ইফিষীয় 4:1 - Chakma Bible

¹ প্রভুত্যে বন্দী অবস্থায় মুই তমা ইধু এ কোজোলীগান গরঙত্তে, গোজেনে যিয়েনত্যে তমারে ডাক্ক্যে সিয়েনর যগাজ্যে ওইনে চলঅ।

ইফিষীয় 4:1 ပူးပေါင်းရင်းမြစ်များ

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 5:24

ইয়েনর পরেদি তারে আর্‌ দেগা ন-গেলঅ। গোজেন লগে তার উদো-লোলি এলঅ বিলিই গোজেনে তারে নিজো ইধু নেযেল।

যিরমিয় 38:20

জোবত্ যিরমিয় কলঅ, “তারা তরে তুলি ন-দিবাক্। মুই তরে যিয়েন কঙর্ সিয়েন গুরিনে লগেপ্রভুর বাধ্য অ। সালে তর্ গম্ অবঅ, তঅ পরানান বাঁজিবো।

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।

রোমীয় 11:29

গোজেনে যিয়েন দান গরে আর যিবেরে ডাগে সে পৌইদ্যেনে তা মনান্ তে ন-বদলায়।

রোমীয় 12:1

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

১ করিন্হীয় 4:16

সেনত্তে মুই বিশেষ গুরিনে তমারে কোজোলি গরঙর্, মুই যিয়েন গরং তুমিয়ো সিয়েন গরঅ;

২ করিন্হীয় 10:1

খ্রীষ্টর্ চিদে আর দোয়্যেলু মনর্ কধা ইদোত্ রাগেইনে মুই পৌল নিজেই তমারে কোজোলি গরঙর্। মান্‌জ্যে কন্, মুই যেক্কে তমা কুরে থাং সেক্কে নাকি দোরে দোরে কাদাং, মাত্তর্ যেক্কে ন-থাং সেক্কে সাহসী অং।

২ করিন্হীয় 5:20

সেনত্তে আমি খ্রীষ্টর্ দূত ইজেবে তার্ ওইনে কধা কোর্। আসলে গোজেনে যেন নিজে আমা মাধ্যমে মানুচ্চুনো ইধু কোজোলী গরের্। সেনত্তে খ্রীষ্টর্ ওইনে আমি এ কোজোলীগান গুরির্, “তুমি গোজেন সমারে মিজো।”

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

গালাতীয় 4:12

ভেইলগ্, মুই তমারে কোজোলি গরঙর্, তুমি মঅ ধোক্ক্যেন অ, কিয়া মুইয়ো তমা ধোক্ক্যেন ওইয়োং। তুমি মঅ উগুরে কনঅ অন্যেয় ন-গরঅ।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

ইফিষীয় 3:1

ইয়েনত্যে মুই পৌল গোজেন ইধু তবনা গরঙর্। তুমি যিগুনে অযিহূদী তমাত্যে মুই খ্রীষ্ট যীশুর্ বন্দী ওইয়োং।

ইফিষীয় 4:17

ইয়েনত্যে মুই কঙর্, আর প্রভুর্ ওইনে বিশেষ জোর্ দিইনে কঙর্-অযিহূদীগুনে যেবাবোত্যেগুরি বাজে চিন্তেলোই তারার্ জিংকানি কাদান্ তুমি আর্ সেবাবোত্যেগুরি জিংকানি ন-কাদেয়ো।

ইফিষীয় 4:4

গোজেনে তমারে ডাক্ক্যে বিলিনে তমা ইধু বানা এক্কান আজা আঘে, বানা এক্কানই কিয়্যে আঘে, একজনই সুদ্ধো-সাংগ আত্মাবলা আঘে,

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

কলসীয় 1:10

ইয়েন্দোই যেন তুমি গম কাম্ গুরিনে ফলবান অ আর গোজেনরে আরঅ গমেডালে জানি পারঅ; আর এবাবোত্যেগুরি যেন বেক্কানিত্ প্রভুরে হুজী গুরিবাত্যে তার যগাজ্জ্যে ওইনে চলি পারঅ।

কলসীয় 2:6

তুমি যেবাবোত্যেগুরি খ্রীষ্ট যীশুরে প্রভু ইজেবে মানি লোইয়ো ঠিগ সেবাবোত্যেগুরি তা সমারে মিজেইনে তমা জিংকানিগানি কাদঅ।

কলসীয় 4:12

ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

২ থিষলনীকীয় 1:11

সেনত্যে আমি নিত্য তমাত্যে তবনা গুরি থেই যেন আমা গোজেনে তমারে তার্ ডাগনির্ যগাজ্জ্যে বিলিনে মনে গরে, আর যেন তার্ খেমতালোই তমার্ গম্ কাম গুরিবার আওজ্‌চানি তে পুরেই দে আর বিশ্বেজর্ ফলে তুমি যে কামানি গরর্ তে যেন সিয়েনি পূরোণ গুরি দে।

২ তীমথিয় 1:9

গোজেনে আমারে পাপত্তুন্ উদ্ধোর্ গোজ্জ্যে আর পবিত্র গুরি জিংকানি কাদেবাত্যে ডাক্ক্যে। আমার কনঅ কামত্যে তে সিয়েন ন-গরে, বরং তার্ উদ্দেচ্য আর দোয়্যের্ কারনে গোজ্জ্যে। জগদ্ সৃট্টি অবার আগে খ্রীষ্ট যীশুরে দিইনে তে তার্ দোয়্যে আমারে দান গোজ্জ্যে,

তীত 2:10

আর গিরোজ্‌সো জিনিস্‌চানি চুর্ ন-গরন, বরং তারা যে পুরোপুরি গুরি বিশ্বেজ্‌বলা সিয়েন প্রমাণ গরন্। যেন তারা আমার্ উদ্ধোর গুরিয়্যে গোজেন পৌইদ্যেনে যে শিক্ষ্যেগানি আঘে সিয়েনি বেক্কানিত্তুন্ দোল্ গুরি ফগদাং গুরি পারন।

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

২ পিতর 1:3

যিবে তার্ মহিমা আর তা গুণান্দোই আমারে ডাক্ক্যে, তারে মূড়োত্ গুরিনে হবর্ পানালোই তার্ গোজেন খেমতাগান আমারে দান গোজ্জ্যে যিয়েন্দোই আমি গোজেন উগুরে ভক্তিবলা জিংকানি কাদেই পারিই।

২ যোহন 1:5

আমি যেন একজন আরেকজনরে কোচ্‌পেই, ইয়েনই অলঅ তইধু মর্ কোজোলি। কোচ্‌পেইয়্যে বোন্নো, মুই যিয়েন লেগঙর্ সিয়েন কনঅ নুয়ো উগুম নয়, বরং এ উগুমান আমি পৌইল্যাত্তুন্ ধুরি পেইয়্যেই।