যাত্রা 14:10 - Chakma Bible

¹⁰ ফরৌণে আর তাঁর্‌ দলবলুনোরে তারার্‌ পিজেদি এত্তে দেগিনেই ইস্রায়েলীয়গুনে অমহদ দোরেইনে লগেপ্রভু ইধু কানাকুদি গরা ধুরিলাক্।

যাত্রা 14:10 ပူးပေါင်းရင်းမြစ်များ

২ বংশধর 18:31

রথর্ সেনাপতিগুনে যিহোশাফটরে দেগিনে মনে গোজ্যন্দে, তে হামাক্কাই ইস্রায়েলর রাজা। সেনত্তেই তারা ফিরিনে তারে আক্রমণ গরা ধুরিলো মাত্তর্‌ যিহোশাফটে রঅ ছাড়িনে উদিলো, সেক্কে লগেপ্রভু গোজেনে তারে বল্‌ দিলো আর সেক্কে তারা তা কায়-কুরেত্তুন্‌ গেলাক্‌।

নহিমিয় 9:9

মিসর দেজত্‌ আমা পূরোণিমানুচ্চুনোর্‌ দুখ্‌কানি তুই দেখ্যস্‌; লোহিত সাগরর্‌ পারত্‌ তারার্‌ কানানিগানি তুই শুন্যস্‌।

গীতসংহিতা 106:44

তো তে তারার কানানিগানি শুনিনে তারান্দি ফিরি চেলঅ।

গীতসংহিতা 107:13

দজাত্ পুরিনে তারা লগেপ্রভু ইদু কানাকুদি গুরিলাক্, সেক্কে দুঘোত্তুন্ তে তারারে রোক্ক্যে গুরিলো।

গীতসংহিতা 107:19

দজাত্ পুরিনে তারা লগেপ্রভুর ইদু কানাকুদি গুরিলাক্, সেক্কে দুঘোত্তুন্ তে তারারে রোক্ক্যে গুরিলো।

গীতসংহিতা 107:28

দজাত্ পুরিনে তারা লগেপ্রভু ইদু কানাকুদি গুরিলাক্, সেক্কে দুঘোত্তুন্ তে তারারে নিগিলেই আনিলো।

গীতসংহিতা 107:6

দজাত্ পুরিনে তারা লগেপ্রভুর ইদু কানাকুদি গুরিলাক্, সেক্কে দুগোত্তুন্ তে তারারে উদ্ধোর্ গুরিলো।

গীতসংহিতা 34:17

যিগুনে ন্যায় কাম গরন্ লগেপ্রভু তারার্ কানানিগানি শুনে; বেগ্ দুগোত্তুন্ তে তারারে উদ্ধোর্ গরে।

গীতসংহিতা 53:5

তর্ আক্রমণগুরিয়্যে গুনোর আড়্‌‌গড়াগুন তে সোড়েই রাগেয়্যে; আগে তারার দর্-ভর্ ন-এলঅ, তো তারা ইক্কিনে অমকদ দোরেলাক্; গোজেনে তারারে বাদ দিয়্যে, সেনত্তেই তুই তারারে লাজত্ ফেলেয়োচ্।

গীতসংহিতা 81:7

দজাত্ পড়িনে তুই মরে ডাগিলে আর মুই তরে উদ্ধোর্ গুরিলুং; দেবা পেরাগ রবো সেরেত্তুন্ মুই তরে জোব্ দিলুং; মরীবার পানিগান ইদু মুই তরে জগা চেলুং।

যাত্রা 13:17

ফরৌণে যেক্কে ইস্রায়েলীয়গুনোরে বিদেয় গুরি দিলো সেক্কে গোজেনে তারারে পলেষ্টীয়গুনোর দেজ ভিদিরেদি ন-নেযেল, যুদিয়ো সিয়েন্‌ এলঅ‌ বেগত্তুন্‌ উজু পথ্‌। গোজেনে কোইয়্যেদে সেই দেজর্‌ ভিদিরেদি যেবার্‌ অক্তত্‌ যুদি তারা যুদ্ধো গরেদে অবস্থাত্‌ পড়ন্‌ সালে অয়ত মন্‌ বোদোলেনে তারা আরঅ‌ মিসর্‌ দেজত্‌ ফিরি যেবাক্‌।

