ইষ্টের 6:14 - Chakma Bible

¹⁴ তারা সেক্কেয়ো হামন সমারে কধা কদন্‌ এমন্‌ সময়োত্‌ রাজার সেবাগুরিয়্যেগুনে এইনে যাদিমাদি গুরিনে হামনরে ইষ্টেরর্‌ বানেয়্যে মেইট্‌বানত্ মিজেবাত্তে নেযেলাক্‌।

ইষ্টের 6:14 ပူးပေါင်းရင်းမြစ်များ

ইষ্টের 5:14

সেক্কে তা মোক্কো সেরশে আর তা সমাজ্যেগুনে তারে কলাক্‌, “তুই পঞ্চাশ আত্‌ অজল্‌ এক্কান্‌ ফাসি দিবার্‌ গাজ্‌ বানা আর বেন্যেমাদান্ রাজার অনুমতি লোইনে মর্দখয়রে সিয়েন উগুরে ফাসি দিবার বেবস্থা গর্‌। সে পরেন্দি হুজিয়ে রাজিয়ে রাজার লগে হানাত্‌ যাহ্।” এ কধাগান হামনর গম্‌ লাগিলো আর তে সেই ফাসি দিবার্‌ গাজ্‌চুয়ো বানেল।

ইষ্টের 5:5

সেক্কে রাজা এ উগুমান দিলো, “ইষ্টেরর্ কধামজিম যেনে কাম্‌ অয় সেনত্তেই ইক্কিনে হামনরে আন।” সেনত্তে ইষ্টেরে যে হানাবো যুক্কোল্‌ গোজ্যে রাজা আর হামনে সিয়েনত্‌ গেলাক্‌।

ইষ্টের 5:8

মহারাজে যুনি মরে দোয়্যের্‌ চোগেন্দি দেগচ্‌ আর মঅ কোজোলিগান্‌ রাগেবাত্তে চাজ্‌ আর মঅ আওজ্‌চান পূরেই দিবাত্তে চাজ্‌ সালে এজেত্তে কেল্যে মুই যে হানাগান্‌ যুক্কোল্‌ গুরিম্‌ সিয়েনত্‌ যেনে মহারাজে আর হামনে এজঅ। সেক্কে মুই মহারাজর প্রশ্নগানির্‌ জোব্‌পান দিম্‌।”

ইষ্টের 7:1

সে পরেন্দি রাজা আর হামনে এই দ্বিপল্লা রাণী ইষ্টের সমারে হানা-দানা গুরিবাত্তে গেলাক্।