যাত্রা 1:14 - Chakma Bible

¹⁴ খেদর্ অন্য বেক্‌ কামানি সমারে তারা সিগুনো উগুরে সিবিদি আর ইট্‌দলা বুয়োনা অমকদ দুগোর্‌ কামানিয়ো জোর্ গুরি দিলাক্ আর তারার জিংকানিগানি তিদে গুরি দিলাক্। এদক্কানি দুগোর্‌ কাম্‌ খাদেবাত্তে যেইনে মিসরীয়গুনে তারা উগুরে অমকদ চিৎ-নপুজ্যে বেবহার গুরিদাক্।

যাত্রা 1:14 ပူးပေါင်းရင်းမြစ်များ

পত্থম 15:13

সেক্কে লগেপ্রভু তারে কলঅ, তুই এ কধাগান হামাক্কায়্‌ হবর্‌ পাছ্‌, তঅ বংশর্‌ মানুচ্চুনে এন্‌ এক্কান্‌ দেজত্‌ যেই্‌নে বজত্তি গুরিবাক্‌ যিয়েন্‌ তারার্‌ নিজোর্‌ নয়। সিয়েনত্‌ তারা অন্যগুনোর্‌ চাগর্‌ ওইনে চেরশঅ বজর্‌ সং অত্যেচার্‌ ভোগ গুরিবাক্‌।

১ রাজাবলী 12:14

তে সে গাবুজ্যেগুনোর্‌ সল্লা মজিম্‌ কলঅ, “মঅ বাপ্পো তমা জুঙোলানি ঘুয়োর্‌ গোজ্যে, মুই সিয়েনি আরঅ ঘুয়োর্‌ গুরি দিম্‌। মঅ বাপ্পো চাবুক্ দিইনে তমারে মাজ্যে, মুই তমারে মারিম্বে কাঙারা-বিজেলোই।”

গীতসংহিতা 129:1

ইস্রায়েলে হোক্, “মুই চিগোন থাগদে মান্‌জ্যে মরে বোউত্ অত্যেচার গোজ্যন্।

গীতসংহিতা 68:13

চেরোকিত্তে ভেড়া থাইদে ঘর সংমধ্যে তুমি যেক্কে পড়ি থাগ, সেক্কে তমারে এক বাবোত্যে কঅ ধোক্ক্যেন চাদে লাগে যিবের ডুয়োগানি রূবোলোই ঢাক্যে আর পোরানি সোনালোই বেড়েয়্যে।

গীতসংহিতা 81:6

লগেপ্রভু কলঅ, মুই তা কানাত্তুন্ বুধিবো সোরেই দিলুং; কাল্লোং বুয়োনাত্তুন্ তে বাঁজিলো।

যাত্রা 1:11

সেনত্যে অমকদ কামত্‌ খাদেইনে ইস্রায়েলীগুনো উগুরে অত্যেচার্ গুরিবার আজাই মিসরীয়গুনে তারা উগুরে সদ্দার্ নেযেলাক্। ফরৌণর শোজ্যগুন থুবেবাত্যে ইস্রায়েলীয়গুনে পিথোম আর রামিষেষ নাঙে দ্বিয়ান শঅর্‌ বানেলাক্।

যাত্রা 1:13

তারা তারারে আরঅ জদবদে কাম্‌ গুরিবাত্তে বাধ্য গুরিলাক্।

যাত্রা 1:15

ইগুনবাদে শিফ্রা আর পূয়া নাঙে দ্বিজন ইব্রীয়, অত্তাৎ ইস্রায়েলীয় ওঝাগুনোরে মিসর রাজাবো কোই দিলো,

যাত্রা 2:23

ইয়েনর্ বোউত্‌ দিন পরেদি মিসর রাজাবো মুরি গেলঅ। ইন্দি ইস্রায়েলীগুনে তারার্‌ গোলামী খাদদে খাদদে অরান্ ওইনে কানা দোজ্যন্‌। ইয়েনত্তুন্‌ উদ্ধোর্‌ পেবাত্তে তারার্‌ এই কানা-কুদিগানি গোজেন ইধু যেইনে লুমিলো।

