যাত্রা 1:13 - Chakma Bible

¹³ তারা তারারে আরঅ জদবদে কাম্‌ গুরিবাত্তে বাধ্য গুরিলাক্।

যাত্রা 1:13 ပူးပေါင်းရင်းမြစ်များ

পত্থম 15:13

সেক্কে লগেপ্রভু তারে কলঅ, তুই এ কধাগান হামাক্কায়্‌ হবর্‌ পাছ্‌, তঅ বংশর্‌ মানুচ্চুনে এন্‌ এক্কান্‌ দেজত্‌ যেই্‌নে বজত্তি গুরিবাক্‌ যিয়েন্‌ তারার্‌ নিজোর্‌ নয়। সিয়েনত্‌ তারা অন্যগুনোর্‌ চাগর্‌ ওইনে চেরশঅ বজর্‌ সং অত্যেচার্‌ ভোগ গুরিবাক্‌।

১ রাজাবলী 12:14

তে সে গাবুজ্যেগুনোর্‌ সল্লা মজিম্‌ কলঅ, “মঅ বাপ্পো তমা জুঙোলানি ঘুয়োর্‌ গোজ্যে, মুই সিয়েনি আরঅ ঘুয়োর্‌ গুরি দিম্‌। মঅ বাপ্পো চাবুক্ দিইনে তমারে মাজ্যে, মুই তমারে মারিম্বে কাঙারা-বিজেলোই।”

২ বংশধর 10:11

তঅ বাবে তারা উগুরে যে গুয়োর্‌ জুঙোলান্‌ চাপি দিয়্যে সিয়েন্‌ তুই আরঅ গুয়োর্‌ গুরিবে। তঅ বাবে তারারে মাজ্যেদে চাবুক্কোই তুই তারারে মারিবেদে কাঙারা-বিজেলোই।”

গীতসংহিতা 105:25

তা মানুচ্চুনোর বিরুদ্বে তে শত্রুগুনোর মনত্ ঈচ্ গরানা জাগেই দিলো, সেক্কেনে তারা তা চাগরুনো সমারে চালাগি গুরিনে চলা ধুরিলাক্।

যাত্রা 1:14

খেদর্ অন্য বেক্‌ কামানি সমারে তারা সিগুনো উগুরে সিবিদি আর ইট্‌দলা বুয়োনা অমকদ দুগোর্‌ কামানিয়ো জোর্ গুরি দিলাক্ আর তারার জিংকানিগানি তিদে গুরি দিলাক্। এদক্কানি দুগোর্‌ কাম্‌ খাদেবাত্তে যেইনে মিসরীয়গুনে তারা উগুরে অমকদ চিৎ-নপুজ্যে বেবহার গুরিদাক্।

গম্ উপদেজ্ 28:15

গুজুরি উদেদে সিংহবো আর আক্রমন গুরিয়্যে ভালুক্কো যেধোক্ক্যেন্, সেধোক্ক্যেন্ সেই পাজি মানুচ্চো যে নাঢা মানুচ্চুনোর শাজন্ গুরিয়্যে অয়।

লেবীয় 25:43

তুমি কনজনে কারঅ‌ উগুরে চিৎনপুজ্যে বেবহার্‌ ন-গোজ্য; তুমি তমার গোজেনরে দোরেনেই চলিবা।

দ্বি’লম্বর বিররণ 4:20

মনত্‌ রাগেয়ো, লগেপ্রভু তমারে বেঈ লোইয়্যে আর লুয়ো গোলাইদে হাপর ধোক্ক্যেন যে মিসর দেজ্‌ছান সিয়েনত্তুন্‌ তমারে নিগিলেই আন্যে যেনে তুমি তার্‌ মানুচ্‌ ওই পারঅ, আর তুমি ইক্কিনে সেধোক্কেন্‌ ওইয়ো।