যাত্রা 13:2 - Chakma Bible

² “ইস্রায়েলীয়গুনো ভিদিরেত্তুন্ পত্তি ঘরর্‌ পত্তম মরদ পূয়োবোরে মর্‌ নাঙে যুদো গরঅ, সিবে মান্‌জ্যর্‌ ওক্‌ বা য়েমানর্‌ ওক্‌। পত্তি ঘরর্‌ পত্তম মরদ পূয়োবো মর্‌।”

যাত্রা 13:2 ပူးပေါင်းရင်းမြစ်များ

নহিমিয় 10:36

রীদি-সুদোমত্‌ যেধোক্কেন্‌ লেগা আঘে সেধোক্কেন্‌ আমি আমার্‌ পত্তম্‌ মরদ পূঅবো আর এ্যমানর্‌ পত্তম্‌ ছঅবো আমা গোজেনর সেবাগুরিয়্যে ধর্মগুরুগুনোর ইদু নেযেবং।

নহিমিয় 10:37

ইয়েনিবাদেয়ো আমা মোয়দ্যের্‌ আর শোজ্য-উৎসর্বর পত্তম্‌ ভাগ্‌কুয়ো, বেক্‌ গাজ্‌ছুনোর পত্তম ফল্লো আর নূয়ো আংগুর-রস আর তেলর্‌ পত্তম্‌ ভাগ্‌কুয়ো আমি আমার গোজেনর ঘরর্‌ ভান্ডাল-ঘরত্‌ ধর্মগুরুগুনোর্‌ ইদু আনিবোং। আর আমা ফসলর দশ ভাগর্‌ এক ভাগ্‌ লেবীয়গুনোর্‌ ইদু আনিবোং, কিত্যে আমা বেক্‌ আদামানিত্‌ লেবীয়গুনে দশমাংশ গুজি লন্‌।

যাত্রা 13:1

লগেপ্রভু মোশিরে কলঅ‌,

যাত্রা 22:28

গোজেনরে অগমান ন-গোজ্য বা তমার শাসনগুরিয়্যেগুনোরে অভিশাব ন-দুয়ো।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যাত্রা 4:22

সে পরেদি তুই ফরৌণরে কবে, লগেপ্রভু কোইয়্যে, ‘ইস্রায়েল মর্‌ পত্তম্ পূয়োবো।

যিহিষ্কেল 16:20

তর্ যিদুক্কুন ঝি-পুয়ো তুই মত্তে পেদত্ ধোজ্যস্ তারারে নিইনে তুই হানা ইজেবে মূত্তিগুনো নাঙে উৎসর্ব গোজ্যস্। তর্ সিনেলীর্ কামানি বোউত্ এলঅ।

যিহিষ্কেল 16:21

আরঅ মর্ ঝি-পুয়োগুনোরে কাবিনে তুই মূত্তিগুনো নাঙে তারারে আগুনোত্ পুড়িনে উৎসর্ব গোজ্যস্।

লেবীয় 27:26

কনঅ য়েমানর্‌ পত্তম চেলা ছঅবো কনজনে লগেপ্রভুর নাঙে যুদো গুরি রাগেই ন-পারিবো, কিত্যে বেক্‌ য়েমানর্‌ পত্তম ছঅগুন্‌ লগেপ্রভুর। ছঅবো গোরুর ওক্‌ বা ভেড়ার ওক্ সিবে লগেপ্রভুর।

গণাণা 18:15

লগেপ্রভু ইদু ইস্রায়েলীয়গুনোর উৎসর্ব গোজ্যে পত্তিঘরর পত্তম মরদ পূঅবো তর্‌ অবঅ-তে মান্‌জ্যর ওক্‌ বা য়েমানর ওক্‌। মান্‌জ্যর পত্তম মরদ পূঅবোরে তুই হামাক্কায় উদ্ধোর্ গুরিবে আর অসিজি য়েমানর পত্তম চেলা ছঅবোরেয়ো তুই উদ্ধোর্ গুরিবে।

গণাণা 3:12

“ইস্রায়েলীয় মিলেমানুচ্চুনোর্‌ পত্তম পূঅবোর জাগানত্‌ মুই ইস্রায়েলীয়গুনো ভিদিরেত্তুন্‌ লেবীয়গুনোরে নেযেয়োং। লেবীয়োগুন মর্‌,

গণাণা 3:13

কিত্যে ইস্রায়েলীয়গুনোর্‌ বেগঅ পত্তম পূঅবো মর্‌। মিসর দেজর্‌ পত্তম পূঅগুনোরে মারে ফেলেবার্‌ সময় মুই ইস্রায়েলীয়গুনো ভিদিরে পত্তম মরদ্‌ পূঅবোরে মত্তে যুদো গুরি রাগেয়োং-তে মানজ্যর্‌ ওক্‌ বা য়েমানর্‌ ওক্‌। তারা মর্‌; মুই লগেপ্রভুর্।”

লূকে লেখ্যে গম্ হবর্ 2:23

কিয়া প্রভুর আইন-কানুনোত্ লেঘা আঘে, “পত্তমে জোর্মেয়্যে এবাবোত্যে পত্তি মরদ পুয়োরে প্রভুর্ বিলি ধরা অবঅ।”

দ্বি’লম্বর বিররণ 15:19

তমাত্তুন গোরু-ভেড়া আর ছাগলর পত্তি পত্তম য়েমান ছঅগুন তমার গোজেন লগেপ্রভুর নাঙে যুদো গুরি রাগেবা। তমার গোরুগুনোর পত্তম ছঅ্‌বুয়ো কামত্‌ ন লাগেবা আর ছাগল আর ভেড়ার পত্তম ছঅবুয়োর কেশ্‌চানি ন কাবিবা।

ইব্রীয় 12:23

পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;