ইফিষীয় 4:25 - Chakma Bible

²⁵ ইয়েনত্যে তুমি মিজে কধা ছাড়ি দুয়ো আর একজন আরেকজন ইধু সত্য কধা কঅ, কিয়া আমি বেক্কুনে একজন আরেকজন সমারে এগত্তর্।

ইফিষীয় 4:25 ပူးပေါင်းရင်းမြစ်များ

১ রাজাবলী 13:18

জোবত্‌ সে ভাববাদীবো কলঅ, “মুই তঅ ধোক্কেন্‌ ইক্কো ভাববাদী। লগেপ্রভুর কধামজিম্‌ ইক্কো স্বর্গদূতে মরে কোইয়্যেদে যেনে মুই তরে মঅ ঘরত্‌ ফিরেই নেযাং যেনে তুই হানা আর পানি হেই পারচ্‌।” মাত্তর্‌ তে তারে মিজে কধা কলঅ।

গীতসংহিতা 119:29

মত্তুন্ ছলনাগানি দূর্ গর্; তুই দোয়্যে গুরি তর্ শিক্ষ্যেগানি মরে দে।

গীতসংহিতা 15:2

তেয়ই যগাজ্যে, যিবে গমেডালে জিংকানি কাদায়, গম কাম্ গরে, মনত্তুন্ সত্য কধা কয়,

গীতসংহিতা 52:3

তুই গমত্তুন্ ভান্ন্যেইয়ান কো্চ্‌পাজ্, আর কোচ্‌পাজ্ সত্যত্তুন্ মিজে কধা কনাগান।

যাত্রা 23:7

সাজেয়্যে মামলাত্তুন্‌ দূরোত্‌ থেবা আর কনঅ‌ দুষ্‌ নেইয়্যে বা গম্‌ মান্‌জ্যরে মরণর সাজা-ন-দিবা। এই অন্যেয়ানি যে গুরিবো তারে মুই রেহাই ন-দিম্‌।

গম্ উপদেজ্ 12:17

সত্যবাদী সাক্ষির ফলে গম্ বিচের অয়, মাত্তর্ মিজেকধা কোইয়্যে সাক্ষির ফলে ভুল বিচের্ অয়।

গম্ উপদেজ্ 12:19

সত্য কধা কোইয়্যেবোর কধানি জিংকানিবর্ এক্কুই, মাত্তর্ মিজে কধা কোইয়্যেবোর কধানি কয়েক দিনোত্তে।

গম্ উপদেজ্ 12:22

মিজেকধলোই ভরা মুয়োনরে লগেপ্রভু ঘিনাই, মাত্তর্ যে মানুচ্চুনে গমেডালে চলন্ তারা উগুরে তে হুজি অয়।

গম্ উপদেজ্ 21:6

মিজে কোইয়্যে মুয়োন্দি যিগুনে ধন পান তারা মরণরে তগান্; তারাত্তে সেই ধন পানাগান যেন মরণর আঘে এক্কেনা সুগোর্ নিজেস্।

গম্ উপদেজ্ 24:28

কিচ্চু হবর্ ন-পেইয়্যে গুরি তঅ পাড়াল্যেগুনো বিরুদ্ধে সাক্ষ্য ন-দিচ্, বা মুয়োন্দোই ছলনা ন-গুরিচ্।

গম্ উপদেজ্ 6:17

বার্বো বার্বো চোগ, মিজেকধা কোইয়্যে জিলান্, গম্ মান্‌জ্যরে খুন্‌গোজ্যে যে আঢ্‌তানি,

গম্ উপদেজ্ 8:7

মুই সত্য কধা কোম্; বজং কধানি মইদু জঘন্য লাগে, সেনত্তে মুই সিয়েনি ন-কোম্।

যিশাইয় 63:8

তে কোইয়্যেদে, “ঘেচ্চেকগুরি তারা মঅ মানুচ্, তারা এবাবোত্যে পুয়ো যিগুনে অবিশ্বেজি ন-অবাক্,” আর সেনত্তে তে তারার উদ্ধোর্ গুরিয়্যে অলঅ।

যিশাইয় 9:15

সেই মাঢাগুন্ অলঅ বুড়ো নেতাগুনে আর সর্মান পেইয়্যে মানুচ্চুনে, আর লেজ্‌চান অলঅ মিজে শিক্ষ্যেদিয়্যে ভাববাদীগুনে।

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

লেবীয় 19:11

চুর্‌ ন-গুরিবা, কাররে ন-ঠোগেবা, মিজে কধা ন-কবা।

সখরিয় 8:16

এই বেক্ উগুমানি তমাত্তুন্ মানা পুরিবো-তুমি একজন আর একজন ইধু সত্য কধা কবা আর তমা আদালদত্ ন্যায়বিচের্ গুরিবাক্ যেনে মানুচ্চুনো ইধু শান্তি অয়;

সখরিয় 8:19

চের্, পাচ্, সাত্ আর দশ মাজর্ উবোস্ থানা যিহূদাত্তে ফুত্তি গরানার্, হুজির্ আর ভালেদির পরব্ ওই উদিবো। সেনত্তে তুমি সত্য আর শান্তিগানরে কোচ্‌পেবা‌‌।

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

রোমীয় 12:5

ঠিগ্ সেবাবোত্যেগুরি আমি জনেদি ভালোক্কুন্ অলেয়ো খ্রীষ্ট সমারে মিজেইনে এক্কান্ কিয়্যে ওইয়্যেই। আমা বেক্কুনোর্ একজন আরেকজন সমারে মিল্ আঘে।

