ইষ্টের 9:18 - Chakma Bible

¹⁸ মাত্তর্ শূশনর্ যিহূদীগুনে তের আর চৌদ্দ দিনোত্ একসমারে এগত্তর্ ওইয়োন। সে পরেদি পন্দর দিনোত্ তারা জিরেলাক্ আর দিন্নোরে হানার আর ফুত্তি গুরিবার দিন ইজেবে পালেলাক্।

ইষ্টের 9:18 ပူးပေါင်းရင်းမြစ်များ

ইষ্টের 8:11

রাজা অহশ্বেরশে সে চিদিগানত্‌ অদর মাজর্, অত্তাৎ বার মাসর তের দিনোত্‌ যেনে তার্‌ রেজ্যর পত্তি শঅরর্‌ যিহূদীগুনে এগত্তর্‌ ওইনে নিজোরে রোক্ষ্যে গুরি পারন্‌ সেই অধিকারান দিলো। কনঅ জাদর্‌ বা চাগালার্ মানুচ্চুনে যিহূদীগুনোরে আর তারার্‌ মিলেগুনোরে আর ঝি-পূঅগুনোরে আক্রমণ গুরিলে তারা সে দল্লোরে ভস্ত গুরিবার, অত্তাৎ মারে ফেলেবার বা এক্কুবারে শেজ্ গুরি দিবার অধিকারান পেলাক্‌, আর সে শত্রুগুনোর সোম্বোত্তিগানি লুদেবার অধিকারান পেলাক্‌।

ইষ্টের 9:1

অদর মাজর্‌, অত্তাৎ বার মাজর্‌ তের দিনোত্‌ রাজার উগুমান কামত্‌ লাগেবার অক্ত এলঅ। এ দিনোত্‌ যিহূদীগুনোর শত্রুগুনে তারারে দোঙেবার্‌ আজা গোজ্যন্, মাত্তর্‌ ঘটনাগান অলঅ উগুদো। যিহূদীগুনোরে যিগুনে ঘিনেইদাক্‌ যিহূদীগুনেই তারারে দোঙেলাক্‌।

ইষ্টের 9:11

শূশনর্ কেম্পত্‌ যিগুনোরে মারে ফেলা ওইয়্যে তারার্‌ সোংখ্যেগুন্‌ সেদিন্যে রাজারে জানা অলঅ‌।

ইষ্টের 9:13

জোবত্‌ ইষ্টেরে কলঅ, “মহারাজর যুনি গম্‌ বিলিনে মনে অয় সালে এচ্চ্যে ধোক্ক্যেন্ এযেত্তে কেল্যেয়ো একই কাম্‌ গুরিবাত্তে শূশনর্ যিহূদীগুনোরে উগুম্‌ দিয়্যে ওক্‌; আর হামনর দোশ্‌চো পূঅরে ফাসি দিয়্যে ওক্‌।”

ইষ্টের 9:15

শূশনর্ যিহূদীগুনে অদর মাজর্ চৌদ্দো দিনোত্‌ একসমারে এগত্তর্‌ ওইনে সিয়েনত্‌ তিনশঅ মান্‌জ্যরে মারে ফেলেলাক্‌, মাত্তর্‌ তারা লুদেয়্যে পযাপিরানিত্‌ আঢ্ ন-দিলাক্‌।

ইষ্টের 9:2

যিগুনে তারারে ভস্ত গুরিবাত্তে চেইয়োন্‌ তারারে আক্রমণ গুরিবাত্তে যিহূদীগুনে রাজা অহশ্বেরশর বেক্‌ জাগানিত্‌ তারার্‌ নিজো নিজো শঅরানিত্‌ এগত্তর্‌ অলাক্‌। তারার্‌ বিরুদ্ধে কনজনে ন-এলাক্‌, কিত্তেই অন্য জাদর্‌ মানুচ্চুনে তারারে দরা ধুরিলাক্‌।

ইষ্টের 9:21

তে তারারে উগুম দিলোদে যেনে তারা পত্তি বজর অদর মাজর্‌ চৌদ্দো আর পনর দিন দ্বিবে পালান।