যাত্রা 12:31 - Chakma Bible

³¹ ফরৌণে সে রেদোত্‌ মোশি আর হারোণরে ডাগি আনিনে কলঅ, “তুমি ইস্রায়েলীয়গুনোরে সমারে নেযেইনে মঅ মানুচ্চুনো ভিদিরেত্তুন্‌ নিগিলি যঅ। তুমি যেধোক্ক্যেন কোইয়ো সেধোক্ক্যেন গুরি যেইনে লগেপ্রভুর্‌ তবনা গরঅ।

যাত্রা 12:31 ပူးပေါင်းရင်းမြစ်များ

গীতসংহিতা 105:38

তারার যানা দেগিনে মিসরীয়গুনে হুজি ওইয়োন্, কিত্তে তারা ইস্রায়েলীয়গুনোরে অমকদ দোরেদাক্।

যাত্রা 10:29

মোশি কলঅ, “তুই যিয়েন্‌ কোইয়োচ্‌ সিয়েনোই অবঅ। মর্‌ নিজো আওজে মুই আর তঅ মুজুঙোত্‌ ন-এইম্‌।”

যাত্রা 10:9

জোবত্‌ মোশি কলঅ, “আমা চিগোন্‌ চিজিগুন্‌ আর বুড়োগুন, আমা ঝি-পূয়োগুন্‌ আর আমার গোরু-ভেড়াছাগলুন্‌ আমা লগে যেবাক্, কিত্তে লগেপ্রভুর্‌ নাঙে আমার্‌ এক্কান পরব্ পালা পুরিবো।”

যাত্রা 11:1

সেক্কে লগেপ্রভু মোশিরে কলঅ, “মুই ফরৌণরে আর মিসর দেজ্‌চানরে আরঅ এক্কান্‌ আঘাত দিম্‌। সে পরেদি ফরৌণে ইয়েনত্তুন্‌ তমারে যেবাত্তে দিবো। সালে তে যেক্কে তমারে যেবাত্তে দিবো সেক্কে ইয়েনত্তুন্‌ তমারে তে এক্কুবারে ধাবেই দিইনে বিদেয়্‌ গুরিবো।

যাত্রা 11:8

তর্‌ এ কাম্‌গুরিয়্যেগুনে এইনে মঅ মুজুঙোত্‌ আদু পাদিনে কবাক্‌, ‘তুই তর্‌ বেক্‌ মানুচ্চুন নেযেইনে নিগিলি যাহ্!’ সে পরেদি মুই যেম্বোই।” এ কধাগান্‌ কোইনে মোশি রাগে আগুন্‌ ধোক্ক্যেন ওইনে ফরৌণ ইধু গেলঅ।

যাত্রা 12:39

যে সদানেইয়্যে মোইদ্যের্‌ ডলাগুন্ তারা মিসরত্তুন্‌ লোই এচ্ছোন্ পদথ্‌ তারা সিয়েনিলোই পিদে বানেলাক্‌। এদক্‌ যাদিমাদি মিসর দেজত্তুন্‌ তারারে নিগিলেই দিয়্যে অলদে যে, তারা মোইদ্যেগানি লগে সদা মিজেবার্‌অ‌ সময় ন-পান্‌ আর পদথ্‌ হেবাত্তে কনকিজু বানেয়ো নেযেই ন-পারন্‌।

যাত্রা 6:1

লগেপ্রভু মোশিরে কলঅ, “তুই দেগিবে, ফরৌণরে এবারত্‌ মুই কি গরঙ্‌। মর্‌ দরমর আঢত্‌ পড়িনে সেই মানুচ্চুনোরে ইরি দিবো। অয়, মর্‌ দরমর আঢত্‌ পড়িনে তে তা দেজত্তুন্‌ তারারে ধাবেইনে নিগিলেই দিবো।”

যাত্রা 8:25

সেক্কে ফরৌণে মোশি আর হারোণরে ডাগি আনিনে কলঅ, “তুমি এ দেজ ভিদিরে কনঅ এক্কান জাগাত্‌ যেইনে তমা গোজেন নাঙে য়েমান্‌ উৎসর্ব গরঅ।”

যাত্রা 8:8

ফরৌণে সেক্কে মোশি আর হারোণরে ডাগি আনিনে কলঅ, “তুমি লগেপ্রভু ইধু কোজোলী গরঅ যেনে তে মত্তুন্ আর মঅ মানুচ্চুনো উগুরেত্তুন্‌ এ বেঙ ভানাগান্‌ সোরেই নেযায়্‌। সেক্কে মুই মানুচ্চুনোরে যেবাত্তে দিম যেনে তারা যেইনে লগেপ্রভুর্‌ নাঙে য়েমান্‌ উৎসর্ব গুরি পারন।”

১ শমূয়েল 6:6

তুমি কিত্তে ফরৌণ আর মিসরীয়গুনো ধোক্ক্যেন গুরি নিজোর মনানিরে দরঅ গোজ্য? ইস্রায়েলীয়গুনোর গোজেনে যেক্কে মিসরীয়গুনোরে ভুল বানেয়্যে সেক্কে তারা ইস্রায়েলীয়গুনোরে যেবাত্তে দুয়োন, আর তারা আদি যেয়োন্দোই।