যাত্রা 10:6 - Chakma Bible

⁶ সে পরেদি তর্‌ আর তর্ বেক কাম্‌গুরিয়্যেগুন আর অন্য বেক্‌ মিসরীয়গুনো ঘরানিত্‌ এ পুগ্-যুগ্‌কুনে ভুরি যেবাক্। এ দেজত্‌ এজানার্‌ পরেত্তুন্‌ ধুরি এচ্চ্যে সং তর্‌ বাপ-দাদাগুনে আর তারার্‌ বাপ-দাদাগুনেয়ো কনদিন এবাবোত্যে অদে ন-দেগন্।’ ” এ কধাগান্‌ কনার্‌ পরেদি মোশি পিজেদি ফিরি ফরৌণ ইধু গেলগোই।

যাত্রা 10:6 ပူးပေါင်းရင်းမြစ်များ

যাত্রা 10:11

না, সিয়েন্‌ ন-অবঅ। তুমি দঅ লগেপ্রভুর্‌ উবোসনা গুরিবাত্যে যেবার চর্‌, সালে বানা মরত্তুনে যাদোক্।” ইয়েন পরেদি ফরৌণ মুজুঙোত্তুন্‌ মোশি আর হারোণরে ধাবেই দিয়া অলঅ।

যাত্রা 11:6

সেক্কে পুরো মিসর্‌ দেজত্‌ এমন্‌ কানানার্‌ রঅ উদিবো যিবে আগে কনদিন্অ ন-উদে আর কনদিন্অ ন-উদিবো।

যাত্রা 11:8

তর্‌ এ কাম্‌গুরিয়্যেগুনে এইনে মঅ মুজুঙোত্‌ আদু পাদিনে কবাক্‌, ‘তুই তর্‌ বেক্‌ মানুচ্চুন নেযেইনে নিগিলি যাহ্!’ সে পরেদি মুই যেম্বোই।” এ কধাগান্‌ কোইনে মোশি রাগে আগুন্‌ ধোক্ক্যেন ওইনে ফরৌণ ইধু গেলঅ।

যাত্রা 8:21

যুদি যেবাত্তে-দুয়োচ্‌ সালে মুই তঅ উগুরে, তমা বেক্‌ কাম্‌গুরিয়্যেগুনো উগুরে, তমা মানুচ্চুনো উগুরে আর তমা ঘরত্‌ পাল্ পাল্ পুক্‌ পাদাঙর্‌। মিসরীয়গুনোর্‌ ঘরত আর বেক্‌ জাগানিত্‌ নানান বাবোত্যে পুগে ভুরি যেবাক্।

যাত্রা 8:3

নীল গাঙান্‌ বেঙোই ভুরি যেবাক্, আর গাঙত্তুন্‌ সিগুন্‌ উদি এবাক্‌, তঅ ঘরত, তঅ ঘুম্‌ যেবার্‌ ঘরত, তঅ বিচ্চোনত্, তঅ কাম্‌ গুরিয়্যেগুনোর্‌ ঘরত, তঅ মানুচ্চুনো ঘরত, তঅ চুলোবোত্‌ আর তঅ মোইদ্যে গুলিবার্‌ পিলেবোত্‌ যেইনে উদিবাক্‌।

যাত্রা 9:18

সেনত্যে এযেত্যেকেল্যে ঠিগ্ এ সময়োত্‌ মুই এন্‌ এক্কান অমকদ শিল্‌ পড়েদে-ঝর পাধেই দিম্‌ যিয়েন মিসর দেজর্‌ পৌইল্যাত্তুন্‌ ধুরি এজঅ সং আর কনদিন্অ ন-অয়।

যাত্রা 9:24

বানা যে শিল্‌ পড়িলাক্ সিয়েন নয়, তা লগে লগে নিত্য ঝিমিলেনি এলঅ। মিসর্‌ দেজর্‌ পোইল্যাত্তুন্‌ ধুরি এজঅ সং গোদা দেজছানত্‌ এধোক্ক্যেনগুরি জদবদে ঝড় আর্ কনদিন্অ ন-অয়।

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

যোয়েল 2:9

তারা শঅর উগুরে ঝাবেই পড়ন্, দেবাল উগুরে দাবা দুয়োন্; তারা ঘরত্ উদোন্, তারা চুরো ধোক্ক্যেন জানালাদি চমন্।

ইব্রীয় 11:27

গোজেন উগুরে তার্ বিশ্বেজত্যে তে রাজার্ রাগ্‌কানরে ন-দোরেইনে মিসর দেশ্‌চান ফেলে যেইয়্যে, কিয়া যিবেরে দেগা ন-যায় তারে যেন দেগর্ সেবাবোত্যে গুরি তে ধৈয্য ধোজ্জ্যে।