যাত্রা 12:3 - Chakma Bible

³ তুমি বেক্‌ ইস্রায়েলীয়গুনোরে এগত্তর্‌ গুরিনে কোই দুয়ো যেনে এ মাসর দশ তারিগোত্‌ পত্তি পরিবারর্‌ মুরুব্বীবো নিজোর পরিবারত্তে এক্কো গুরি ভেড়া ছাগল ছঅ বেঈ লয়। পত্তি ঘরত্তে এক্কো গুরি ভেড়াছাগল ছঅ নেযা পড়িবো।

যাত্রা 12:3 ပူးပေါင်းရင်းမြစ်များ

পত্থম 22:8

অব্রাহামে কলঅ, “বাবা, পুজ্যে-উৎসর্বত্তে গোজেনে নিজে ভেড়া ছঅ যুক্কুলেই দিবো।” এ কধানি কদে কদে তারা উজেই যাদন্‌।

পত্থম 4:4

হেবলেয়ো তা পালত্তুন্ পত্তমে জর্মেয়্যে কয়েক্কো ভেড়া আনিনে সিগুনোর তেলানি উৎসর্ব গুরিলো। লগেপ্রভু হেবল আর তা উৎসর্বয়ানি গুজি ললঅ,

২ বংশধর 35:7

সে পরেন্দি যোশিয় সিদু আঝিল্ ওইয়্যে বেক্‌ মানুচ্চুনোত্তে উদ্ধোর্‌-পরবর্‌ উৎসর্ব নাঙে ত্রিশ আজার ছাগল আর ভেড়া ছঅ আর তিন আজার বলদ গোরু দিলো। ইগুন্‌ রাজার নিজোর্‌ সোম্বোত্তিত্তুন্‌ দিয়্যে অলঅ।

যাত্রা 12:2

এ মাস্‌সো অবঅ তমার্‌ পত্তম মাস, তমা বজরর্‌ পত্তম মাস।

যাত্রা 12:21

সেক্কে মোশি ইস্রায়েলীয়গুনোর্ বুড়ো নেতাগুনোরে ডাগিনে কলঅ, তমা পরিবারত্তে ভেড়া ছাগল ছঅ লোইনে উদ্ধোর-পরব নাঙে সিবে কাবিবা।

যাত্রা 12:4

কনঅ পরিবারত্যে যুদি এক্কো পুরো ভেড়া ছাগল ছঅ ন-লাগে, সালে পাড়াল্যে মানুচ্চুনো লগে সিবে ভাগ গুরি নেযা পড়িবো। দ্বিবে পরিবারর্‌ মানুচ্‌ মজিম্ পত্তিজনে কত্তমান্‌ হেই পারিবাক্ সিয়েনি বুঝিনে ভেড়া ছাগল ছঅবো নেযা পুড়িবো।

যাত্রা 12:6

ছঅবুয়ো এ মাসর চোদ্দো তারিখ সং রাগা পড়িবো। সে পরেদি সেদিন্যে বেল্‌ ডুবি যানার পরেদি পুরো ইস্রায়েল সমাজর্‌ পত্তি পরিবারর যার্ যার্‌ ভেড়া ছাগল ছঅগুন কাবিবাক্।

যাত্রা 14:15

ইয়েন পরেদি লগেপ্রভু মোশিরে কলঅ, “তুই মইধু কিত্তেই কানাকুদি গরর্‌? ইস্রায়েলীয়গুনোরে উজেই যেবাত্তে কঅ‌।

যাত্রা 20:19

তারা মোশিরে কলাক্, “তুই আমা লগে কধা কঅ‌, আমি শুনিবোং; মাত্তর্‌ গোজেনে যুনি আমা লগে কধা কয়্‌ সালে আমি মারা পুড়িবোং।”

যাত্রা 4:30

লগেপ্রভু মোশিরে যেদক্কানি কধা কোইয়্যে সিয়ানি বেক্কানি হারোণে তারারে জানেল আর মানুচ্চুনো মুজুঙোত্‌ সে আমক্‌ অইদে কামানি গুরি দেগেলাক্।

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যিহিষ্কেল 40:1

আমা বন্দীদজাত্ পোজোস্ বজরর্ আরাম্ভত, মাসর্ দশ দিনোত, যিরূশালেম শঅরর্ পতনর্ চৌদ্দ বজর পরেদি লগেপ্রভুর আঢ্‌তানি মঅ উগুরে এলঅ। ‌‌

লেবীয় 5:6

সেক্কে সে অন্যেয়র্‌ জরিবানা ইজেবে তাত্তুন্‌ লগেপ্রভুর্ নাঙে পাপ-উৎসর্বত্তে এক্কো পাদি ভেড়াছাগল-ছঅ বা পাদিছাগল আনা পুরিবো, আর ধর্মগুরুবো তার্‌ অন্যেয়ানি ঢাগি দিবার্‌ বেবস্থা গুরিবো।

গণাণা 15:11

“পত্তি বলদ গোরু বা ভেড়াছাগল, পত্তি ভেড়াছাগলর-ছঅ বা পাঁদা ইঙিরিনে উৎসর্ব গরা পুরিবো।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 1:36

এমন সময়োত্ যীশুরে আঢি যাদে দেগিনে যোহনে কলঅ, “উইয়োবু চঅ, গোজেনর্ ভেড়া ছবুয়ো।”

যোহন 12:1

উদ্ধোর-পরব ছদিন্ আগে যীশু বৈথনিয়াত্ গেলঅ। যিবেরে তে মরণত্তুন্ জেদা গোজ্যে সেই লাসারে বৈথনিয়াত্ বজত্তি গুরিদো।

যোহন 12:12

যিদুক্কুন্ মানুচ্ পরবত্ যেয়োন্ তারা সে পরেদি দিনোত্ শুনিলাক্ যীশু যিরূশালেমত্ এজের্।

১ করিন্হীয় 5:7

যেন তুমি এক্কান নুয়ো সদানেইয়্যে মোইদ্যের্ তাল্ ওই পারঅ; আর আসলেয়ো তুমি সিয়েন। আমা উদ্ধোর্-পরবর্ ভেড়া-ছঅ খ্রীষ্টরে উৎসর্ব গরা ওইয়্যে।

যিহোশূয় 7:14

সেনত্তে, বেন্যেমাদান্ তুমি গুট্টি মজিম মঅ মুজুঙোত্‌ এইনে থিয়্যেবা। যে গুট্টিবো মঅ আদত্‌ ধরা পুরিবো সে গুট্টিবো বংশ মজিম উজেই এবঅ‌; সিবে ভিদিরে যে বংশবো মঅ আদত্‌ ধরা পুরিবো সে বংশর মানুচ্চুনে পরিবার মজিম উজেই এবাক্‌; সে ভিদিরে যে গিরিবো মঅ‌ আদত্‌ ধরা পুরিবো সে গিরির্ মানুচ্চুনে এক একজন গুরি উজই এবাক্‌।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

১ শমূয়েল 7:9

সেক্কে শমূয়েলে এন্‌ এক্কো ভেড়াছাগলর ছঅ নেযেল যিবে দুধ ন-ছাড়ে আর গোদা ছঅবো দিইনে তে লগেপ্রভুর নাঙে এক্কো পুজ্যে-উৎসর্বর অনুষ্ঠান গুরিলো। তে ইস্রায়েলীয়গুনোর ওইনে লগেপ্রভুরে ডাগিলো আর লগেপ্রভুয়ো তারে জোব্ দিলো।