ইষ্টের 3:2 - Chakma Bible

² রাজঘরর্‌ গেদোত্‌ থেইয়্যে চুগিদারুনে আদু পাদিনে হামনরে সর্মান দেগেদাক্‌, কিত্যে রাজা তা পৌইদ্যেনে সেধোক্কেন্‌ উগুম্‌ দিয়্যে। মাত্তর্‌ মর্দখয়ে আদুয়ো ন-পাদিদো বা তারে সর্মান্অ ন-দেগেদ।

ইষ্টের 3:2 ပူးပေါင်းရင်းမြစ်များ

পত্থম 41:43

ইয়েন পরেদি তে যোষেফরে তা রেজ্যর্‌ দ্বিলম্বর্‌ রথতানত্‌ বোজেল। রথ চুলিবার্ সময় যোষেফর্ আগে আগে জানেই দিয়া অলঅ, “আদুগুন্‌ পাদ্, আদুগুন্‌ পাদ্।” এবাবোত্যেগুরি ফরৌণে যোষেফ উগুরে বেক্‌ মিসর্‌ দেজছান ভারান দিলো।

ইষ্টের 2:19

দ্বিবারত্‌ গাবুজ্যে মিলেগুনোরে তুবেবার্‌ সময়োত্‌ মর্দখয়ে রাজঘরর্‌ গেদোত্‌ বোজেবার জাগানত্ নেযা ওইয়্যে।

ইষ্টের 2:21

মর্দখয়ে রাজঘরর্‌ গেদোত্‌ থেবার্‌ অক্তত্‌ একদিন্যে রাজঘরর্‌ চুগিদারুনো ভিদিরেত্তুন্‌ বিগ্‌থন আর তেরশ নাঙে রাজার দ্বিজন কামগুরিয়্যে রাগ্‌ গুরিনে রাজা অহশ্বেরশরে মারে ফেলেবার্‌ কুজুরোমি গুরিলাক্‌।

ইষ্টের 2:5

সে অক্তত্‌ মর্দখয় নাঙে বিন্যামীন-গুট্টির এক্কো যিহূদী শূশনর্ তাম্বুলোত্‌ এলঅ। তে অলদে যায়ীরোর্‌ পূঅ, যায়ীর শিমিয়ির পূঅ আর শিমিয়ি কীশোর্‌ পূঅ।

ইষ্টের 3:1

এ ঘটনাগানর পরেন্দি রাজা অহশ্বেরশে অগাগীয় হম্মদাথার পূঅ হামনরে রেজ্যর অন্য দাঙর্ পোজিশনর্ মানুচ্চুনোত্তুন্‌ বেশ্‌ দাঙর্‌ পোজিশন্ দিইনে সর্মানিত গুরিলো।

ইষ্টের 3:3

সেক্কে রাজঘরর্‌ গেদোর্‌ চুগিদারুনে মর্দখয়রে কলাক্‌, “রাজার উগুম্‌ তুই কিত্যে ন-মানচ্‌?”

ইষ্টের 3:5

মর্দখয় আদুয়ো ন-পাদে আর তারে সর্মান্অ ন-দেগায় হবর্‌ পেইনে হামনে অমকদ রাগ্‌ গুরিলো।

ইষ্টের 5:9

সেদিন্যে হামনে হুজি ওইনে হুজিয়ে রাজিয়ে বারেন্দি গেলঅ। মাত্তর্‌ তে যেক্কেনে রাজঘরর্‌ গেদোত্‌ মর্দখয়রে দেগিলো, আর দেলদে, মর্দখয় তারে দেগিনে উদিনে ন-থিয়্যেল বা আর কনঅ সর্মান্অ ন-দেগেল সেক্কে মর্দখয় উগুরে তার্‌ অমকদ রাগ অলঅ।

গীতসংহিতা 15:4

ঘিনাইদে মানুচ্চুনোরে ছাড়িনে যায় আর লগেপ্রভুর্ ভক্তগুনোরে সর্মান গরে, ক্ষেতি অলেয়ো এগেমান্ রোক্ষ্যে গরে,

যাত্রা 17:14

ইয়েনর্ পরেদি লগেপ্রভু মোশিরে কলঅ, “এই যুদ্ধোর্‌ কধাগান্‌ ম নত্‌ রাগেবাত্যেই তুই এক্কো বোইয়োত্‌ সিয়েনি লিগি রাগা আর যিহোশূয়রে কোই দে, পিত্‌থিমী উগুরেত্তুন্‌ অমালেকীয়গুনোর্‌ নাঙানি মুই এক্কুবারে ভস্ত গুরি দিম্‌।”

যাত্রা 17:16

মোশি কলঅ, “লগেপ্রভুর্‌ সিংহাসনর বিরুদ্ধে আত্‌ তুলো ওইয়্যে, সেনত্যেই বংশর পর বংশ ধুরিনে লগেপ্রভু অমালেকীয়গুনোর্‌ বিরুদ্ধে থেবঅ‌।”

দানিয়েল 2:49

ইয়েনিবাদেয়ো দানিয়েলর্ কোজোলীয়ে শদ্রক, মৈশক আর অবেদ্-নগোরে রাজা বাবিল রেজ্যর্ রাজার চাগর্ ইজেবে নেযেল। দানিয়েলে নিজে রাজদরবারত্ রলঅ।

দ্বি’লম্বর বিররণ 25:19

তমার গোজেন লগেপ্রভু যে দেজ্‌ছান সোম্বোত্তি ইজেবে গজক্ গুরিবাত্তে তমারে দিবাত্তে যার্‌ সিয়েনত্‌ তমার চেরোকিত্তে শত্রুগুনো সমারে লাড়ে বাজানাত্তুন তে যেক্কে তমারে জিরেবাত্তে দিবো সেক্কে পিত্‌থিমী উগুরেত্তুন্‌ অমালেকীয়গুনোর চিহ্নোগান তমাত্তুন এক্কুবারে পুঝি ফেলা পুরিবো। এ কধাগান তুমি পুরি ন-ফেলেয়ো।

ফিলিপীয় 2:10

যেন স্বর্গত, পিত্‌থিমীত আর পিত্‌থিমীর মূঢ়োত্ যিগুনে আঘন্ সিগুনে বেক্কুনে যীশুর্ মুজুঙোত্ আঢু পাদিবাক্,

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”