ইফিষীয় 2:7 - Chakma Bible

⁷ তে এই কামান্ গোজ্জ্যেদে যেন তে তার্ অমকদ দোয়্যেগান্ আগামিদি যুগ্ যুগ্ ধুরি দেগেই পারে। তে খ্রীষ্ট যীশুর্ মাধ্যমে আমা উগুরে দোয়্যে গুরিনে যিয়েনি গোজ্জ্যে সিয়েনিলোই তার্ এই দোয়্যেগান ফগদাং পেইয়্যে।

ইফিষীয় 2:7 ပူးပေါင်းရင်းမြစ်များ

গীতসংহিতা 106:48

সৃট্টির্ আগেত্তুন্ ধুরি উমর সং ইস্রায়েলর গোজেন লগেপ্রভুর বাঈনী ওক্। বেক মানুচ্চুনে কোদোক্, “আমেন।” লগেপ্রভুরে নাঙ্ গিনে ওক্।

গীতসংহিতা 41:13

পৌইল্যাত্তুন ধুরি থুম্ সং ইস্রায়েলর গোজেন লগেপ্রভুর বাঈনী ওক্। আমেন, আমেন।

যিশাইয় 60:15

“যুনিয়ো তরে ছাড়ি দেনা বা ঈচ্ গরা ওইয়্যে,‌‌‌‌‌‌‌‌‌‌‌‌‌‌ কনজনে তমা ভিদিরেদি ন-যেদঅ, তো মুই তরে চির জিংকানিবরর্ মানুচ্ গুরিম আর বংশর পর বংশর বেক্কুনোর হুজির হবর্।

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

ইফিষীয় 1:7

গোজেনর্ দোয়্যে অনুসারে খ্রীষ্ট লগে মিজেইনে তার্ লোগান্দোই আমি খেমা পেইয়্যেই, অত্তাৎ পাপর্ খেমা পেইয়্যেই।

ইফিষীয় 2:4

মাত্তর্ গোজেনে দোয়্যেলোই ভরা; তে আমারে ভারী কোচ্‌পায়।

ইফিষীয় 3:21

খ্রীষ্ট যীশুর্ মাধ্যমে আর মন্ডলীর্ মাধ্যমে বংশর্ পর বংশ ধুরি উমরত্যে গোজেনর্ বাঈনী ওক্। আমেন।

ইফিষীয় 3:5

সেই গুমুরো উদ্দেচ্চ্যগান পবিত্র আত্মালোই ইক্কিনে যেবাবোত্যেগুরি তার্ পবিত্র প্রচারক আর ভাববাদীগুনো ইধু ফগদাং ওইয়্যে, আগদি বেক্‌ যুগোর্ মানুচ্চুনো ইধু সেবাবোত্যেগুরি ফগদাং ন-অয়।

২ থিষলনীকীয় 1:12

সালে আমা গোজেন আর প্রভু যীশু খ্রীষ্টর্ দোয়্যের কারনে আমা প্রভু যীশুর বাঈনী তমার্ মাধ্যমে ফগদাং অবঅ, আর তুমিয়ো তার্ মাধ্যমে বাঈনী পেবা।

তীত 3:4

মাত্তর্ যেক্কে আমার উদ্ধোর্ গুরিয়্যে গোজেনর্ দোয়্যে আর কোচ্‌পানা ফগদাং অলঅ সেক্কে তে আমারে পাপত্তুন্ উদ্ধোর্ গুরিলো।

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।