যাত্রা 12:29 - Chakma Bible

²⁹ সে পরেদি চৌদ্দো তারিগোর্‌ রেত্‌ সম্বাগত্‌ লগেপ্রভু মিসর্‌ দেজর্‌ পত্তি ঘরর্‌ পত্তম পূয়োবোরে মারে ফেলেল। ইয়েনত্ রাজ-সিংহাসনর্‌ গিরোজ্ ফরৌণর্‌ পত্তম পুয়োবোত্তুন্‌ ধুরি জেলোত্‌ পোজ্যে মান্‌জ্যর্‌ পত্তম পূয়োগুন্‌ সং, এন্‌ কি, য়েমানুনোর্ পত্তম চেলা ছবুয়ো মুরি গেলঅ।

যাত্রা 12:29 ပူးပေါင်းရင်းမြစ်များ

পত্থম 15:14

মাত্তর্‌ যে জাদ্‌তো তারারে চাগর্‌ বানে রাগেব সে জাদ্‌তোরে মুই সাজা-দিম্‌। পরেদি তারা বোউত্‌ ধন-সোম্বোত্তি নিইনে সে দেজত্তুন্‌ নিগিলি এবাক্‌।

ইয়োব 34:20

তারা অদাদত্ মুরি যান, মুরি যান রেদসম্বাগত্; তারারে লাড়েলে তারা ভস্ত অন্; কনজনে কিজু ন-গুরিলেয়ো বোলীগুনে মুরি যান।

গীতসংহিতা 105:36

সে পরেন্দি তে মিসরীয়গুনোর গাবুজ্যে বলর্ পত্তম ফল, অত্তাৎ দেজর্ বেগ পৌল্যে পুয়োবোরে আঘাত গুরিলো।

গীতসংহিতা 135:8

মিসর পত্তম পুয়োগুনোরে তেয়ই আঘাত্ গোজ্যে, আঘাত্ গোজ্যে মানুচ্ আর য়েমান পত্তম ছঅগুনোরে।

গীতসংহিতা 136:10

যিবে মিসরীয়গুনোর পত্তম্ পুয়োবোরে আঘাত্ গোজ্যে তারে ভালেদি জানঅ; -তার কোচ্‌পানাগান উমরত্তে থিদেবর্ গোজ্যে-

গীতসংহিতা 78:50

তা রাগ্‌কানত্তে তে পথ বানেল, তে মরণত্তুন্ তারারে রেহাই ন-দে ; বরং ভানা (সাজুরেদে পিড়ে) আদত্ তারারে তুলি দিলো।

গীতসংহিতা 78:51

তে মিসর দেজর পত্তি গিরির্ পত্তম্ পুয়োগুনোরে আঘাত গুরিলো, আঘাত গুরিলো হাম-বংশর তাম্বুলোত্ গাবুজ্যে-বলর্ পত্তি গিরির্ পত্তম্ ফল্লোরে।

যাত্রা 11:1

সেক্কে লগেপ্রভু মোশিরে কলঅ, “মুই ফরৌণরে আর মিসর দেজ্‌চানরে আরঅ এক্কান্‌ আঘাত দিম্‌। সে পরেদি ফরৌণে ইয়েনত্তুন্‌ তমারে যেবাত্তে দিবো। সালে তে যেক্কে তমারে যেবাত্তে দিবো সেক্কে ইয়েনত্তুন্‌ তমারে তে এক্কুবারে ধাবেই দিইনে বিদেয়্‌ গুরিবো।

যাত্রা 12:12

সেই রেদোত্ মুই মিসর দেজ ভিদিরেন্দি যেইম্‌ আর মান্‌জ্যর্‌ পত্তম পূয়োবো আহ্ য়েমানর্‌ পত্তম চেলা ছঅগুনোরে মারে ফেলেম। মুই মিসরর বেক্‌ দেব-দেবেদাগুনোরে সাজা দিম; মুই লগেপ্রভু।

যাত্রা 12:28

মোশি আর হারোণরে লগেপ্রভু যে উগুমান্‌ দিয়্যে ইস্রায়েলীয়গুনে ফিরি যেইনে সেধগে কাম্‌ গুরিলাক্।

যাত্রা 13:15

ফরৌণে একগেয়েমি গুরি যেক্কে আমারে এবাত্তে ন-দের্‌ সেক্কে লগেপ্রভু মিসর দেজর্‌ মানেই আর য়েমানর্‌ পত্তি পত্তম মরদ পূয়োবোরে মারে ফেলেয়্যে। সেনত্তে মুই মর্‌ য়েমানুনোর্‌ পত্তি পত্তম চেলা ছঅবোরে লগেপ্রভুর্‌ নাঙে উৎসর্ব গরঙর্‌ আর মর্‌ পত্তম পূয়োবোরে ছাড়েই নেযাঙর্।

