যাত্রা 14:26 - Chakma Bible

²⁶ সেক্কে লগেপ্রভু মোশিরে কলঅ‌, “বড়গাঙ উগুরে তর্‌ আত্তান্‌ বাবেই দে। সেক্কে পানিগান্‌ আরঅ‌ ফিরি এইনে মিসরীয়গুনো উগুরে আর তারার্‌ রথ্‌‌তানি আহ্ ঘোড়াবাহিনী উগুরে পড়িবো।”

যাত্রা 14:26 ပူးပေါင်းရင်းမြစ်များ

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

যাত্রা 14:16

তুই তর্‌ লুদিক্কো তুলি নেযা আর বড়গাঙ উগুরে তর্‌ আত্তান্‌ বাড়েই দিইনে বড়গাঙানরে দ্বিভাগ গর্‌। সেক্কে বড়গাঙ ভিদিরে শুগুনো জাগার্‌ উগুরেদি ইস্রায়েলীয়গুনে আঢি যেবাক্‌।

যাত্রা 15:1

ইয়েন পরেদি মোশি আর ইস্রায়েলীয়গুনে লগেপ্রভুর নাঙে এই গীদ্‌‌তো গেলাক্: মুই লগেপ্রভুর নাঙে গীদ্ গেইম্‌, কিত্তে মানেইয়ুনোর চোগোত্‌ তাঁর্‌ মহিমাগান্ বাড়িলো। ঘোড়া আর ঘোড়াবাহিনীর্ দলুনোরে তেয়ই বড়গাঙর্ পানিত্‌ ফেলেই দিলো।

যাত্রা 15:4

ফরৌণর রথ আর সৈন্যদলুনোরে তেয়ই‌ বড়গাঙ পানিত্‌ ফেলেই দিলো; ফরৌণর বেঈ লোইয়্যে কাম্‌গুরিয়্যেগুনোর্‌ দল্লো লোহিত সাগরত্‌ ডুবিনেই মুরিলাক্।

যাত্রা 7:19

পরেদি লগেপ্রভু মোশিরে কলঅ, “হারোণরে কঅ যেনে তে তা লুদিক্কো আঢত্‌ লয় আর মিসরর বেক্‌ গাঙানি, ছড়ানি, পোরুন্‌ আর থুবেই রাগেয়্যে পানিগানিত্‌ তা আঢ্‌তান্ বাবেইনে ঘুরেই আনে। সেক্কে বেক্‌ পানিগান্‌ লো ওই যেবঅ। মিসর দেজ বেক্‌ জাগানি ইধু লো দেগা যেবঅ; এন্‌ কি, গাজ্‌সোই বানেয়্যে আর পাত্তর ছাড়িত্ থোইয়্যে পানিয়ো বাদ ন-যেবঅ।”

যাত্রা 8:5

সে পরেদি লগেপ্রভু মোশিরে কলঅ, “তুই হারোণরে এই কধাগান্‌ কবে, ‘মিসর দেজর্‌ বেক্‌ গাঙানি, ছড়ানি আর পৌরুনো উগুরে লুদিক্কো সুমুত্তো তর্‌ আত্তান্‌ বাবেইনে দেজ্‌ছানর্‌ উগুরেত্তুন্‌ বেঙুন্‌ তুলি আন্‌।’ ”

যিশাইয় 11:16

মিসরত্তুন্ নিগিলি এবার্ অক্তত্ যেবাবোত্যে ইস্রায়েলীয়গুনোত্তে এক্কান্ পথ ওইয়্যে সেবাবোত্যে তার্ বাঁজি থেইয়্যে মানুচ্চুনোত্তে আসিরিয়াত্তুন্ এক্কান রাজপথ অবঅ।

মথি লেখ্যে গম্ হবর্ 7:2

কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।

মথি লেখ্যে গম্ হবর্ 8:27

ইয়েন্দোই শিচ্চ্যগুনে আমক্ ওইনে কলাক্, “ইবে কিবাবোত্যে মানুচ্, বোইয়্যের্ আর সাগরানেয়ো তা কধা শুনে!”

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।

ফগদাং পেইয়্যে 16:6

এ মানুচ্চুনে গোজেন মানুচ্চুনোরে আর ভাববাদীগুনোরে খুন গোজ্জ্যে। সেনত্যে তুই তারারে এ লো-গান হেবাত্যে দুয়োচ্ আর ইয়েনই তারাত্যে যগাজ্জ্যে ওইয়্যে।”