যাত্রা 15:25

এই কধাগান্‌ শুনিনে মোশি যেইনে লগেপ্রভু ইধু কানাকুদি গরা ধুরিলো। তে মোশিরে এক্কো গাজ্ দেগেই দিলো। মোশি সিবে পানিত্‌ ফেলে দিলো আর সেই পানিগান হেই পারেপা অলঅ‌। লগেপ্রভু সিয়েনত্‌ তারারে জগা চেলঅ আর তারাত্তেই এক্কান সুদোম আর আইন থিদেবর্ গুরিলো।

যিশাইয় 26:16

ও লগেপ্রভু, দুঘো সময় তারা তরে দেখ্যন্; তত্তুন্ সাজা পেবার সময়োত্ তারা ওলোমোত্য ওইনে ফিস্ ফিস্ গুরি তবনা জানেয়োন্।

যিশাইয় 7:2

সেক্কে দায়ূদ বংশর মানুচ্চুনোরে কুয়া অলঅ, “অরামর্ সৈন্যদলুনে সমাজ্যে ইজেবে ইফ্রয়িমত্ তাম্বুল ফেলেইনে আগন্।” এ কধাগান শুনিনে আহসে আর তা মানুচ্চুনোর্ মনানি দরে বোইয়্যেরে দুলি পোজ্যে ঝার গাজ ধোক্ক্যেন্ দুলি উদিলো।

যিরমিয় 22:23

ও লেবাননর এরস গাজর্ বানেয়্যে ঘরত্ বজত্তি গুরিয়্যে মিলেবো, মিলে পুয়ো পুদোইদ্যে পিড়ে ধোক্ক্যেন যেক্কে তঅ উগুরে এবঅ সেক্কে তুই অমকদ ছোট্‌পোধেবে!”

দ্বি’লম্বর বিররণ 9:7

তুমি ধূল্যেচর-চাগালাত্‌ তমার্‌ গোজেন লগেপ্রভুর রাক্কান্‌ কিঙিরিনে জাগেই তুল্য সিয়েন্‌ মনত্‌ রাগেয়ো, কনদিনঅ ভুলি ন-যেয়ো। মিসর দেজছান ছাড়ি এজানার্‌ দিনোত্তুন্‌ ধুরি আরাম্ভ গুরিনে ইদু লুমোনা সং তুমি লগেপ্রভুর বিরুদ্ধে উল্লোমির্‌ ভাব মনত্‌ গুরি এজর্‌।

যিহোশূয় 24:6

তমার পূরোণি মানুচ্চুনে মিসরত্তুন্‌ নিগিলিনে সাগরর্‌ কায় এলাক্‌। ইন্দি মিসরীয়গুনে রথ আর ঘোড়ার সৈন্যদল লোইনে লোহিত সাগর সং তারার্‌ পিজে পিজে লোড়েইনে এলাক্‌।

যিহোশূয় 24:7

মাত্তর্‌ ইস্রায়েলীয়গুনে মইদু কানাকুদি গুরিলে পরেন্দি মুই তারার্‌ আর মিসরীয়গুনোর সংমোধ্যে আন্ধার্‌ গুরি দিলুং। মুই মিসরীয়গুনো উগুরে সাগরর্‌ পানিগান্‌ ফিরেই আনিনে তারারে ভাজেই দিলুং। মিসরীয়গুনোর অবস্থা মুই কি গোজ্যং সিয়েন দঅ‌ তুমি নিজেই দেক্কো। সে পরেন্দি তুমি ভালোক্‌ দিন ধূল্যেচরর্‌-চাগালাত্‌‌ বজত্তি গোজ্য।

১ যোহন 4:18

এই কোচ্‌পানাগান ভিদিরে দর্ নেই, মাত্তর্ যদবদে কোচ্‌পানাগানে দর্ জিনিস্‌চানরে ধাবেই দে, কিয়া দরান সমারে সাজার চিন্তেগান্অ থায়। যে দরায় তে কোচ্‌পানাগান পেলেং পেলেং ন-পায়।