ইষ্টের 4:11 - Chakma Bible

¹¹ “রাজার বেক্‌ কামগুরিয়্যেগুনে আর রাজার অধীনোত্‌ বেক্‌ চাগালার্ মানুচ্চুনে হবর্‌ পান্‌, কনঅ মরদ বা মিলে রাজার ডাগনি ন-পেইনে যুনি ভিদিরে দরবারত্‌ তাইদু যান্‌ সালে তাত্তেই বানা এক্কান্‌ আইন আঘে-সিয়েন অলদে তার্‌ মরণ। মাত্তর্‌ যে মানুচ্চো উগুরে রাজা সোনার রাজলুদিক্ বাবেই দিবো বানা তা পরাণান্‌ বাঁজিবো। মাত্তর্‌ গত ত্রিশ দিনো ভিদিরে রাজার ইদু যেবাত্তে মরে ডাগা ন-অয়।”

ইষ্টের 4:11 ပူးပေါင်းရင်းမြစ်များ

ইষ্টের 1:19

সেনত্তেই যুনি রাজার অমত্‌ ন-থায় সালেন্ তে যেনে এক্কান্‌ রাজ-উগুম্‌ দে, বষ্টী আর কনদিনঅ রাজা অহশ্বেরশর মুজুঙোত্‌ এই ন-পারিবো। এ উগুমান্‌ পারস্য আর মাদিয়ার আইনোত্‌ লেগা থোক্‌ যেনে সিয়েন্‌ বাদ দিয়্যে ন-যায়। ইয়েনি বাদেয়ো রাজা যেনে বষ্টীত্তুন্‌ বেশ্‌ যগাজ্যে অন্য আর একজনরে রাণীর পোজিশনান্‌ দে।

ইষ্টের 2:14

সাজোন্যে অক্তত্‌ তে যিয়েনত্‌ যেদঅ আর বেন্যেমাদান্ দ্বিতীয় ঘরর্‌ মোগ্‌কুনোর্‌ কাম ভারান্ পেইয়্যে রাজার নেযেয়্যে ইজিরে শাশ্‌গসর চেইচিদিবার অধীনোত্‌ হারেমর অন্য গুদিবোত্‌ ফিরি এদাক্‌। রাজা তা উগুরে হুজি ওইনে নাঙ্‌ ধুরি ন-ডাগিলে তে আর রাজার ইদু যেই ন-পারিদো।

ইষ্টের 4:10

সেক্কে ইষ্টেরে মর্দখয়রে এ কধাগান কবাত্তে হথকরে উগুম দিলো,

ইষ্টের 4:12

ইষ্টেরর্ বেক্‌ কধানি মর্দখয়রে জানা অলঅ।

ইষ্টের 6:4

রাজা কলঅ, “দরবারত্‌ কন্না আঘে?” মর্দখয়ত্তে হামনে যে ফাসি গাজ্‌চুয়ো বানেয়্যে সিবেলোই মর্দখয়রে ফাসি দিবার কধাগান রাজারে কবার্ ঠিগ্‌ সেই সময়োত্‌ তে রাজঘরর্‌ বারেন্দি দরবারত্‌ এচ্ছ্যে।

ইষ্টের 8:4

সেক্কে রাজা তার্‌ সনার লুদিক্‌কো ইষ্টেরর্ ইন্দি বাবেই দিলো আর ইষ্টেরে উদিনে রাজার মুজুঙোত্‌ থিয়্যেল।

দানিয়েল 2:9

তুমি যুনি স্ববনান্ মরে কোই ন-পার সালে বানা এক্কান সাজা তমাত্তেই আঘে। তুমি আজা গরত্তে অবস্থাগান বুদুলিবো, আর সিয়েনত্তে মরে মিজে কধা কোইনে ঠোগেবার সল্লা গোজ্য। তুমি ইক্কিনে মরে স্ববনান্ কঅ; সালে মুই হবর্ পেইম্‌বে যে, তুমি সিয়েনর্ ভেদ্‌তান্‌অ মরে কোইদি পারিবে।”

১ পিতর 3:7

ঠিগ সেবাবোত্যে গুরি তুমি যিগুনে নেক্, তুমি বুদ্ধি বিবেচনা গুরিনে মোগো সমারে বজত্তি গরঅ। তারা তমার দুর্বল সমাজ্জ্যে, আর তারায়ো তমা সমারে গোজেনর্ দোয়্যের্ দান ইজেবে জিংকানি পেবাক্। সেনত্যে তারারে সর্মান গরঅ যেন তমার তবনাগানি লবাদোস্যে ন অয়।