যাত্রা 14:17 - Chakma Bible

¹⁷ মাত্তর্‌ মুই মিসরীয়গুনোর্‌ মনানি এমন্‌ দরঅ‌ গুরি দিম, তারা ইস্রায়েলীয়গুনোর পিজে পিজে বড়গাঙত্ চমেবাক্‌। সেক্কে ফরৌণ আর তার্‌ বেক্‌ সৈন্যদলুন, রথ আর ঘোড়াবাহিনীগুনে মর্‌ বাঈনী ফগদাঙ্‌ গুরিবার্‌ পথ অবাক্।

যাত্রা 14:17 ပူးပေါင်းရင်းမြစ်များ

পত্থম 50:9

ভালোক্কানি রথ আর ঘোড়াবাহিনী লোইনে তারা এক্কো দাঙর্‌ দল ওইনে যোষেফ লগে গেলাক্।

পত্থম 6:17

আর দেগিবে, মুই পিত্‌থিমীত্‌ এন্‌ এক্কান পানি বান্ গুরি দিম্‌ যেনে আগাজ তলে যে বেক্‌ প্রাণীগুন নিজেস্‌ ফেলেনে বাঁজি আগন্‌ সিগুন বেক্কুন শেজ্ ওই যেবাক্। পিত্‌থিমীর বেক্‌ প্রাণীগুন সেক্কে মুরি যেবাক্।

যাত্রা 14:23

এই বেপারান্‌ দেগিনে মিসরীয়গুনে পিজেন্দিত্তুন্‌ ইস্রায়েলীয়গুনোরে লোড়েলাক্। ফরৌণর বেক্‌ ঘোড়াগুন, রথ্‌‌তানি আর ঘোড়াবাহিনীগুন তারার্‌ পিজে পিজে বড়গাঙ ভিদিরে যেইনে চোমেলাক্।

যাত্রা 14:4

মুই ফরৌণর মনান্‌ দরঅ গুরি দিম্‌ আর তে তারা পিজেদি লোড়েব। মাত্তর্‌ ফরৌণে আর তার্‌ সৈন্যদলুনে মর্‌ বাঈনী ফগদাঙ্‌ গুরিবার্‌ পথ অবাক্। ইয়েনত্তুন্‌ মিসরীয়গুনে জানি পারিবাক্, মুই লগেপ্রভু।” ইস্রায়েলীয়গুনে লগেপ্রভুর্‌ কধা মজিম কাম্‌ গুরিলাক্।

যাত্রা 14:8

লগেপ্রভু মিসরর্‌ রাজা ফরৌণর মনান্‌ দরঅ‌ গুরি দিলো। সেনে ইস্রায়েলীয়গুনে যেক্কে ন-দোরেয়েগুরি মুজুঙেদি উজেই যাদন্‌ সেক্কে তে তারার্‌ পিজেদি লোড়েই নেযেল।

যাত্রা 4:21

লগেপ্রভু মোশিরে কলঅ, “মুই তরে যেদক্কানি আমক্‌ অইদে কাম্‌ গুরিবার্‌ খেমতা দুয়োং তুই মিসর্‌ দেজত্‌ ফিরি যেইনে ফরৌণ মুজুঙোত্‌ সিয়েনি বেক্কানি গুরিবে। মাত্তর্‌ মুই তা মনান্‌ এন্‌ চিৎনপুজ্যে গুরি দিম্‌ যেনে তে মানুচ্চুনোরে যেবাত্তে ন-দিবো।

যাত্রা 4:23

মরে উবোসনা গুরিবাত্তে মর্‌ পত্তম পূয়োবোরে যেবার অনুমতি দিবাত্যে মুই তরে কোইয়োং। মাত্তর্‌ তুই তারে যেবাত্তে অনুমতি ন-দুয়োচ্‌ বিলি মুই তর্‌ পত্তম পূয়োবোরে মারে ফেলেবাত্তে যাঙর্‌।’ ”

