যাত্রা 14:19 - Chakma Bible

^19-20 সেক্কে গোজেনর্ দূত্‌‌তো যিবে ইস্রায়েলীয়গুনোর দলর্‌ আগে আগে যাল্লোই তে ঘুরিনেই তারার্‌ পিজে পিজে গেলগোই। মেঘর্‌ আন্দলান্ তারার্‌ মুজুঙেত্তুন্‌ পিজেদি সুরি যেইনে ইস্রায়েলীয় আর মিসরীয়গুনোর্‌ দলর্‌ সংমোধ্যে গেলঅ‌। সেক্কে মিসরীয়গুনোর্‌ ইন্দি মিগিলো ওই গেল আর আন্ধারত্‌ ঢাক্কে আর ইস্রায়েলীয়গুনোর্‌ ইন্দি রেদোত্অ পোট্‌‌পোট্যে পহ্‌র ওই গেল। ইয়েনত্যেই পুরো রেত্তো ভিদিরেয়ো মিসরীয়গুনে ইস্রায়েলীয়গুনো ইধু এই‌ ন-পারিলাক্।

যাত্রা 14:19 ပူးပေါင်းရင်းမြစ်များ

গীতসংহিতা 77:20

মোশি আর হারোণরে দিইনে ভেড়া পাল ধোক্ক্যেন গুরি তুই তঅ মানুচ্চুনোরে চোড়েয়োচ্।

গীতসংহিতা 78:53

তে তারারে গমেডালে আনিলো, তারার কনঅ দর্‌বুক ন-লাগিলো; মাত্তর্ সাগরানে তারার শত্রুগুনোরে গিলি ফেলেল।

যাত্রা 14:24

বেন্যেপোত্যে লগেপ্রভু মেঘ আর আগুনো থুনি ভিদিরেত্তুন্‌ মিসরীয় সৈন্যদলুনো ইন্দি রিনি চেলঅ‌ আর তারা ভিদিরে এক্কান্‌ যাগুলুক্ বাজেই দিলো।

যাত্রা 32:34

শুনিচ্‌, যে জাগানর্‌ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্‌ দূত্‌তুনে তমারে পথ্‌ দেগেইনে নেযেবাক্‌। যেক্কে সাজা-দিবার্‌ অক্ত এবঅ‌ সেক্কে মুই তারারে পাপর্‌ সাজা দিম্‌।”

যিশাইয় 52:12

মাত্তর্ তুমি যাদিমাদি গুরি নিগিলি ন-এচ্চ্য বা ধেইয়ো ন-এবা, কিত্তে লগেপ্রভু তমা আগে আগে যেবঅ; ইস্রায়েলর গোজেনে তমারে পিজেন্দিত্তুন্ রোক্ষ্যে গুরিবো।

যিশাইয় 58:8

সালে তমা পহ্‌রান বেন্যে মাদান ধোক্ক্যেন ফগদাং অবঅ‍ আর যাদিমাদি তুমি গম্ অবা; তমা সততাগানি তমা আগে আগে যেবঅ আর মর্ বাঈনী গরানাগান্ তমা পিজে পিজে রোক্ষ্যে গুরিয়্যে অবঅ।‌

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

হোশেয় 12:13

মিসরত্তুন্ ইস্রায়েলরে আনিবাত্তে লগেপ্রভু এক্কো ভাববাদীরে বেবহার গোজ্যে; তারে দিইনে তে তার্ দেগাশুনো গোজ্যে।

মীখা 2:13

বন্দীদজাত্তুন্ ফিরি এবাত্তে যিবে পথ খুলি দিবো তে তারার্ আগে আগে যেবঅ; তারা গেইট্ ভাঙিনে নিগিলি এবাক্। লগেপ্রভু, যিবে তারার্ রাজা, তে তারার্ আগে আগে যেবঅ।

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।