ইষ্টের 9:17 - Chakma Bible

¹⁷ অদর মাজর্‌ তের দিনোত্‌ এ ঘটনাগান ঘুদিলো আর চৌদ্দো দিনোত্‌ তারা জিরেলাক্‌। দিন্নো তারা মেইট্‌বানর আর হুজির্‌ দিন ইজেবে পালেলাক্‌।

ইষ্টের 9:17 ပူးပေါင်းရင်းမြစ်များ

ইষ্টের 3:12

সে পরেদি পত্তম মাজর্‌ তের দিনোত্‌ রাজার লিগিয়্যেগুনোরে ডাগা অলঅ। তারা পত্তি চাগালার্‌ অক্ষর আর পত্তি জাদর্‌ ভাষা মজিম্ হামনর বেক্‌ উগুমানি নানান্‌ রেজ্যত্‌ আর চাগালার্ শাজন্‌গুরিয়্যেগুনো ইদু আর নানান্‌ জাদর্‌ নেতাগুনো ইদু লিগিনে জানেলাক্‌। সিয়েনি রাজা অহশ্বেরশর নাঙে লেগা অলঅ আর রাজার নিজো আংটিবোলোই সীলমর্‌ গরা অলঅ।

ইষ্টের 8:9

সেই অক্তত্‌ তিন মাজত্‌, অত্তাৎ সীবন মাজর্ তেইশ দিনোত্‌ রাজার লিগিয়্যেগুনোরে ডাগা অলঅ। মর্দখয়র উগুম মজিম্ হিন্দুস্থানত্তুন্‌ কূশ সং একশঅ সাতেশ্‌সো চাগালার্ যিহূদীগুনোর, রেজ্যর্ আর চাগালার্ শাজন্‌গুরিয়্যেগুনোর আর দাঙর্‌ পোজিশনর্ কামগুরিয়্যেগুনো ইদু চিদি লেগা অলঅ। এ চিদিগান পত্তি চাগালার্ অক্ষর আর পত্তি জাদর্‌ ভাষা মজিম্ আহ্‌ যিহূদীগুনোর অক্ষর আর ভাষা অনুসারে লেগা অলঅ।

ইষ্টের 9:1

অদর মাজর্‌, অত্তাৎ বার মাজর্‌ তের দিনোত্‌ রাজার উগুমান কামত্‌ লাগেবার অক্ত এলঅ। এ দিনোত্‌ যিহূদীগুনোর শত্রুগুনে তারারে দোঙেবার্‌ আজা গোজ্যন্, মাত্তর্‌ ঘটনাগান অলঅ উগুদো। যিহূদীগুনোরে যিগুনে ঘিনেইদাক্‌ যিহূদীগুনেই তারারে দোঙেলাক্‌।

ইষ্টের 9:18

মাত্তর্ শূশনর্ যিহূদীগুনে তের আর চৌদ্দ দিনোত্ একসমারে এগত্তর্ ওইয়োন। সে পরেদি পন্দর দিনোত্ তারা জিরেলাক্ আর দিন্নোরে হানার আর ফুত্তি গুরিবার দিন ইজেবে পালেলাক্।

ইষ্টের 9:21

তে তারারে উগুম দিলোদে যেনে তারা পত্তি বজর অদর মাজর্‌ চৌদ্দো আর পনর দিন দ্বিবে পালান।