ইফিষীয় 3:12 - Chakma Bible

¹² খ্রীষ্ট লগে এগত্তর্ ওইনে তা উগুরে বিশ্বেজর্ মাধ্যমে আমি গোজেন মুজুঙোত্ সাহচ্‌ নিইনে লুমিবার অধিকারান্ পেইয়্যেই।

ইফিষীয় 3:12 ပူးပေါင်းရင်းမြစ်များ

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

রোমীয় 5:2

গোজেনর্ এই যে দোয়্যের্ পধেদি ইক্কিনে আমি চলির্ সিধু আমি খ্রীষ্টর্ মাধ্যমে বিশ্বেজ্‌চোই লুম্মেয়ি। গোজেনর্ মহিমা পেবার্ আজায় আমি ফুত্তি গুরির্।

২ করিন্হীয় 3:4

খ্রীষ্টর্ মাধ্যমে গোজেন উগুরে এবাবোত্যে ঘেচ্চ্যেকগুরি বিশ্বেজ্‌চান আমার ওইয়্যে।

ইফিষীয় 2:18

তার্ মাধ্যমে একই পবিত্র আত্মালোই বাবা ইধু যেবার্ অধিকার আমার বেক্কুনোর্ আঘে।

ইব্রীয় 10:35

সেনত্যে তুমি সাহচ্‌ ন-আড়েইয়ো, কিয়া ইয়েনর পুরস্কারান ভারী মহৎ।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

১ যোহন 2:28

পুয়োলগ্, সেনত্যে কঙর্, তুমি খ্রীষ্ট সমারে থাগঅ যেনে তে যেক্কে ফগদাং অবঅ সেক্কে আমার সাহচ্‌ থায় আর তে যেক্কে এবঅ সেক্কে তা মুজুঙোত্ আমার্ লাজে মুয়োনি লুগো ন-পরে।

১ যোহন 3:21

পরাণর্ পুয়ো-ছা লগ্, আমা মনানে যুনি আমারে দুষি ন-গরে সালে গোজেন মুজুঙোত্ আমার সাহচ্‌ থেবঅ।