ইষ্টের 9:19 - Chakma Bible

¹⁹ ইয়েনত্যেই আদামর্‌ যিহূদীগুনে, অত্তাৎ যিগুনে দেবাল নেইয়্যে জাগাত্‌ বজত্তি গরন্‌ তারা অদর মাজর্‌ চৌদ্দ দিনোর দিন্নোরে হুজির আর মেইট্‌বানর দিন আর একজন আরেকজনরে হানা পাদেবার দিন ইজেবে পালান্‌।

ইষ্টের 9:19 ပူးပေါင်းရင်းမြစ်များ

ইষ্টের 8:17

পত্তি চাগালাত্‌ আর শঅরত্‌ যিয়েনত্‌ যিয়েনত্‌ রাজার উগুম গেলঅ সিদুগোর্ যিহূদীগুনো ভিদিরে হুজির্-ফূত্তির্‌ পরব্‌ পালা অলঅ। অন্য জাদত্তুন্‌ ভালোকজনে যিহূদী ওই গেলাক্‌, কিত্যে তারা যিহূদীগুনোরে দোরেয়োন্‌।

ইষ্টের 9:20

মর্দখয় এ বেক্‌ ঘটনাগানি লিগি রাগেল আর রাজা অহশ্বেরশর রেজ্যর দূরোত্‌ বা কায়-কুরে বেক্‌ চাগালানিত্‌ যিহূদীগুনো ইদু চিদি লিগিনে পাদেল।

ইষ্টের 9:22

ইয়েনর্‌ ভেদ্‌তান্ অলঅ, এ দ্বিবে দিনোত্‌ যিহূদীগুনে তারার্‌ শত্রুগুনোর আঢত্তুন্‌ মাব্‌ পেইয়োন আর সে মাজত্‌ তারার্‌ দুঘ্‌ আর আবিলেচ্‌ হানাগান্ মেইট্‌বান পালেইনে বুদুলি যেইয়্যে। তে তারারে লিগিলো যেনে তারা সেই দিনুনোত্‌ মেইট্‌বান আর হুজির দিন আহ্‌ একজন আরেকজনর ইদু খানা পাদেবার আর নাদামানুচ্চুনো ইদু বক্‌শিজ্‌ দিবার দিন বিলিনে পালান্‌।

সখরিয় 2:4

তে তারে কলঅ, “তুই ধাবা যেইনে সেই গাবুজ্যে পুয়োবোরে কঅ, ‘যিরূশালেমর্ ভিদিরে মানুচ্ আর য়েমান বেশ্ অনার কারনে সিয়েনত্ কনঅ দেবাল ন-থেবঅ।

লূকে লেখ্যে গম্ হবর্ 11:41

তমা থাল্-কদরা ভিদিরে যিয়েনি আঘে সিয়েনি বরং ভিক্ষ্যে ধোক্ক্যেন্ দান গরঅ; দেগিবা, বেক্কানি তমা ইধু সিজি অবঅ।

দ্বি’লম্বর বিররণ 15:7

তমা গোজেন লগেপ্রভু যে দেজ্‌ছান তমারে দিবাত্তে যার্‌ সে দেজর্‌ কনঅ জাগাত যুনি তমার ভেইয়ুনো ভিদিরে কনজনে নাঢা থান্‌, সালে সিবে উগুরে তমার মনানি চিৎনপুজ্যে ন গোজ্য, বা সে নাঢা ভেইবোত্তে তমার আদ্‌থানি মুঠ্‌ গুরি ন রাগেয়ো।

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

দ্বি’লম্বর বিররণ 16:14

তুমি, তমার ঝি-পূঅগুনে, তমা চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, মা-বাব্ নেইয়্যে ঝি-পূঅগুনে আর রানিমিলেগুনে-তুমি বেক্কুনে এ পরপ্পোত্‌ ফুত্তি গুরিবা।

দ্বি’লম্বর বিররণ 3:5

এ বেক্‌ শঅরানি অজল্ অজল্ দেবাল্লোই ঘিজ্যে এলঅ আর সিয়েনত্‌ এলদে গেট্‌ আর গেদোর লাগাড়া। ভালোক্কানি দেবাল বাদে আদামঅ সিয়েনত্‌ এলঅ।

ফগদাং পেইয়্যে 11:10

তারা সিগুনোর্ কিয়্যেগানি গোরত্ দিবাত্যে ন-দিবাক্। তারা মুরি যেয়োন বিলিনে যিগুনে এ পিত্‌থিমীর সিগুনে হুজি অবাক্ আর ফুত্তি গুরিবাক্। মানুচ্চুনে একজন আরেকজনরে বক্‌শিজ্ পাধেবাক্, কারন যিগুনে এ পিত্‌থিমীর তারা এই দ্বিজন ভাববাদীত্যে দুঘ্ পেইয়োন।

১ শমূয়েল 25:8

তার কামগুরিয়্যেগুনোরে পুযোর্‌ গুরিলে তে সেই কধাগান জানি পারিবো। সেনত্যেই তে যেনে মর্‌ এই গাবুজ্যেগুনোরে গম্‌চোগে চাই, কিত্যে তারা তার হুজির্ দিনোত্‌ তাইদু এচ্ছোন্। সেনত্যেই তে যিয়েনি পারে সিয়েনিই যেনে তার এই চাগরুনোর আর তার পূঅ দায়ূদোরে দান গরে।”