যাত্রা 12:30 - Chakma Bible

³⁰ সেই রেদোত্‌ ফরৌণে আর তার্‌ বেক্‌ কাম্‌গুরিয়েগুন্‌ আর মিসরর্‌ পত্তি মানুচ্চুন ঘুমোত্তুন্‌ জাগি উদিলাক্; আর পুরো মিসর্‌ দেজত্‌ এক্কো কানানির কিজেক্‌ পড়ি গেলঅ, কিত্তে এমন্‌ এক্কান্অ ঘর বাদ ন-যায় যিয়েনত্‌ কনজন্‌ মুরি ন-যান্‌।

যাত্রা 12:30 ပူးပေါင်းရင်းမြစ်များ

গীতসংহিতা 78:50

তা রাগ্‌কানত্তে তে পথ বানেল, তে মরণত্তুন্ তারারে রেহাই ন-দে ; বরং ভানা (সাজুরেদে পিড়ে) আদত্ তারারে তুলি দিলো।

যাত্রা 10:10

সেক্কে ফরৌণে তারারে কলঅ, “যুদি কনঅ দিন্অ মুই ঝি-পূয়োগুন সুমুত্তো তমারে যেবাত্তে দুয়োং সালে তমার্‌ সে লগেপ্রভুবোয়ো যেনে তমা সমারে থায়্‌। উজিয়ার্‌! তমা উদ্দেশ্যগান্ গম্‌ নয়।

যাত্রা 11:6

সেক্কে পুরো মিসর্‌ দেজত্‌ এমন্‌ কানানার্‌ রঅ উদিবো যিবে আগে কনদিন্অ ন-উদে আর কনদিন্অ ন-উদিবো।

গম্ উপদেজ্ 21:13

যে মানুচ্চো নাঢা মানুচ্চুনোর কানানিলোই কানান্ ঢিবে দি রাগায়, তে যেক্কে নিজে কানিবো সেক্কেনে কনজনে সিয়েনি ন-শুনিবা।

আমোষ 5:17

বেক্ আংগুর খেত্‌‌তানিত্ আবিলেচ্ গুরিবাক, কিত্যে মুই তমা ভিদিরেদি যেইম। মুই লগেপ্রভু এ কধাগান কঙর্।”

হবক্‌‌‌‌কূক 3:5

তা আগে আগে যার্ ভানাগান্; তা পিজে পিজে পীড়েগান যার্।

মথি লেখ্যে গম্ হবর্ 25:6

পরে রেত্ সম্বাগত্ দাঙর্ রঅ শুনো গেলঅ, উইয়ো চঅ, জামেইবো এজের্! জামেইবোরে আগ্- বাড়েই আনিবাত্তে নিগিলো।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।

১ শমূয়েল 5:12

যিদুক্কুন মানুচ্‌ মুরি ন-যান তারার্‌অ সেই টিউমার পিড়ে ওইয়্যে। সেক্কে শঅরর্‌ মানুচ্চুনোর কানাকুদির্ রঅবো যেন আগাজ সং লুমিলোগোই।