ইষ্টের 9:13 - Chakma Bible

¹³ জোবত্‌ ইষ্টেরে কলঅ, “মহারাজর যুনি গম্‌ বিলিনে মনে অয় সালে এচ্চ্যে ধোক্ক্যেন্ এযেত্তে কেল্যেয়ো একই কাম্‌ গুরিবাত্তে শূশনর্ যিহূদীগুনোরে উগুম্‌ দিয়্যে ওক্‌; আর হামনর দোশ্‌চো পূঅরে ফাসি দিয়্যে ওক্‌।”

ইষ্টের 9:13 ပူးပေါင်းရင်းမြစ်များ

২ শমূয়েল 21:6

তা বংশর সাতজন মরদরে আমা আাঢত্‌ তুলি দে। আমি লগেপ্রভুর বেঈ লোইয়্যে সে মানুচ্চুনোরে, অত্তাৎ শৌলর শঅর্‌ গিবিয়াতদ্‌ লগেপ্রভুরে সাক্ষী রাগেইনে তারারে মারে ফেলেবং আর বেক্কুনো মুজুঙোত্‌ তারার্‌ মরাকিয়্যেগানি ফেলেই রাগেবং।” সেক্কে রাজা কলঅ, “মুই তমা আঢত্‌ তারারে তুলি দিম্‌।”

ইষ্টের 8:11

রাজা অহশ্বেরশে সে চিদিগানত্‌ অদর মাজর্, অত্তাৎ বার মাসর তের দিনোত্‌ যেনে তার্‌ রেজ্যর পত্তি শঅরর্‌ যিহূদীগুনে এগত্তর্‌ ওইনে নিজোরে রোক্ষ্যে গুরি পারন্‌ সেই অধিকারান দিলো। কনঅ জাদর্‌ বা চাগালার্ মানুচ্চুনে যিহূদীগুনোরে আর তারার্‌ মিলেগুনোরে আর ঝি-পূঅগুনোরে আক্রমণ গুরিলে তারা সে দল্লোরে ভস্ত গুরিবার, অত্তাৎ মারে ফেলেবার বা এক্কুবারে শেজ্ গুরি দিবার অধিকারান পেলাক্‌, আর সে শত্রুগুনোর সোম্বোত্তিগানি লুদেবার অধিকারান পেলাক্‌।

ইষ্টের 9:14

রাজা সিয়েন্‌ গুরিবাত্তে উগুম দিলো। শূশনত্‌ রাজার সেই উগুমান ফগদাঙ্‌ গরা অলঅ আর মানুচ্চুনে হামনর দোশ্‌চো পূঅরে ফাসি দিলাক্‌।

ইষ্টের 9:15

শূশনর্ যিহূদীগুনে অদর মাজর্ চৌদ্দো দিনোত্‌ একসমারে এগত্তর্‌ ওইনে সিয়েনত্‌ তিনশঅ মান্‌জ্যরে মারে ফেলেলাক্‌, মাত্তর্‌ তারা লুদেয়্যে পযাপিরানিত্‌ আঢ্ ন-দিলাক্‌।

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

দ্বি’লম্বর বিররণ 21:23

মাত্তর্‌ বেন্যেমাদান্ সং তার্‌ কিয়্যেগান গাজত্‌ টাঙেই রাগে ন-পারিবো। সেদিন্যে তারে গোর্ দিয়্যে পুরিবো, কিত্যে গাজত্‌ টাঙেই রাগাইদে মানুচ্চো গোজেনর অভিশাব পেইয়্যে। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ সিয়েন তুমি অসিজি ন-গুরিবা।