যাত্রা 11:2 - Chakma Bible

² তুই ইস্রায়েলীয়গুনোরে কবে, মিলে-মরদ বেক্কুনে যেনে তারার্‌ কায়‌-কুরে পাড়াল্যেগুনোত্তুন্‌ সনা আরঅ রুবোর জিনিস মাগি নেযান্‌।”

যাত্রা 11:2 ပူးပေါင်းရင်းမြစ်များ

পত্থম 24:53

সে পরেদি তে সোনা আর রুবোর্‌ অলংকার আর কাবড়-চুগোড় নিগিলেনে রিবিকারে দিলো, আর রিবিকার ভেই আহ্‌ মাবোরেয়ো বোউত্‌ মংগা মংগা পযাপিরা দিলো।

পত্থম 31:9

গোজেন এবাবোত্যেগুরি তমা বাপ্পোর্‌ য়েমান ঝাগকুন নিইনে মরে দিলো।

গীতসংহিতা 105:37

তে সনা-রূবো সুদ্ধো ইস্রায়েলীয়গুনোরে নিগিলেই আনিলো; তারা গুট্টিগুনোত্তুন্ কনজনে বল্ পোজ্যে ন-অন।

গীতসংহিতা 24:1

পিত্‌‌থিমী আর তা ভিদিরে বেক্কানি লগেপ্রভুর; জগদৎ আর তা ভিদিরে যিগুনে বজত্তি গরন্ তারায়ো তার্;

যাত্রা 3:21

ইস্রায়েলীয়গুনো উগুরে মিসরীয়গুনোর্‌ মনত্‌ মুই এন্‌ এক্কান্‌ মেইয়্যের্‌ মনভাব গুরি দিম্‌ যেনে মিসরত্তুন্‌ নিগিলি যেবার সময় তমারে সুদোআঢে যাহ্ ন-পড়ে।

যাত্রা 3:22

পত্তি ইব্রীয় মিলে তারা পাড়াল্যেগুন্ আর নিজো ঘরত্‌ আগন্‌ এবাবোত্যে বেক্‌ মিসরীয় মিলেগুনোত্তুন্‌ সোনা আর রূবোর জিনিস আর কাবড়-চুগোর চেইনে নেযেবা। সে পরেদি সিয়েনিলোই তুমি তমার্‌ ঝি-পূয়োগুনোরে সাজেবা। এবাবোত্যেগুরি মিসরীয়গুনোর্‌ জিনিসছানি ইস্রায়েলীয়গুনে গজক্ গুরি নিবা।”

যাত্রা 32:24

এই কধাগান্‌ শুনিনে মুই তারারে কোলুং, যিগুনোর্‌ সনার্‌ গহনা আঘে তারা যেনে সিয়েনি খুলিনেই মইদু আনন্‌। তারা মরে সনা আনি দিবার্‌ পরেদি মুই সিয়েনি আগুনোত্‌ মেলা মারি ফেলেই দিলুং আর সেক্কে এই গোরু ছবো নিগিলি এলঅ‌।

যাত্রা 35:22

মরদ আর মিলেগুনো ভিদিরে যিগুনোর্‌ মনত্ আওজ্ অলঅ তারা নানা বাবোত্যে সনার গহনায়ো আনিলাক্। সিয়েনি ভিদিরে এলঅ‌ কাবড় আক্‌সো রাগেবার পিন্‌, কান্‌ ফুল, আংদি আর অন্য বাবোত্যে গহনা। লগেপ্রভুর্‌ নাঙে দোলন-উৎসর্বত্তেই তারা এদক্কানি দিলাক্।

গম্ উপদেজ্ 13:22

গম্ মান্‌জ্যে তা নাদিন-পুদিনুনোত্তে অধিকার থোই যায়, মাত্তর্ পাপীগুনো ধনানি গোজেন ভক্তগুনোত্তে থুবো অয়।

হগয় 2:8

রূবোনিয়ো মর্, সনানিয়ো মর্।

মথি লেখ্যে গম্ হবর্ 20:15

যিয়েন্ মর্ নিজোর্, সিয়েন মর্ হুজি মজিম্ বেবহার গুরিবার অধিকার কি মর্ নেই? নাহি মুই দোয়্যেলু বিলি তঅ চোগোত্ ইংসে লাগের্।’ ”