ইফিষীয় 6:14 - Chakma Bible

¹⁴ ইয়েনত্যে সত্যলোই কমর্ বানিনে, বুগ্ রোক্ষ্যে গুরিবাত্যে গম্ জিংকানিলোই বুগ্‌কো ঢাগিনে,

ইফিষীয় 6:14 ပူးပေါင်းရင်းမြစ်များ

২ রাজাবলী 3:21

এ ভিদিরে মোয়াবীয়গুনে শুন্যন্দে, সে তিনজন রাজায় তারার্‌ বিরুদ্ধে যুদ্ধো গুরিবাত্তে এচ্ছোন্‌। সেনত্তে আত্যার্ জিনোন্ নঅ জিনোন্ এ বাবোত্যে বেক্‌ গুরো-বুড়ো বেক্কুনোরে ডাগি আনিনে দেজ ধুজিত্‌ এগত্তর্‌ গরা অলঅ।

ইয়োব 29:14

সততাগানরে মুই কাবড় ধোক্ক্যেন উরিদুং, আর সততাগানে মরে তা মোক্ক্যেন্দি রাগেদ;

যিশাইয় 11:5

সততাগান্ অবদে তার কমর্-বিজোনি আর বিশ্বেজ্‌চান অবদে তার কমরত্ বানিবার্ ফিতে।‌

যিশাইয় 59:17

তে বুগ্‌‌কো রোক্ষ্যে গুরিবাত্তে ন্যায্যতাগান গুরিলো আর মাঢাবো রোক্ষ্যে গুরিবাত্তে উদ্ধোরান মাঢাত্ দিলো। তে হেনা সুজিবার কাবড়ানি উরিলো আর চাদর ধোক্ক্যেন গুরি আওজ্‌‌চান কিয়্যেত্ উরিলো।

লূকে লেখ্যে গম্ হবর্ 12:35

ফারত্ কাবর বেড়েইনে আর তমা চেরাগ্‌‌‌কুন জ্বালেইনে যুক্কোল্ থাগঅ।

রোমীয় 13:12

রেত্ প্রায় থুম্, বেইন্ন্যে পহ্‌র ওই এজের্; সেনত্তে এজঅ, আমি আন্ধার কামানি বাদ্ দিইনে পহ্‌রর্ অাত্যেরানি তুলি লোই।

২ করিন্হীয় 6:7

সত্যগান্ ফগদাঙত্যে আর গোজেনর্ খেমতালোই আমি প্রমাণ দিত্তে যে, আমি গোজেনর্ সেবাগুরিয়্যে। আরঅ দ্বি আঢে ন্যায়র্ অাত্যের্ তুলি লোইনে আমি প্রমাণ গুরিত্তে, আমি গোজেনর্ সেবাগুরিয়্যে।

ইফিষীয় 5:9

কিয়া যিয়েন গম, নিদ্দুষ আর সত্য সিয়েনই অলঅ পহ্‌রর ফল।

ইফিষীয় 6:13

সেনত্যে তুমি যুদ্ধোত্যে গোজেনর্ দিয়্যে বেক্ সাজ-পোজাগ্‌কানি পিনো, যেন শদানে যেদিন্যে আক্রমণ গুরিবো সেদিন্যে তুমি তারে থেগেই পারঅ আর বেক্কানি থুম্ গুরিনে থির্ ওইনে থিয়্যেই থেই পারঅ।

১ থিষলনীকীয় 5:8

মাত্তর্ আমি দিনোর মানুচ্‌; সেনত্যে বুক্ রোক্ষ্যে গুরিবাত্যে বিশ্বেজ্ আর কোচ্‌পানালোই বুক্ ঢাগিনে আর মাধা রোক্ষ্যে গুরিবাত্যে উদ্ধোরর্ নিচ্চয়তা মাধাত্ দিইনে এজঅ, আমি নিজোরে দোঙেই রাগিই।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

ফগদাং পেইয়্যে 9:17

জ্ঞানেদি যে ঘোড়াগুন আর সিগুনো উগুরে যিগুনোরে মুই দেগিলুং তারার চেঙারাগানি এবাবোত্যে এলঅ-তারার্ বুক্ রোক্ষ্যে গুরিবার পজাক্ এলঅ আগুনো ধোক্ক্যেন রাঙা, য়্যেল্ আর গন্ধক ধোক্ক্যেন ওলোত্যে রঙর্। ঘোড়াগুনোর মাঢাগুন এলদে সিংহ মাঢা ধোক্ক্যেন আর সিগুনোর্ মুয়োত্তুন্ আগুন, ধূমো আর গন্ধক নিগিলের্।

ফগদাং পেইয়্যে 9:9

তারার্ বুগোত্ বুগ রোক্ষ্যে গুরিবার লুয়ো পজাক্ এলঅ। ভালোক্কুন ঘোড়া একসমারে যুদ্ধোর রথ্‌তানি টানিনে দাবা দিলে যেধোক্ক্যেন রঅ অয়, তারার্ ডুয়োগানির রঅগুন ঠিগ্ সেধোক্ক্যেন এলঅ।