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যাত্রা 6:9

মোশি যেইনে এ কধানি ইস্রায়েলীয়গুনোরে জানেল, মাত্তর্‌ চিৎনপুজ্যে চাগর ধোক্ক্যেন কাম্‌ গত্তে গত্তে মন-মরা ওই পোজ্যন্‌ বিলি তারা মোশি কধাগান কান্‌ ন-পাদিলাক্।

গম্ উপদেজ্ 28:15

গুজুরি উদেদে সিংহবো আর আক্রমন গুরিয়্যে ভালুক্কো যেধোক্ক্যেন্, সেধোক্ক্যেন্ সেই পাজি মানুচ্চো যে নাঢা মানুচ্চুনোর শাজন্ গুরিয়্যে অয়।

যিশাইয় 10:24

সেনত্তে বেগত্তুন্ খেমতাবলা প্রভু লগেপ্রভু কোইয়্যেদে, “ও মঅ মানুচ্চুন্, তুমি যিগুনে সিয়োনত্ থাগঅ, যুনিয়ো আসিরিয়গুনে মিসর দেজ ধোক্ক্যেন্ গুরি তমারে লুদিক্কোই পিদোন্ আর তমা বিরুদ্ধে গদা তুলোন্ তো তুমি তারারে ন-দোরেবা।

যিশাইয় 14:6

অত্যেচারীবো অমকদ রাগ্ গুরিনে জাদ্‌তুনোরে নিত্য আঘাত্ গুরিদো, রাগে তে বার্‌বার তারারে অত্যেচার্ গুরিনে দোঙেদ।‌

যিশাইয় 51:23

মুই সেই গলচ্চো তঅ অত্যেচারিগুনো আঢত্ তুলি দিম, যিগুনে তরে কদাক্, ‘মাঢা নিগিরিনে পড়, যেনে আমি তঅ উগুরেদি আঢি যেই পারিই।’ তঅ উগুরেদি আঢি যেবাত্তে তুই তঅ পিঠ্‌তানরে ভূই আর পধ ধোক্ক্যেন গোজ্যস্।”

যিশাইয় 52:5

আর ইক্কিনে ইয়েনত্ মর্ কি আঘে? মঅ মানুচ্চুনোরে দঅ এনেবাদে নেযা ওইয়্যে, আর তারার্ শাজন্‌গুরিয়্যেগুনে তারারে গেইল্ দুয়োন্; নিত্য মঅ নাঙানরে ইংসে গরা অয়।

যিশাইয় 58:6

আজলে মুই এবাবোত্যে উবোস্ থানাগান্ চাং: তুমি অবিচারর শিগোল্ আর জুঙোল দুড়িগান খুলি দুয়ো, অত্যেচারিত গুনোরে মুক্তি দুয়ো আর পত্তি জুঙোল্ ভাঙি ফেলঅ,

লেবীয় 25:43

তুমি কনজনে কারঅ‌ উগুরে চিৎনপুজ্যে বেবহার্‌ ন-গোজ্য; তুমি তমার গোজেনরে দোরেনেই চলিবা।

লেবীয় 25:46

এ চাগর্‌-চাগরানিগুনোরে তুমি সোম্বোত্তির্‌ ভাগ্ ইজেবে ঝি-পূঅগুনোরে দিইনে যেই পারিবা। তুমি তারার্‌ পুরো জিংকানিবর্ চাগর্‌ ইজেবে রাগেই পারিবা, মাত্তর্‌ তমার্‌ নিজোর্‌ জাদ ইস্রায়েলীয়গুনো উগুরে তুমি চিৎনপুজ্যে বেবহার গুরি ন-পারিবা।

