যাত্রা 14:12 - Chakma Bible

¹² মিসরত্‌ থাগদে কি আমি তরে ন-কোই, ‘আমারে ইয়োদোই থেবাত্তে দে; আমি মিসরীয়গুনোর্‌ চাগর খাদিবোং’? ইয়োত্‌ এই ধূল্যেচর-চাগালা ভিদিরে মুরি যানাত্তুন্‌ মিসরীয়গুনো ইধু কাম্‌ গরানা আমাত্যেই বোউত্‌ গম্‌ এলঅ‌।”

যাত্রা 14:12 ပူးပေါင်းရင်းမြစ်များ

গীতসংহিতা 106:7

মিসরত্ থেবার সময় আমা পুরোণি মানুচ্চুনে তর্ আমক্ অবার কামানি দেগিনে কিচ্ছু ন-বুঝোন্; তারা তর্ শেজ্ ন-ওইয়্যে অমকদ কোচ্‌পানার কধায়ো মনত্ ন-রাগান্; তারা সাগর পারত্, লোহিত সাগর পারত্ উল্লোমি গোজ্যন্।

যাত্রা 13:17

ফরৌণে যেক্কে ইস্রায়েলীয়গুনোরে বিদেয় গুরি দিলো সেক্কে গোজেনে তারারে পলেষ্টীয়গুনোর দেজ ভিদিরেদি ন-নেযেল, যুদিয়ো সিয়েন্‌ এলঅ‌ বেগত্তুন্‌ উজু পথ্‌। গোজেনে কোইয়্যেদে সেই দেজর্‌ ভিদিরেদি যেবার্‌ অক্তত্‌ যুদি তারা যুদ্ধো গরেদে অবস্থাত্‌ পড়ন্‌ সালে অয়ত মন্‌ বোদোলেনে তারা আরঅ‌ মিসর্‌ দেজত্‌ ফিরি যেবাক্‌।

যাত্রা 3:9

ইস্রায়েলীয়গুনোর্‌ কানা-কুদিগানি ইক্কিনে মইধু এইনে লুম্মেগি। মিসরীয়গুনে কেধোক্ক্যেন গুরি তারা উগুরে অত্যেচার্‌ গরদন্‌ সিয়েনঅ মুই দেক্কোং।

যাত্রা 5:21

পরিচালক্কুনে তারারে কলাক্, লগেপ্রভু যেন তমারে সাজা-দে, কিত্তে ফরৌণে আর তা কাম্‌গুরিয়্যেগুনো ইধু তুমি আমারে একবাবোত্যে ঈচ্ গরেদে ধোক্ক্যেন গোজ্য, আর সেনে আমারে মারে ফেলেবার্‌ তলোয়ারানি তারা আঢত্‌ তুলি দুয়োন্‌।

যাত্রা 6:9

মোশি যেইনে এ কধানি ইস্রায়েলীয়গুনোরে জানেল, মাত্তর্‌ চিৎনপুজ্যে চাগর ধোক্ক্যেন কাম্‌ গত্তে গত্তে মন-মরা ওই পোজ্যন্‌ বিলি তারা মোশি কধাগান কান্‌ ন-পাদিলাক্।

হোশেয় 4:17

ইফ্রয়িমে মূত্তিগুনো লগে মিজেয়্যেগোই; তারে সিয়েনই গুরিবাত্তে দুয়ো।

যোনা 4:3

ইক্কিনে ও লগেপ্রভু, তুই মঅ পরাণান্ নেযা, কিত্যে মর্ বাঁজি থানাত্তুন্ মুরি যানাগান গম্।”

যোনা 4:8

যেক্কে বেলান্ উদিলো সেক্কে গোজেনে গরম পূগো বোইয়্যের্ বেঈ দিলো; সেক্কে যোনা মাঢাবোত্ এমন রোদ বাঁজিলো যে, তে পেরায়্ অজ্ঞান অইদ্যে ধোক্ক্যেন অলঅ। সেক্কে তে মুরিবাত্তে চেইনে কলঅ, “মর্ বাঁজি থানাত্তুন মুরি যানা গম্।”

মার্ক 1:24

তে রঅ ছাড়িনে কলঅ, “ও নাসরতর্ যীশু, আমা লগে তর্ কি দরকার্? তুই কি আমারে সর্বনাশ্ গুরিবাত্তে এচ্চোস্? মুই হবর্ পাং তুই কন্না; তুই দঅ গোজেনর্ সেই পবিত্র মানুচ্চো।”