যাত্রা 1:21 - Chakma Bible

²¹ সেই ওঝাগুনে গোজেনরে ভক্তি গুরিদাক্‌ বিলিনে তে তারার্‌ পূয়োগুন্দোই বংশ বাড়েই দিলো।

যাত্রা 1:21 ပူးပေါင်းရင်းမြစ်များ

১ রাজাবলী 11:38

যুনি তুই মর্‌ উঘুম্‌ মজিম্ কাম্‌ গরচ্‌ আর মর্‌ পধেন্দি আদচ্‌ আর মর্‌ চাগর্‌ দায়ূদো ধোক্কেন্‌ মর্‌ সুদোম আর উগুমানি পালেইনে মঅ চোগেন্দি যিয়েনি ঠিগ সিয়েনি গরচ্‌ সালে মুই তঅ সমারে থেম্‌। মুই দায়ূদো ধোক্কেন্‌ তঅ বংশত্‌ রাজপদথ্‌ থিদেবর্ গুরি দিম্‌ আর তঅ আঢত্‌ ইস্রায়েলরে দিম্‌।

১ রাজাবলী 2:24

যিবে মঅ বাপ দায়ূদোর সিংহাসনত্‌ মরে দরমর গুরিনে থিদেবর্ গুরি দিয়্যে আর তার এগেম্ মজিম্ মত্তে এক্কো রাজবংশ থিদেবর্ গোজ্যে সেই জেদা লগেপ্রভুর নাঙে কঙর্‌, এচ্চ্যে আদোনিয়রে মারে ফেলা অবঅ।”

গীতসংহিতা 112:1

লগেপ্রভুরে নাঙ্ গিনে ওক্। যে লগেপ্রভুরে ভোক্তিপূর্ণ দরায় আরে তা উগুমে যে অমকদ হুজি অয় সিবে বর্ পেইয়্যে।

গীতসংহিতা 127:1

লগেপ্রভু যুনি ঘর ন-বানায় সালে মিস্ত্রীগুনে মিজে মিজে দুঘ্ গরন; যুনি লগেপ্রভু শঅরানি রোক্ষ্যে ন-গরে সালে চুগিদারুনে মিজে মিজে চুগি দুয়োন্।

গীতসংহিতা 127:3

পুয়োগুন লগেপ্রভুর দিয়্যে সোম্বোত্তি, পেদ ভিদিরে পুয়ো-ছাগুন তার দিয়্যে বক্‌শিষ্।

গীতসংহিতা 37:3

লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

যাত্রা 1:17

মাত্তর্‌ সেই ওঝাগুনে গোজেনরে দোরেইনে চুলিদাক্। সেনত্যে মিসর রাজাবোর উগুম মজিম কাম্‌ ন-গুরিনে তারা মরদ পূয়োগুনোরেয়ো বাঁজেই রাগেলাক্।

গম্ উপদেজ্ 24:3

জ্ঞানর বলে ঘরানি বানা অয়, আর বুদ্ধিলোই সিয়েনি থির্ রাগা অয়;

উপদেশক 8:12

পাপী মান্‌জ্যে যুনিয়ো একশত্তান্ ভান্ন্যেই কাম্ গুরিনে ভালোক্ দিন বাঁজি থায় তো মুই হবর্ পাং গোজেনরে যিগুনে ভোক্তিগুরিনে দরান্ তারার্ ভালেদি অবঅ।

যিরমিয় 35:2

“তুই রেখবীয় বংশর মানুচ্চনো ইধু যেইনে তারারে মঅ ঘরর্ এক্কো গুদিত্ এবাত্তে কঅ আর তারারে আংগুর-রস হেবাত্তে দে।”

১ শমূয়েল 2:35

মাত্তর্‌ মুই মত্তে এক্কো বিশ্বেজি ধর্মগুরু বানেম্‌, যে মর্‌ মনান্‌ বুঝিনে মর্‌ আওজ্‌ মজিম কাম গুরিবো। মুই তার বংশবোরে থিদেবর্ গুরিম আর তে নিত্য মর্‌ অভিষেগ-গোজ্যে মানুচ্চুনোরে সেবা গুরিবো।

১ শমূয়েল 25:28

তর্‌ চাগরানীবোর্‌ অন্যেয় তুই দোয়্যে গুরিনে ক্ষেমা গুরি দে। লগেপ্রভু হামাক্কায় মর্‌ গিরোজ্‌সোর্‌ বংশবোরে থিদেবর্ গুরি দিবো, কিত্যে তে লগেপ্রভুর পক্ষ ওইনে যুদ্ধো গোজ্যে। এচ্চ্যে সং তইদু কনঅ ভান্ন্যেই দেগা ন-যায় আর ন-যেবয়ো।