ইষ্টের 9:29 - Chakma Bible

²⁹ সেনত্তেই অবীহলিয়োর ঝি রাণী ইষ্টের আর মর্দখয় পূরীমোর এ সুদোমান্‌ থিদেবর্ গুরিবাত্তে এ দ্বিলম্বর চিদিগান্‌ পুরো খেমতালোই লিগিলো।

ইষ্টের 9:29 ပူးပေါင်းရင်းမြစ်များ

ইষ্টের 2:15

মর্দখয় তা কুত্‌তো অবীহয়িলোর যে মিলেবোরে নিজোর ঝি ইজেবে মানি লোইয়্যে সে মিলেবোর, অত্তাৎ ইষ্টেরর্‌ যেক্কে রাজার ইদু যেবার্‌ পালা এলঅ সেক্কে হারেমর চেইচিদিয়্যেগুনে রাজার নেযেয়্যে ইজিরে হেগয় তারে যিয়েনি নেযেবাত্তে কলঅ সিয়েনি বাদে তে আর কিচ্ছু ন-চেলঅ। যে কনজনে ইষ্টেররে চেলে তা চোগোত্‌ তারে গম্‌ লাগিদো।

ইষ্টের 3:15

রাজার উগুম্‌ পেইনে হবর্‌-বোইয়্যেগুনে যাদিমাদি নিগিলি গেলাক্‌ আর শূশনর্ তাম্বুলত্‌অ সেই উগুমান্‌ জানেই দিয়্যে অলঅ। সে পরেন্দি রাজা আর হামনে আংগুর-রস হেবাত্তে বজিলাক্‌ আর ইন্দি শূশন শঅর ভিদিরে কিজিক্-কাজাগ্ পড়ি গেলঅ।

ইষ্টের 8:10

মর্দখয় সেক্কে রাজা অহশ্বেরশর নাঙে চিদিগানি লিগিনে রাজার সোই গোজ্যে আন্দিক্কোলোই সীলমহর্‌ গুরিলো। সে পরেন্দি তে রাজার এক বাবোত্যে জোরেই দাবা দি পারেদে ঘোড়ালোই হবর্‌ কোইয়্যেগুনোরে দিইনে চিদিগানি পাধেই দিলো।

ইষ্টের 9:20

মর্দখয় এ বেক্‌ ঘটনাগানি লিগি রাগেল আর রাজা অহশ্বেরশর রেজ্যর দূরোত্‌ বা কায়-কুরে বেক্‌ চাগালানিত্‌ যিহূদীগুনো ইদু চিদি লিগিনে পাদেল।

ইষ্টের 9:21

তে তারারে উগুম দিলোদে যেনে তারা পত্তি বজর অদর মাজর্‌ চৌদ্দো আর পনর দিন দ্বিবে পালান।

ইষ্টের 9:28

পত্তি চাগালার্‌ পত্তি শঅরর্‌ পত্তি গিরির্ বংশর পর বংশ ধুরিনে এ দ্বিবে দিন মনত্‌ গুরিবাক্‌ আর পালেবাক্‌। সেক্কে যিহূদীগুনো ভিদিরেত্তুন্‌ পূরীমোর সেই দ্বিবে দিন পালানা কনদিনঅ ন-থামেব আর তারার্‌ বংশধরুনোর মনত্তুন্‌ সে কধাগানি বাদ ন যেবঅ।