ইফিষীয় 5:29 - Chakma Bible

²⁹ কেঅ দঅ কনদিন নিজোর্ কিয়্যেগানরে ন-ঘিনায়, বরং তে তার্ কিয়্যেগানর্ ভরণ-পোষণ আর যত্তন্ গরে। ঠিগ্ সেবাবোত্যেগুরি খ্রীষ্টয়ো তা মন্ডলীর যত্তন্ গরে,

ইফিষীয় 5:29 ပူးပေါင်းရင်းမြစ်များ

পত্থম 2:23

তারে দেগিনে আদমে কলঅ, “এবেরা ওইয়্যে। ইবে হাড়্-য়েরাগান মর্‌ হাড়্-য়েরালোই বানেইয়্যে। মরদ মান্‌জ্যর কিয়্যে ভিদিরেত্তুন্ তুলি নেযা ওইয়্যে বিলি ইবেরে মিলে কূয়া অবঅ।”

গম্ উপদেজ্ 11:17

দোয়েলু মান্‌জ্যে নিজোর উপকার গরন্, মাত্তর্ চিৎনপুজ্যে মান্‌জ্যে নিজোর ক্ষতি গরন্,

উপদেশক 4:5

ভুল্ মান্‌‌জ্যে আঢ্‌তান গুজেই থোইনে নিজোরে ভস্ত গরে।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিহিষ্কেল 34:27

মাদ গাজ্‌চুনোত্ গুলো ধুরিবাক্ আর মাদিগানে তার খেত্‌-খেত্তি দিবো; তারা গমেডালে নিজোর্ নিজোর্ ভূইয়োত্ বজত্তি গুরিবাক্। মুই যেক্কে তারার্ জুঙোলান্ ভাঙি ফেলেম আর যিগুনে তারারে চাগর্ বানেয়োন তারা আঢত্তুন্ ছাড়েই আনিম সেক্কে তারা হবর্ পেবাক্, মুয়ই লগেপ্রভু।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

মথি লেখ্যে গম্ হবর্ 6:26

আগাজ পেক্কুনো ইন্দি রিনি চঅ; তারা বীজি ন-ফেলান্, ন-কাবন্, গোলাঘরত্অ ন-থুবোন্, আর তো তমা স্বর্গর বাপ্পো তারারে হাবেই থায়। তুমি কি তারাত্তুন্অ বেশ্ আরঅ দামী নয়?

রোমীয় 1:31

গম্-ভান্ন্যেয়র্ জ্ঞান্ তারাত্তুন্ নেই, আর তারা অবিশ্বেজি। পরিবার ইন্দি তারার্ কোচ্‌পানা নেই আর তারার্ মনত্ দোয়্যে-মেয়্যে নেই।

ইফিষীয় 5:28

নেগ্‌কো যেধোক্ক্যেন নিজোর্ কিয়্যেগানরে কোচ্‌পায় ঠিগ্ সেধোক্ক্যেন গুরি নিজো মোগ্‌কোরেয়ো তার্ কোচ্‌পানা উচিত্। যে নিজোর্ মোগরে কোচ্‌পায় তে নিজোরে কোচ্‌পায়।

ইফিষীয় 5:30

কিয়া আমি তা কিয়্যেগানর্ ভাগ্।

ইফিষীয় 5:31

পবিত্র বোইবোত্ লেগা আঘে, “ইয়েনত্যে মানুচ্‌ মা-বাবরে ছাড়িনে তা মোগো লগে এক ওই থেবাক্ আর তারা দ্বিজনে এক্কান কিয়্যে অবাক্।”