যাত্রা 4:23

মরে উবোসনা গুরিবাত্তে মর্‌ পত্তম পূয়োবোরে যেবার অনুমতি দিবাত্যে মুই তরে কোইয়োং। মাত্তর্‌ তুই তারে যেবাত্তে অনুমতি ন-দুয়োচ্‌ বিলি মুই তর্‌ পত্তম পূয়োবোরে মারে ফেলেবাত্তে যাঙর্‌।’ ”

যাত্রা 9:6

তার্ কেল্যে লগেপ্রভু সিয়েন গুরিলো। সেক্কে মিসরীয়গুনোর্‌ বেক্‌ য়েমানুন্‌ মুরি গেলাক্, মাত্তর্‌ ইস্রায়েলীয়গুনো পালত্তুন্‌ এক্কো য়েমান্অ ন-মুরিলাক্।

যিশাইয় 24:22

জেলখানা গাদত্ যেধোক্ক্যেন গুরি বন্দিগুনোরে একসমারে রাগা অয় সেধোক্ক্যেন গুরি তারারে একসমারে রাগা অবঅ। তারারে বানি রাগা অবঅ জেলখানাত্ আর ভালোক্ দিন পরে তারারে সাজা দিয়্যে অবঅ।

যিশাইয় 41:11

যিগুনে তঅ উগুরে রাগ্ গরন তারা বেক্কুনে ঘেচ্চেক্‌গুরি লাজত্ পড়ন্ আর অসর্মান অবাক্। যিগুনে তঅ বিরুদ্ধে যান তারার্ কনঅ চিহ্নো ন-থেবঅ; তারা ভস্ত ওই যেবাক্।

যিশাইয় 51:14

বন্দীগুনোরে যাদিমাদি ইরি দিয়্যে অবঅ। তারা তারার্ জেলখানা গাদত্ মুরি ন-যেবাক্, তারার হানার্‌অ অভাব ন-অবঅ।

যিরমিয় 38:13

সেক্কে তারা দুড়িলোই তারে টানিনে সে কূয়োবোত্তুন্ তুলি আনিলাক্। ইয়েনর পরেদি যিরমিয় চুগিদারুনোর উদোনত্ রলঅ।

যিরমিয় 38:6

সেক্কে তারা যিরমিয়রে ধুরিনে রাজার পুয়ো মল্কিয়র কূয়োবোত্ ফেলেই দিলাক্। এ কুয়োবো অলদে চুগিদারুনোর উদোন ভিদিরে। তারা যিরমিয়রে দুড়ি দিইনে সে কূয়োবোত্ লামেই দিলাক্। সিয়েনত্ পানি ন-এলঅ, বানা ফেগ্‌ফুদ্ এলঅ; আর যিরমিয় সেই ফেগ্‌ফুদো ভিদিরে গারা যাহ্ ধুরিলো।

হবক্‌‌‌‌কূক 3:5

তা আগে আগে যার্ ভানাগান্; তা পিজে পিজে পীড়েগান যার্।

সখরিয় 9:11

ও যিরূশালেম, তত্তেই মর্ সুদোমান থিদেবর্ গুরিবার লো-লোই মুই তর্ বন্দীগুনোরে সেই পানি নেইয়্যে গাঢত্তুন্ উদ্ধোর্ গুরি দিম।

গণাণা 3:13

কিত্যে ইস্রায়েলীয়গুনোর্‌ বেগঅ পত্তম পূঅবো মর্‌। মিসর দেজর্‌ পত্তম পূঅগুনোরে মারে ফেলেবার্‌ সময় মুই ইস্রায়েলীয়গুনো ভিদিরে পত্তম মরদ্‌ পূঅবোরে মত্তে যুদো গুরি রাগেয়োং-তে মানজ্যর্‌ ওক্‌ বা য়েমানর্‌ ওক্‌। তারা মর্‌; মুই লগেপ্রভুর্।”

গণাণা 33:4

মিসরীয়গুনে সেক্কে তারার্‌ পত্তম পূঅগুনোরে গোর্ দেদন। লগেপ্রভু তারার্‌ পত্তম পূঅগুনোরে মারে ফেলেয়্যে আর তারার্‌ দেব-দেবেদাগুনোরে সাজা দিয়্যে।

গণাণা 8:17

পত্তম জোর্মেয়ে এমন্‌ এক এক্কো ইস্রায়েলীয় মরদ পূঅ মর্‌-সিবে মান্‌জ্যর্‌ ওক্‌ বা য়েমানর্‌ ওক্‌। মিসরীয়গুনোর্‌ পত্তম মরদ পূঅবো মারে ফেলেবার্‌ সময়োত মুই ইস্রায়েলীয়গুনোর্‌ পত্তম মরদ পূঅবো মত্তে ফারগ্ গুরি রাগেয়োং।

ইব্রীয় 11:28

তে বিশ্বেজ্ গুরিনে উদ্ধোর্-পরব্ আর লো ছিদিবার সুদোমান পালন গোজ্জ্যে, যেনে যে ভস্ত গুরিয়্যে স্বর্গদূত্‌তো পত্তম পুয়োগুনোরে মারে ফেলেব তে ইস্রায়েলীয়গুনোরে ন-ধরে।

ইব্রীয় 12:23

পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;