১ করিন্হীয় 10:17

আমি ভালোক্কুন অলেয়ো একই কিয়্যে, কিয়া বানা এক্কান রুটি আঘে, আর আমি বেক্কুনে সেই রুটির কট্টাগান্ লোই।

২ করিন্হীয় 7:14

মুই হুজী ওইয়োং, কিয়া তমারে নিইনে মুই তা ইধু দেমাগ্ দেগেয়োং, আর সিয়েনত্ মত্তুন্ লাজত্ পড়া ন-পরে। সিয়েনর্ বদলে তমা ইধু কোইয়্যে আমার বেক্‌ কধানি যেধোক্ক্যেন্ সত্য এলঅ, সেধোক্ক্যেন গুরি তীত ইধু তমারে নিইনে আমার্ দেমাগ্-অ সত্য বিলিনে প্রমাণ ওইয়্যে।

ইফিষীয় 4:15

আমি বরং কোচ্‌পানার মনভাব্‌পোই খ্রীষ্ট পৌইদ্যেনে সত্য কধা কবং আর বেক্কানিদি বাড়ি উদিইনে খ্রীষ্ট ধোক্ক্যেন অবং। তেয়ই দঅ কিয়্যেগানর্ মাঢা।

ইফিষীয় 4:22

তুমি এ শিক্ষ্যেগান পেয়োদে যে, তমা পুরোণি জিংকানির পুরোণি “মুই” পুরোণ্ কাবড় ধোক্ক্যেন বাদ দিয়্যে পরিবো, কিয়া ছলনার কামনালোই সেই পুরোণি “মুই” বর্‌‌বাদ ওই যার্।

ইফিষীয় 4:31

নানান্ বাবোত্যে কাঙেলেত্যে ফগদাং, মেজাজ দেগানা, রাগ, জোগার্ পারিনে কোজ্জ্যে গরানা, গেইল্ দেদি আর নানান্ বাবোত্যে ইংসে তমাত্তুন্ দূর্ গরঅ।

ইফিষীয় 5:30

কিয়া আমি তা কিয়্যেগানর্ ভাগ্।

কলসীয় 3:8

মাত্তর্ ইক্কিনে রাগ, মেজাজ দেগানা, ইংসে, গেইল্‌ দেদি আর ভান্ন্যেই কধাবাত্তা তমাত্তুন্ দূর্ গরঅ।

কলসীয় 3:9

একজন আরেকজন ইধু মিজে কধা ন-কোইয়ো, কিয়া তমার পুরোণি “মুই” তার্ কাম সমত্ কাবড় ধোক্ক্যেন ঝারি ফেলেইনে তুমি দঅ নুয়ো “মুই” উজ্জ্য। এই নুয়ো “মুই” আরঅ নুয়ো অদে অদে তার্ সৃট্টিগুরিয়্যেবো ধোক্ক্যেন অর্, যেন সেই সৃট্টিগুরিয়্যেবোরে তুমি গমেডালে জানি পারঅ।

১ তীমথিয় 1:10

যিগুনে সিনেলী গরন, যিগুনে সমকামী, যিগুনে চাগর বেবসা গরন্, যিগুনে মিজে কধা কন্ আর মিজে সাক্ষি দুয়োন, আর যিগুনে সত্য শিক্ষ্যের বিরুদ্ধে অন্য কনঅ কাম্ গরন।

১ তীমথিয় 4:2

বিবেক বাজে ওই যেয়্যে এমন বেক্ মিজে মাদিয়্যে মানুচ্চুনোর ভন্ডামিত্যে এবাবোত্যে অবঅ।

তীত 1:12

তারার্ নিজোর এক্কো ভাববাদীয়ে এ কধাগান কোইয়্যেদে, “ক্রীট দ্বীবোর মানুচ্চুনে আজলে মিজে মাদিয়্যে, ঝার্‌বো য়েমান ধোক্ক্যেন, আল্‌সি আর পেদুক্।”

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।

যাকোব 1:21

ইয়েনত্যে বেক্ ফি-বলাগানি আর যেদক্কানি বজং জিনিস এজঅ তমা জিংকানিত্ আঘে সিয়েনি দূর্ গরঅ। গোজেন কধানির্ বীজ্ যিয়েনি তমা মন ভিদিরে লাগা ওইয়্যে সিয়েনি চিদে ওইনে মানি লঅ। পাপত্তুন্ তমারে উদ্ধোর্ গুরিবার্ খেমতা এ কধানির্ আঘে।

১ পিতর 2:1

ইয়েনত্যে অন্যগুনোরে ক্ষতি গুরিবার নানান্ বাবোত্যে আওজ্‌, নানান্ বাবোত্যে ছলনা, ভন্ডামি, ইংসে আর নানান্ বাবোত্যে বদ্‌নাঙর্ কধাবাত্তা তমা মন ভিদিরেত্তুন্ নিগিলেই দুয়ো।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।

বিচের গুরিয়্যেগুন 16:11

শিম্‌শোনে কলঅ, “কনদিনঅ লারা ন-অয় এন্‌ কয়েক্কান নূয়ো দুড়িলোই যুনি মরে বানা অয় সালে মুই অন্য যে কনঅ মান্‌জ্য ধোক্কেন্‌ বল্‌পোজ্যে ওই যেম্‌।”