যাত্রা 7:3

মাত্তর্‌ মুই ফরৌণ মনান্‌ একবাবোত্যে গুরি দিম যেনে মুই মিসর দেজত্‌ ভালক্কানি চিহ্নো দেগেই পারঙ্‌ আর আমক্‌ অবার কাম্‌ গুরি পারঙ্‌। তে কনবাবদে তমা কধা ন-শুনিবো। সেনত্যে মুই মিসর্‌ দেজ উগুরে আঢ্ দিম আর অমকদ সাজা-দিইনে মুই মঅ সৈন্যগুনোরে, অত্তাৎ মঅ মানুচ্ ইস্রায়েলীয়গুনোরে সে দেজত্তুন্‌ নিগিলেই আনিম।

যিশাইয় 48:15

মুই, মুই লগেপ্রভু কধা কোইয়োং; অয়, মুয়ই তারে ডাক্যং। মুই তারে আনিম আর তে তা কামত্ ফোলেব।

যিশাইয় 51:12

লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্‌জ্যরে দরর্? তারা দঅ মুরি যেবাক্। মান্‌জ্যর্ পুয়োগুনে ঘাস ধোক্ক্যেন কানক্কন্যে।

যিরমিয় 23:39

সালে মুই ঘেচ্চেকগুরি মঅ মুজুঙেত্তুন তমারে তুলি নিইনে মেলা মারি দিম আর যে শঅরান্ মুই তমারে আর তমা পুরোণিমানুচ্চুনোরে দুয়োং সেই শঅরানরেয়ো মঅ মুজুঙেত্তুন মেলা মারি দিম।

যিহিষ্কেল 28:22

প্রভু লগেপ্রভু কোইয়্যেদে, ‘ও সীদোন, মুই তর্ বিপক্ষে; মুই তঅ ভিদিরে যিয়েনি গুরিম সেক্কে মর্ মহিমাগান ফগদাং অবঅ। মুই যেক্কে তরে সাজা দিম্ আর তঅ ভিদিরে মর্ পবিত্রতাগান ফগদাং গুরিম সেক্কে তঅ মানুচ্চুনে হবর্ পেবাক্, মুয়ই লগেপ্রভু।

যিহিষ্কেল 34:11

মুই প্রভু লগেপ্রভু কঙর্, মুই নিজেই মর্ ভেড়াগুনোরে তোগেম্ আর তারার্ দেগাশুনো গুরিম।

যিহিষ্কেল 34:20

চঅ, মুই প্রভু লগেপ্রভু নিজেই পক্তা আর কেঙেদা ভেড়াগুনো ভিদিরে বিচের্ গুরিম।

যিহিষ্কেল 5:8

সেনত্তে মুই নিজে তঅ বিরুদ্ধে, আর তঅ জাদ্‌‌‌‌তুনোর চোগো মুজুঙোত্ মুই তরে সাজা দিম্।

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

রোমীয় 9:18

সালে দেগা যাত্তে, গোজেনে নিজোর্ আওজ্ মজিম কাররে দোয়্যে গরে আর কারর্ মনানি দরমর গরে।

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।

বিচের গুরিয়্যেগুন 4:7

মুই যাবীনোর সেনাপতি সীষরারে তার সৈন্যদল আর রথ সুদ্ধো কীশোন গাঙর্‌ ইদু নেযেম্‌ আর তোমা আঢত্‌ তারারে তুলি দিম্‌।’”

১ শমূয়েল 6:6

তুমি কিত্তে ফরৌণ আর মিসরীয়গুনো ধোক্ক্যেন গুরি নিজোর মনানিরে দরঅ গোজ্য? ইস্রায়েলীয়গুনোর গোজেনে যেক্কে মিসরীয়গুনোরে ভুল বানেয়্যে সেক্কে তারা ইস্রায়েলীয়গুনোরে যেবাত্তে দুয়োন, আর তারা আদি যেয়োন্দোই।