ইষ্টের 9:3 - Chakma Bible3 জাগায়ানির বেক্ দাঙর্ পোজিশনর্ কাম্গুরিয়্যেগুনে, রেজ্যর্ আর দাঙর্ চাগালার শাজন্গুরিয়্যেগুনে আর রাজার অন্য কামগুরিয়্যেগুনে যিহূদীগুনোরে বল্ দিয়্যে ধুরিলাক্, কিত্তেই তারা মর্দখয়রে দোরেয়োন্। အခန်းကိုကြည့်ပါ။ |
ইষ্টের 9:3
9 ပူးပေါင်းရင်းမြစ်များ
সে পরেদি পত্তম মাজর্ তের দিনোত্ রাজার লিগিয়্যেগুনোরে ডাগা অলঅ। তারা পত্তি চাগালার্ অক্ষর আর পত্তি জাদর্ ভাষা মজিম্ হামনর বেক্ উগুমানি নানান্ রেজ্যত্ আর চাগালার্ শাজন্গুরিয়্যেগুনো ইদু আর নানান্ জাদর্ নেতাগুনো ইদু লিগিনে জানেলাক্। সিয়েনি রাজা অহশ্বেরশর নাঙে লেগা অলঅ আর রাজার নিজো আংটিবোলোই সীলমর্ গরা অলঅ।
ইষ্টেরে কলঅ, “মহারাজর যুনি গম্ বিলিনে মনে অয়, তে যুনি মরে দোয়্যের্ চোগেন্দি দেগে আর যুনি মনে গরেদে, কামান্ গরানা উচিত্ আর যুনি তে মঅ উগুরে হুজি ওই থায়, সালে মহারাজর পুরো রেজ্যত্ যিহূদীগুনোরে ভস্ত গুরিবাত্তে ফন্দী গোজ্যে অগাগীয় হম্মাদাথার পূঅ হামনে যে চিদিগান লেখ্যে সিয়েন্ বাতিল গুরিবাত্তে এক্কান্ উগুম্ লেগা ওক্।
সেই অক্তত্ তিন মাজত্, অত্তাৎ সীবন মাজর্ তেইশ দিনোত্ রাজার লিগিয়্যেগুনোরে ডাগা অলঅ। মর্দখয়র উগুম মজিম্ হিন্দুস্থানত্তুন্ কূশ সং একশঅ সাতেশ্সো চাগালার্ যিহূদীগুনোর, রেজ্যর্ আর চাগালার্ শাজন্গুরিয়্যেগুনোর আর দাঙর্ পোজিশনর্ কামগুরিয়্যেগুনো ইদু চিদি লেগা অলঅ। এ চিদিগান পত্তি চাগালার্ অক্ষর আর পত্তি জাদর্ ভাষা মজিম্ আহ্ যিহূদীগুনোর অক্ষর আর ভাষা অনুসারে লেগা অলঅ।
ကြော်ငြာတွေ