ইষ্টের 8:1 - Chakma Bible

¹ সেদিন্যে রাজা অহশ্বেরশে যিহূদীগুনোর শত্রু হামনর সোম্বোত্তিগানি রাণী ইষ্টেররে দিলো। ইয়েনর্ পরেন্দি মর্দখয় রাজার মুজুঙোত্‌ লুমিলো, কিত্যে ইষ্টের সমারে তার্‌ কুদুম্মোর্‌ কধাগান ইষ্টেরে রাজারে জানেয়্যে।

ইষ্টের 8:1 ပူးပေါင်းရင်းမြစ်များ

ইষ্টের 1:14

সেই সল্লাদিয়্যেগুনো ভিদিরে কর্শনা, শেথর, অদ্‌মাথা, তর্শীশ, মেরস, মর্সনা আর মমূখন উগুরে রাজা বেশ্‌ বিশ্বেজ্ গুরিদো। রাজার মুজুঙোত্‌ পারস্য আর মাদিয়া দেজর্‌ এ সাতজন দাঙর্‌ পোজিশনর্‌ কামগুরিয়্যে আঝিল্ অবার্‌ অধিকার্‌ এলঅ আর রেজ্য ভিদিরে বেগত্তুন্‌ দাঙর্‌ জাগা এলদে তারার্‌।

ইষ্টের 2:15

মর্দখয় তা কুত্‌তো অবীহয়িলোর যে মিলেবোরে নিজোর ঝি ইজেবে মানি লোইয়্যে সে মিলেবোর, অত্তাৎ ইষ্টেরর্‌ যেক্কে রাজার ইদু যেবার্‌ পালা এলঅ সেক্কে হারেমর চেইচিদিয়্যেগুনে রাজার নেযেয়্যে ইজিরে হেগয় তারে যিয়েনি নেযেবাত্তে কলঅ সিয়েনি বাদে তে আর কিচ্ছু ন-চেলঅ। যে কনজনে ইষ্টেররে চেলে তা চোগোত্‌ তারে গম্‌ লাগিদো।

ইষ্টের 2:7

মর্দখয়র কুত্‌তোবোর্‌ হদসা নাঙে এক্কো মিলে এলঅ। মিলেবোর্‌ মা-বাপ্‌ নেই বিলিনে মর্দখয় তারে পালেয়্যে। এ মিলেবোরে, যিবেরে ইষ্টেরঅ কুয়া অদঅ, তে কিয়্যেন্দি আর চেঙেরান্দি অমকদ দোল্‌ এলঅ। মিলেবোর্‌ মা-বাপ্‌পুনে মুরি যানার্‌ পরেন্দি মর্দখয় তারে নিজোর্‌ ঝি ইজেবে মানি ললঅ।

ইষ্টের 7:6

ইষ্টেরে কলঅ, “সেই বিপক্ষ আর শত্রু অলদে এই পাজি হামনে।” সেক্কে হামনে রাজা আর রাণীর মুজুঙোত্‌ থেবাত্তে অমকদ দোরেল।

ইষ্টের 8:7

সেক্কে রাজা অহশ্বেরশে রাণী ইষ্টের আর যিহূদী মর্দখয়রে কলদে, “হামনে যিহূদীগুনোর বিরুদ্ধে কাম্‌ গোজ্যে বিলিনে মুই তার্‌ সোম্বোত্তিগানি ইষ্টেররে দুয়োং আর মানুচ্চুনে তারে ফাসি দুয়োন।

গীতসংহিতা 39:6

মানুচ্ এজন্দে ছাবা ধোক্ক্যেন্, যান্দেয়ো ছাবা ধোক্ক্যেন; তে মিজে মিজে কিজিক্ কাজাক্ গরে; তে ধন-সোম্বোত্তি তুবোয় মাত্তর্ কন্না সিয়েন ভোগ গুরিবো হবর্ ন-পায়।

গম্ উপদেজ্ 13:22

গম্ মান্‌জ্যে তা নাদিন-পুদিনুনোত্তে অধিকার থোই যায়, মাত্তর্ পাপীগুনো ধনানি গোজেন ভক্তগুনোত্তে থুবো অয়।

গম্ উপদেজ্ 28:8

যে কনঅ বাবোত্যে সুদি টেঙালোই যে মানুচ্চো তার ধনান্ বাড়ায়, তে সিগুন এমন একজনত্তে তুবোই যে নাঢাগুনো উগুরে দোয়্যেলু।

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”