যাত্রা 1:1 - Chakma Bible

^1-2 ইস্রায়েলর, অত্তাৎ যাকোব লগে তার যিদুক্কুন্ পূয়ো নিজোর্‌ নিজোর্‌ পরিবারুন্দোই মিসর্‌ দেজত্‌ যেইয়োন তারার্ নাঙানি অলঅ রূবেণ, শিমিয়োন, লেবি, যিহূদা,

যাত্রা 1:1 ပူးပေါင်းရင်းမြစ်များ

পত্থম 29:31

লেয়ারে অবহেলা গরা অর্‌ দেগিনে লগেপ্রভু তারে পুয়ো অবার্‌ খেমতা দিলো, মাত্তর্‌ রাহেলে ভাজ্ ওই রলঅ।

পত্থম 35:18

মাত্তর্‌ রাহেলে মুরি গেলঅ। মুরি যেবার অক্তত্ তে পুয়োবো নাঙান রাগেল বিনোনী (যিয়েনর্ ভেদ্‌তান্ “মঅ দুঘোর্‌ পুয়ো”)। মাত্তর্‌ তা বাপে তা নাঙান্‌ রাগেল বিন্যামীন (যিয়েনর্ ভেদ্‌তান্ ভাগ্যত্তে পুয়ো)।

পত্থম 46:27

মিসর দেজত্‌ যোষেফর যে দ্বিবে পুয়োর জর্ম ওইয়োন্‌ আর যাকোব পরিবারত্তুন্‌ যিগুনে মিসরত্‌ যেইয়োন্‌ তারা এলাক্‌ বেক্কুনে সত্তুরজন।

যাত্রা 28:10

তারার্‌ জর্ম মজিম পর্‌ পর্‌ ছগান্‌ নাঙ্‌ এক্কো পাত্তরত্‌ আর বাগি ছগান্‌ নাঙ্‌ অন্য পাত্তরত্‌ লিগি রাগা পুরিবো।

যিহিষ্কেল 48:1

সে পরেদি লগেপ্রভু কোইয়্যেদে, গুট্টি অনুসারে দেজর্ ভূইয়োর্ ভাগ্ এবাবোত্যে অবঅ। দেজর্ উত্তোরে দুযির্ দানে এক ভাগ পেবঅ; সিয়েন ভূমধ্য সাগরত্তুন্ হিৎলোনর্ পথ্‌তান সং লেবো-হমাৎ সং যেবঅ; সিয়েনত্তুন্ যেবঅ পূগেদি দামেস্কর উত্তোরে দুযি কায় হৎসোর-ঐনন সং, অত্তাৎ হমাতর্ দুযি সং।‌‌