ইষ্টের 9:26 - Chakma Bible

^26-27 সেনত্তেই পুর কধাগানত্তুন্‌ এ দিনুনোরে কুয়ো অয় পূরীম। সেই চিদিগানত্‌ যিয়েনি লেগা এলঅ আর তারা উগুরে যিয়েনি ঘোট্যে সেনত্যেই যিহূদীগুনে ঠিগ্‌ গোজ্যন্দে, তারা এক্কান্‌ সুদোম্‌ থিদেবর্ গুরিবাক্‌। তারা আর তারার্‌ গুট্টিগুনে আর যিগুনে যিহূদী ওই যেইয়োন্‌ তারা বেক্কুনে সে চিদিগানর উগুম্‌ আর ঠিগ্‌ সময় মজিম পত্তি বজর্‌ এ দিনোত্‌ দ্বিবে হামাক্কাই পালেবাক্‌।

ইষ্টের 9:26 ပူးပေါင်းရင်းမြစ်များ

ইষ্টের 3:7

রাজা অহশ্বেরশর রাজাগিরর্‌ বার বজরর্‌ পত্তম্ মাজত্‌, অত্তাৎ নীষণ মাজত্‌ এক্কো দিন আর মাস বেঈ লবাত্তে মানুচ্চুনে হামনর মুজুঙোত্‌ পূর, অত্তাৎ চাম্বা চাহ্ ধুরিলাক্‌। সেক্কে বার মাজর্‌, অত্তাৎ অদর মাজ বেপারে চাম্বা উদিলো।

ইষ্টের 9:20

মর্দখয় এ বেক্‌ ঘটনাগানি লিগি রাগেল আর রাজা অহশ্বেরশর রেজ্যর দূরোত্‌ বা কায়-কুরে বেক্‌ চাগালানিত্‌ যিহূদীগুনো ইদু চিদি লিগিনে পাদেল।

ইষ্টের 9:32

ইষ্টেরর্‌ উগুমে পূরীমোর এ সুদোমানি থির্‌ গরা অলঅ আর সিয়েনি লিগি রাগা অলঅ।

যিহিষ্কেল 39:11

সেদিন্যে মুই গোগরে ইস্রায়েল ভিদিরে এক্কান গোর্ দিম। সিয়েন অবদে সাগর পূগেদি আঢি যেইয়্যেগুনোর কলগ ভিদিরে। যিগুনে যানা-এযানা গরন্ তারা পথ্‌তান ইয়েনে বন্ধ গুরি দিবো, কিয়া গোগ আর তার বেক্ দলবলুনোরে সিয়েনত্ গোর্ দিয়্যে অবঅ। সেনত্তে ইয়েনরে কুয়ো অবঅ গোগর দলবলর্ কলগ্।‌‌

গণাণা 16:40

মোশিরে দিইনে লগেপ্রভু তারে যে উগুমান দিয়্যে তে সিয়েনোই গুরিলো। ইয়েন গরা অলঅ যেনে ইস্রায়েলীয়গুনে মনত্‌ রাগান, হারোণর বংশধর বাদে আর কনজনে পৌইরেগ্ জ্বালেবাত্তে লগেপ্রভুর মুজুঙোত্‌ যেই ন-পারন; যুনি কনজনে যান্‌ সালে তার্‌ অবস্থা কোরহ আর তার দলর মানুচ্চুনো ধোক্ক্যেন অবঅ।