ইফিষীয় 4:19 - Chakma Bible

¹⁹ তারার বিবেগ্‌কানি বাজে ওই যেইয়্যে, সেনত্যে ঈল্ ন-ওইয়্যে আওজ্‌চোই নানান্ বাবোত্যে অসিজি কাম্ গুরিবাত্যে তারা লাগাম নেইয়্যে কামনার্ আঢত্ নিজোরে ইরি দুয়োন্।

ইফিষীয় 4:19 ပူးပေါင်းရင်းမြစ်များ

ইয়োব 15:16

সালে মানুচ্‌ যে অমকদ বজঙ্‌ আর পানি ধোক্ক্যেন্ বজঙানি খান্‌, তে কনমতে খাটি ওই ন-পারে।

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

মার্ক 7:22

লুভি অনা, অন্যরে ক্ষতি গুরিবার্ আওজ্, ছলনা, বজং খাচ্চ্যত্, ইংসে, নিন্দে, বার্ গরানা আর মূর্খকামানি নিগিলি এজে।

ইফিষীয় 4:17

ইয়েনত্যে মুই কঙর্, আর প্রভুর্ ওইনে বিশেষ জোর্ দিইনে কঙর্-অযিহূদীগুনে যেবাবোত্যেগুরি বাজে চিন্তেলোই তারার্ জিংকানি কাদান্ তুমি আর্ সেবাবোত্যেগুরি জিংকানি ন-কাদেয়ো।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।

১ তীমথিয় 4:2

বিবেক বাজে ওই যেয়্যে এমন বেক্ মিজে মাদিয়্যে মানুচ্চুনোর ভন্ডামিত্যে এবাবোত্যে অবঅ।

১ পিতর 4:3

যিগুনে গোজেনরে ন-জানন্ তারা ধোক্ক্যেন তুমিয়ো আগে পর্‌‌পাগোল্যে ওইনে, ভান্ন্যেই কামনা-বাসনালোই থেইনে, মাত্তল্ গুরিনে, হৈ-হল্লা গুরি মদ খেইনে আর হানা-দানা গুরি আর জঘন্য মুত্তি-পূজো গুরিনে বোউত্ সময় কাদেয়ো।

২ পিতর 2:22

তারা পৌইদ্যেনে এই ঢাগঅ কধাগান সত্য ওইনে উঠ্যে, “কুগুরে নিজো ওগোল্ল্যে ইন্দি ফিরোন্,” আর, “শুগররে ধলেয়ো তে পেগত্ গজ্জায়।”

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।

ফগদাং পেইয়্যে 18:3

কিয়া তে তার্ বেভিচারর্ দর্‌গরেপারা মদ্‌তান বেক জাদ্‌তুনোরে হেবাত্যে দিয়্যে। পিত্‌থিমীর রাজাগুনে তা সমারে বেভিচের গোজ্জ্যন, আর পিত্‌থিমীর বেবসায়ীগুনে তার্ লাগাম-নেইয়্যে কামনালোই থাগোইয়্যে ওইয়োন।”