যাত্রা 13:19 - Chakma Bible

¹⁹ মোশি যোষেফ আড়ুন্ লগেগুরি নেযেল, কিত্তে এ পৌইদ্যেনে যোষেফে ইস্রায়েলীয়গুনোরে শমক্‌ খাবেয়্যে। তে কোইয়্যেদে, “গোজেনে হামাক্কায়্‌ তমারে দেগাশুনো গুরিবো। ইয়োত্তুন্‌ যেবার্‌ সময়োত্‌ তুমি মর্‌ আড়ুন্‌ তুলিনে লগে গুরি নেযেয়ো।”

যাত্রা 13:19 ပူးပေါင်းရင်းမြစ်များ

পত্থম 48:21

সে পরেদি ইস্রায়েলে যোষেফরে কলঅ, “চাহ্, মর্‌ মরণর্‌ অক্ত প্রায় গোণেই এচ্চ্যে। মাত্তর্‌ গোজেনে তমা লগে থেবঅ আর তমা পুরোণি মানুচ্চুনো দেজত্‌ তমারে ফিরেই নেযেব।

যাত্রা 4:31

সেক্কে মানুচ্চুনে বিশ্বেজ্ গুরিলাক্। তারা যেক্কে শুনিলাক্, লগেপ্রভু ইস্রায়েলীয়গুনোর্‌ দুখ্‌কানি দেক্ক্যে আর তারা কধানি চিদে গোজ্যে সেক্কে তারা মাদিত্‌ মাঢা নিগিরিনে লগেপ্রভুরে তারার্‌ মনর্ ভোক্তি জানেলাক্।

লূকে লেখ্যে গম্ হবর্ 1:58

তা উগুরে প্রভুর অমকদ দোয়্যের্ কধানি শুনিনে পাড়াল্যেগুনে আর কুদুম্মোগুনে তা সমারে ফুত্তি গরা ধুরিলাক্।

লূকে লেখ্যে গম্ হবর্ 7:16

ইয়েন্দোই বেক্কুনো মনত্ ভোক্তি আর দর্ লাগিলো। তারা গোজেনরে বাঈনী গুরিনে কুয়ো ধুরিলাক্, “আমা ইধু এক্কো দাঙর্ ভাববাদী আজির্ ওইয়্যে। গোজেনে দোয়্যে গুরিনে তা মানুচ্চুনো ইন্দি মনযোগ্ দিয়্যে।”

প্রেরিত্‌ 7:15

যাকোবে মিসরত্ গেলঅ, আহ্ সিধু তে আর আমা পূরোণি মানুচ্চুনে মুরি গেলাক্।

প্রেরিত্‌ 7:16

তারার কিয়্যেগানি শিখিমোত্ আনিনে গোর্ দিয়্যে অলঅ। এ গোর জাগায়ান অব্রাহামে শিখিম শঅরর্ হমোর পুয়োগুনোত্তুন্ রুবো দিইনে আগেদি কিন্ন্যে।

ইব্রীয় 11:22

বিশ্বেজ্ গুরিনে যোষেফে মুরি যেবার্ সময়োত্ মিসর দেজত্তুন্ ইস্রায়েলীয়গুনোরে যেবার্ কধা কোইয়্যে আর তা মরা কিয়্যেগানরে কি গরা পরিবো সিয়েন কোইয়্যে।

যিহোশূয় 24:32

যোষেফর আড়ুন, যিগুন ইস্রায়েলীয়গুনে মিসর দেজত্তুন্‌ লোই এচ্ছো্‌ন্‌, সিগুন্‌ তারা শিখিমোত্‌ গোর্ দিইনে রাগেয়োন্‌। যাকোবে এ জাগায়ান শিখিমর বাপ হমোরর পূঅগুনোত্তুন্‌ একশঅ্‌ কসীতা দিইনে কিনি লোইয়্যে। এ জাগায়ান যোষেফর বংশধরুনোর সোম্বোত্তি ভিদিরে পোজ্যে।