যাত্রা 11:1 - Chakma Bible

¹ সেক্কে লগেপ্রভু মোশিরে কলঅ, “মুই ফরৌণরে আর মিসর দেজ্‌চানরে আরঅ এক্কান্‌ আঘাত দিম্‌। সে পরেদি ফরৌণে ইয়েনত্তুন্‌ তমারে যেবাত্তে দিবো। সালে তে যেক্কে তমারে যেবাত্তে দিবো সেক্কে ইয়েনত্তুন্‌ তমারে তে এক্কুবারে ধাবেই দিইনে বিদেয়্‌ গুরিবো।

যাত্রা 11:1 ပူးပေါင်းရင်းမြစ်များ

পত্থম 15:14

মাত্তর্‌ যে জাদ্‌তো তারারে চাগর্‌ বানে রাগেব সে জাদ্‌তোরে মুই সাজা-দিম্‌। পরেদি তারা বোউত্‌ ধন-সোম্বোত্তি নিইনে সে দেজত্তুন্‌ নিগিলি এবাক্‌।

ইয়োব 10:17

মঅ বিরুদ্ধে তুই নুয়ো নুয়ো সাক্ষী তুলোর্‌ আর মঅ উগুরে তর্‌ কাঙেলেত্যে বাড়েই তুলোর্‌; তঅ আক্রমণান্‌ এককানর্‌ পর্‌ এক্কান্‌ মঅ বিরুদ্ধে এজের্‌।

যাত্রা 12:29

সে পরেদি চৌদ্দো তারিগোর্‌ রেত্‌ সম্বাগত্‌ লগেপ্রভু মিসর্‌ দেজর্‌ পত্তি ঘরর্‌ পত্তম পূয়োবোরে মারে ফেলেল। ইয়েনত্ রাজ-সিংহাসনর্‌ গিরোজ্ ফরৌণর্‌ পত্তম পুয়োবোত্তুন্‌ ধুরি জেলোত্‌ পোজ্যে মান্‌জ্যর্‌ পত্তম পূয়োগুন্‌ সং, এন্‌ কি, য়েমানুনোর্ পত্তম চেলা ছবুয়ো মুরি গেলঅ।

যাত্রা 3:20

সেনত্তে মঅ খেমতাগান্‌ বেবহার্‌ গুরিনে মুই এন্‌ আমক্‌ অইদে কামবোই মিসররে আঘাত্‌ গুরিম যিয়েনর্‌ ফলে ফরৌণে তমারে যেবাত্তে দিবো।

যাত্রা 6:1

লগেপ্রভু মোশিরে কলঅ, “তুই দেগিবে, ফরৌণরে এবারত্‌ মুই কি গরঙ্‌। মর্‌ দরমর আঢত্‌ পড়িনে সেই মানুচ্চুনোরে ইরি দিবো। অয়, মর্‌ দরমর আঢত্‌ পড়িনে তে তা দেজত্তুন্‌ তারারে ধাবেইনে নিগিলেই দিবো।”

যাত্রা 9:14

ইয়েন পরেদি তমা উগুরে আর তমা কামগুরিয়েগুন্‌ আর মানুচ্চুনো উগুরে মুই মর্‌ নানান বাবোত্যে আঘাত পাধেই দিম। সেক্কে তুই বুঝি পারিবেদে, গোদা পিত্‌থিমীয়ানত্‌ মঅ ধোক্ক্যেন কনঅ জন নেই।

লেবীয় 26:21

তমার মনত্‌ যুনি মঅ উগুরে শত্রুতাভাব থায়্‌ আর যুনি তুমি মর্‌ কধালোই কান দিবাত্তে ন-চঅ‌ সালে তমার্‌ পাপর্‌ সাজা মুই সাতগুন্‌ বাড়েই দিম।

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।

ফগদাং পেইয়্যে 16:9

সেক্কে অমকদ গরমে মানুচ্চুনোর কিয়্যেগানি পুড়ি গেলঅ, আর এই আঘাত উগুরে যিবের খেমতা আঘে তারা সেই গোজেনরে নিন্দে গরা ধুরিলাক্, মাত্তর্ তো তারা তারার্ ভান্ন্যেই কামানিত্তুন্ মনানি ন-ফিরেলাক্।

১ শমূয়েল 6:4

সেক্কে শাজন্‌গুরিয়্যেগুনে পুযোর্ গুরিলাক, “দুষ-স্বীগের্‌ ইজেবে আমি তাইদু কি পাধেই দিবোং?” তারা কলাক্, পলেষ্টীয়গুনোর শাজেন্‌গুরিয়্যেগুনোর সোংখ্যে মজিম্ তুমি পাচছুয়ো সনার টিউমার আর পাচছুয়ো সনার উন্দুর পাধেই দো, কিত্যে মানুচ্চুনো উগুরে আর তারার শাজন্‌গুরিয়্যেগুনো উগুরে এক্কুই আঘাত এচ্চ্যে।