংহিতা 136:15

মাত্তর্ ফরৌণ আর তা সৈন্যদলুনোরে তে লোহিত সাগরত্ ফেলে দিয়্যে; - তার কোচ্‌পানাগান উমরত্তে থিদেবর্ গোজ্যে।

গীতসংহিতা 78:53

তে তারারে গমেডালে আনিলো, তারার কনঅ দর্‌বুক ন-লাগিলো; মাত্তর্ সাগরানে তারার শত্রুগুনোরে গিলি ফেলেল।

যিশাইয় 10:26

বেগত্তুন্ খেমতাবলা লগেপ্রভু ওয়েব মুড়োবোত্ মিদিয়নরে আঘাত্ গুরিবার সময়োত্ যেবাবোত্যে গোজ্যে সেবাবোত্যে গুরি তে চাবুক্কোই আসিরিয়গুনোরে মারিবো। মিসরত্ যেবাবোত্যে গোজ্যে সেবাবোত্যে গুরি তে পানি উগুরে তা লুদিক্কো তুলিবো।

দ্বি’লম্বর বিররণ 11:4

মিসরীয় সৈন্যদলুন, তারার্‌ ঘোড়া আর রথ্‌তুনো উগুরে তে যিয়েনি গোজ্যে আর তারা যেক্কে তমা পিজেন্দি লোড়েইনে এত্তন্‌ সেক্কে কেধোক্ক্যেনগুরি তে লোহিত সাগরর্‌ পানিগানত্‌ তারারে ডুবেই দিয়্যে আর কেধোক্ক্যেনগুরি তারারে বেক্কুনোরে ভস্ত গুরি দিয়্যে সিয়েনিয়ো তারা ন-দেগন্‌।

ইব্রীয় 11:29

বিশ্বেজ্ গুরিনে ইস্রায়েলীয়গুনে শুগুনো মাদি উগুরেদি আঢি যাইদ্যে ধোক্ক্যেন গুরিনে লোহিত সাগরান্ পার্ ওইয়োন মাত্তর্ মিসরীয়গুনে সিয়েন গুরিবাত্যে যেইনে ডুবিনে মুরিলাক্।

যিহোশূয় 24:7

মাত্তর্‌ ইস্রায়েলীয়গুনে মইদু কানাকুদি গুরিলে পরেন্দি মুই তারার্‌ আর মিসরীয়গুনোর সংমোধ্যে আন্ধার্‌ গুরি দিলুং। মুই মিসরীয়গুনো উগুরে সাগরর্‌ পানিগান্‌ ফিরেই আনিনে তারারে ভাজেই দিলুং। মিসরীয়গুনোর অবস্থা মুই কি গোজ্যং সিয়েন দঅ‌ তুমি নিজেই দেক্কো। সে পরেন্দি তুমি ভালোক্‌ দিন ধূল্যেচরর্‌-চাগালাত্‌‌ বজত্তি গোজ্য।

যিহোশূয় 4:18

সেক্কে যে ধর্মগুরুগুনে লগেপ্রভুর সাক্ষ্য-সুন্দুক্কো বুয়োই নেযাদন্‌ তারা গাঙর্‌ সং মোধ্যেত্তুন উদি এইনে শুগুনো মাদিত্‌ টেং দেনার্‌ লগে লগে গাঙর্‌ গঙার পানিগান আরঅ তুবোল্‌ উদিলো আহ্‌ আগঅ‌ ধোক্ক্যেন্‌ দ্বিপার পানিলোই ভাসি গেলঅ।