ইষ্টের 9:2 - Chakma Bible

² যিগুনে তারারে ভস্ত গুরিবাত্তে চেইয়োন্‌ তারারে আক্রমণ গুরিবাত্তে যিহূদীগুনে রাজা অহশ্বেরশর বেক্‌ জাগানিত্‌ তারার্‌ নিজো নিজো শঅরানিত্‌ এগত্তর্‌ অলাক্‌। তারার্‌ বিরুদ্ধে কনজনে ন-এলাক্‌, কিত্তেই অন্য জাদর্‌ মানুচ্চুনে তারারে দরা ধুরিলাক্‌।

ইষ্টের 9:2 ပူးပေါင်းရင်းမြစ်များ

পত্থম 35:5

সে পরেদি তারা যাহ্ ধুরিলাক্। তারা যেবার্‌ পদথ্‌ গোজেনে চেরোকিত্তে শঅর মানুচ্চুনো ভিদিরে এক বাবোত্যে দর্ বুগ্ লাগেল যিয়েনত্তে যাকোব পিজেদি কনজনে আর্ ন-লোড়েলাক্।

ইষ্টের 8:11

রাজা অহশ্বেরশে সে চিদিগানত্‌ অদর মাজর্, অত্তাৎ বার মাসর তের দিনোত্‌ যেনে তার্‌ রেজ্যর পত্তি শঅরর্‌ যিহূদীগুনে এগত্তর্‌ ওইনে নিজোরে রোক্ষ্যে গুরি পারন্‌ সেই অধিকারান দিলো। কনঅ জাদর্‌ বা চাগালার্ মানুচ্চুনে যিহূদীগুনোরে আর তারার্‌ মিলেগুনোরে আর ঝি-পূঅগুনোরে আক্রমণ গুরিলে তারা সে দল্লোরে ভস্ত গুরিবার, অত্তাৎ মারে ফেলেবার বা এক্কুবারে শেজ্ গুরি দিবার অধিকারান পেলাক্‌, আর সে শত্রুগুনোর সোম্বোত্তিগানি লুদেবার অধিকারান পেলাক্‌।

ইষ্টের 8:17

পত্তি চাগালাত্‌ আর শঅরত্‌ যিয়েনত্‌ যিয়েনত্‌ রাজার উগুম গেলঅ সিদুগোর্ যিহূদীগুনো ভিদিরে হুজির্-ফূত্তির্‌ পরব্‌ পালা অলঅ। অন্য জাদত্তুন্‌ ভালোকজনে যিহূদী ওই গেলাক্‌, কিত্যে তারা যিহূদীগুনোরে দোরেয়োন্‌।

গীতসংহিতা 71:13

মর্ বিপক্কগুনে লাজত্ পোড়োদোক্ আর ভস্ত ওদোক্; যিগুনে মরে দযাত্ ফেলেবার চেট্টাদ্ আগন্ তারা ঈচ্ গরা হেইনে আর অগমানে নাঢা যাদোক্।

গীতসংহিতা 71:24

মর্ মুয়োনে সারা দিন্নো তর্ ন্যায় কামর কধানি কবঅ, কিত্তেই যিগুনে মরে দযাত্ ফেলেবার চেট্টাদ্ আগন তারা লাজত্ পোজ্যন আর অগমান ওইয়োন্।

যাত্রা 23:27

তুমি যিদুক্কুন্‌ জাদ ইদু যেবা তারার মনত্‌ মঅ পৌইদ্যেনে এক্কান্‌ দর্‌গরেপারা মনভাব্‌ মুই আগে আগে জাগেই দিম্‌ আর তারা ভিদিরে এক্কান্‌ ওলোজোলো গুরি দিম। তমার বেক্‌ শত্রুগুনে পিজেদি ফিরিনে ধেই যেবাক্।

যিশাইয় 8:9

“ও জাদ্‌তুন্, তুমি এগত্তর্ অ, মাত্তর্ তুমি ভস্ত অবা; ও দূরোর্ দেজ্‌‌ছানি, শুনো, তুমি যুদ্ধোত্তে যুক্কোল্ অ, মাত্তর্ তুমি ভস্ত অবা; অয়, যুদ্ধোত্তে যুক্কোল অ, মাত্তর্ তুমি ভস্ত ন-অবা।

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।