2 এ মাস্সো অবঅ তমার্ পত্তম মাস, তমা বজরর্ পত্তম মাস।
রাজা অহশ্বেরশর রাজাগিরর্ বার বজরর্ পত্তম্ মাজত্, অত্তাৎ নীষণ মাজত্ এক্কো দিন আর মাস বেঈ লবাত্তে মানুচ্চুনে হামনর মুজুঙোত্ পূর, অত্তাৎ চাম্বা চাহ্ ধুরিলাক্। সেক্কে বার মাজর্, অত্তাৎ অদর মাজ বেপারে চাম্বা উদিলো।
পরেদি লগেপ্রভু মিসর দেজত্ মোশি আর হারোণরে কলঅ,
তুমি পত্তম মাসর্ চৌদ্দো তারিগোর্ সাজোন্যেত্তুন্ ধুরি আরাম্ভ গুরিনে সেই মাসর্ এগোশ্ তারিগোর্ সাজোন্যে সং সদানেইয়্যে পিদে হেবা।
তুমি বেক্ ইস্রায়েলীয়গুনোরে এগত্তর্ গুরিনে কোই দুয়ো যেনে এ মাসর দশ তারিগোত্ পত্তি পরিবারর্ মুরুব্বীবো নিজোর পরিবারত্তে এক্কো গুরি ভেড়া ছাগল ছঅ বেঈ লয়। পত্তি ঘরত্তে এক্কো গুরি ভেড়াছাগল ছঅ নেযা পড়িবো।
সেক্কে মোশি মানেইয়ুনোরে কলঅ, এই দিন্নোর্ কধা মনত্ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্ চাগর্ খাদানাত্তুন্ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্ তমারে নিগিলেই আন্যে। এই দিনোত্ তুমি সদা মিজেয়্যে কনকিজু ন-হেবা।
আবীব মাসর এই দিনোত্ তুমি নিগিলি এচ্ছো।
তুমি সদাছাড়া পিদের্ পরব্ পালেবা। মুই তমারে যে উগুমানি দুয়োং সেধোক্ক্যেনগুরি তুমি সাত দিন সং সদাছাড়া পিদে হেবা। আবীব মাজর্ ঠিগ্ সময়োত্ ইবে পালেবা, কিত্তে সেই মাজত্ তুমি মিসর্ দেজত্তুন্ নিগিলি এচ্চ্য। কনজনে যেনে সেক্কে সুদো আত্তোই মইদু ন-এজন্।
তুমি সদাছাড়া পিদের্ পরপ্পো পালেবা। মুই তমারে যেধোক্ক্যেন উগুম্ দুয়োং সেধোক্ক্যেন গুরি তুমি সাত দিন সং সদাছাড়া পিদে হেবা। আবীব মাজর্ ঠিগ্ সময়োত্ তুমি এই পরপ্পো পালন্ গুরিবা, কিত্তে সেই মাজত্ তুমি মিসর্ দেজত্তুন্ নিগিলি এচ্চো।
দ্বিবজরর্ পত্তম মাজর্ পোইল্যা দিনোত্ থেবার-তাম্বুলান্ বানা অলঅ।
মুই প্রভু লগেপ্রভু আরঅ কঙর্, তুমি পত্তম্ মাজর্ পৌইল্যা দিনোত্ এক্কো তুদো নেইয়্যে দামাড়া গোরু নিইনে উবোসনা-ঘরান্ সিজি গুরিবা।
পত্তম মাজর্ চৌদ্দ দিনোত্ তুমি উদ্ধোর-পরব্ পালেবা। এ পরব্পো সাত দিনোর; সে অক্তত্ তমাত্তুন্ সদানেইয়্যে পিধে হা পড়িবো।
বজরর্ পত্তম মাজর্ চৌদ্দো তারিগোত্ সাজোন্যে অক্তত্ লগেপ্রভুর্ নাঙে উদ্ধোর্-পরব্ আরাম্ভ অবঅ।
বজরর্ পত্তম মাজর্ চৌদ্দো তারিগোত্ লগেপ্রভুর্ নাঙে উদ্ধোর-পরব্ পালন গরা পুরিবো।
চৈত্ (আবীব) মাজত্ তমার গোজেন লগেপ্রভুর নাঙে তুমি উদ্ধোর-পরব্ পালন গুরিবা। এ আবীব মাজত্ একদিন্যে রেদোত্ তে মিসর দেজত্তুন্ তমারে নিগিলেই আন্যে।