লেবীয় 25:53

বজর্‌ ইজেবে রাগেয়ে চাগর ধোক্ক্যেন গুরি তারে চাহ্ পুরিবো আর তমাত্তুন্‌ চোগ্‌ দিয়্যে পুরিবো যেনে তা গিরোজ্‌সো তা উগুরে চিৎনপুজ্যে বেবহার্‌ ন-গরে।

মীখা 3:3

তুমি মঅ মানুচ্চুনোর য়েরানি খর্, তারার্ চামাড়াগানি তুলি ফেলেইনে আড়ুন্ কট্টা কট্টা গুরি ভাঙর্; তুমি আড়ি ভিদিরে য়েরা ধোক্ক্যেন গুরি তারারে কট্টা কট্টা গুরি কাবর্।

নহূম 3:14

তুই ঘিরিবার সময়ানত্তে পানি তুলি রাগা, তর্ তাম্বুলানি দরমর গর্। মাদিগান দুলিনে মল্; চিবিদি আর বালু মিজে আর ইট্‌তোই কুড়্ বানা।

গণাণা 20:15

আমা পুরোণি মানুচ্চুনে মিসর দেজত্‌ যেইয়োন্‌ আর আমি বোউত্‌ বজর্‌ সিয়েনত্‌ বজতি গোজ্যেই। মিসরীয়গুনে আমার্‌ আর আমা পুরোণি মানুচ্চুনো উগুরে ভান্ন্যেই বেবহার্‌ গরানায় আমি লগেপ্রভু ইদু কানাকুদি গোজ্যেই। তে আমা কানাকুদি শুনিনে তার্‌ দূত পাদেইনে মিসরত্তুন্‌ আমারে নিগিলেই আন্যে।

প্রেরিত্‌ 7:19

সেই রাজাবো আমা মানুচ্চুনোরে থোগেদ আর আমা পূরোণি মানুচ্চুনোরে অমকদ অত্যেচার্ গুরিদো। এমন্‌ কি, তারার যিদুক্কুন চিগোন গুরো জোর্মেদাক্ সিগুন যেনে মরন্ সেনত্তে সেই চিগোন গুরোগুনোরে বারেদি ফেলেই থবাত্তে বাধ্য গুরিদো।

প্রেরিত্‌ 7:34

মিসর দেজত্ মঅ মানুচ্চুনো উগুরে যে অত্যেচার্ অর্ সিয়েন মুই দেক্ক্যং। মুই তারার্ কোজোলি গরানাগানি শুন্ন্যং আর তারারে উদ্ধোর্ গুরিবাত্যে লামি এচ্চ্যং। ইক্কিনে মুই তরে মিসর দেজত্ ফেরৎ পাধেম্।”

দ্বি’লম্বর বিররণ 26:6

মাত্তর্‌ মিসরীয়গুনে আমা লগে গম্‌ বেবহার ন-গরন। তারা আমারে দুখ্‌ দুয়োন আর আমা উগুরে এক্কান যাগুলুক্কে কামর্‌ বুধি চাপি দুয়োন।

দ্বি’লম্বর বিররণ 4:20

মনত্‌ রাগেয়ো, লগেপ্রভু তমারে বেঈ লোইয়্যে আর লুয়ো গোলাইদে হাপর ধোক্ক্যেন যে মিসর দেজ্‌ছান সিয়েনত্তুন্‌ তমারে নিগিলেই আন্যে যেনে তুমি তার্‌ মানুচ্‌ ওই পারঅ, আর তুমি ইক্কিনে সেধোক্কেন্‌ ওইয়ো।

রূত 1:20

নয়মী কলঅ‌, মরে নয়মী (যিয়েনর্ ভেদ্‌তান্ আজি-হুজি) বিলি আর ন-ডাক্কো, বরং মারা (যিয়েনর্ ভেদ্‌তান্ “তিদে”) নাঙে ডাগঅ, কিত্তেই দিন দুনিয়ের্‌ গিরোজ্‌ গোজেনে মর্‌ জীংকানিগানরে তিদে গুরি দিয়্যে।