ইষ্টের 2:8 - Chakma Bible

⁸ রাজার উগুম্‌ আর হুকুমানি ফগদাঙ্‌ গরা অলে সে পরেন্দি ভালোক্কুন্‌ মিলেরে শূশনর্ তাম্বুলোত্‌ আনিনে হেগয়র দেগাশুনোর্‌ অধীনোত্‌ থুয়ো অলঅ। ইষ্টেররেয়ো রাজঘরত্‌ নেযেইনে হেগয়র কায়-কুরে থুয়ো অলঅ।

ইষ্টের 2:8 ပူးပေါင်းရင်းမြစ်များ

ইষ্টের 2:15

মর্দখয় তা কুত্‌তো অবীহয়িলোর যে মিলেবোরে নিজোর ঝি ইজেবে মানি লোইয়্যে সে মিলেবোর, অত্তাৎ ইষ্টেরর্‌ যেক্কে রাজার ইদু যেবার্‌ পালা এলঅ সেক্কে হারেমর চেইচিদিয়্যেগুনে রাজার নেযেয়্যে ইজিরে হেগয় তারে যিয়েনি নেযেবাত্তে কলঅ সিয়েনি বাদে তে আর কিচ্ছু ন-চেলঅ। যে কনজনে ইষ্টেররে চেলে তা চোগোত্‌ তারে গম্‌ লাগিদো।

ইষ্টের 2:3

মহারাজে তা রেজ্যর্‌ বেক্‌ জাগানিত্‌ কাম্ গরেদে মানুচ্‌ নেযেল যেনে তারা সেই বেক্‌ দোল্‌ মিলেগুনোরে শূশনর্ তাম্বুলোত্‌ রাজঘরর্‌ হারেমত্‌ পাদেই দি পারন্। মহারাজ হেগয় নাঙে যে ইজিরেবো আঢত্‌ মিলেগুনোর্‌ ভারান্‌ দিয়্যে তে এ মিলেগুনোরে দেগাশুনো গোরোক্‌। তারার্‌ দোলানি বাড়েবাত্তে যিয়েনি লাগে সিয়েনি দিয়্যে ওক্‌।

দানিয়েল 8:2

সেই দর্শনানত্ মুই নিজোরে এলম রেজ্যর্ শূশন তাম্বুলোত্ দেগিলুং। সেই দর্শনান ভিদিরে মুই ঊলয় গাঙ পারত্ এলুং।