ইফিষীয় 2:19 - Chakma Bible

¹⁹ ইয়েনত্যে তুমি আর্ ন-চিন্ন্যেয়ো নয়, বিদেশিয়ো নয়, মাত্তর্ গোজেনর্ মানুচ্চুনো সমারে তুমিয়ো তা রেজ্যর্ আর তা পরিবারর্ মানুচ্ ওইয়ো।

ইফিষীয় 2:19 ပူးပေါင်းရင်းမြစ်များ

মথি লেখ্যে গম্ হবর্ 10:25

ছাত্র পক্ষে মাষ্টর ধোক্ক্যেন্ অনা আর চাগর পক্ষে গিরোজ ধোক্ক্যেন্ অনা যদেষ্ট। ঘর গিরোজরে যেক্কে তারা বেল্‌সবূল কোইয়োন সেক্কে ঘরর্ অন্য বেক্কুনোরে আরঅ কদক্ বেশ্ গুরি না বেল্‌সবূল কবাক্।

গালাতীয় 6:10

জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।

ইফিষীয় 2:12

মনত্ রাগেয়ো, আগে তুমি খ্রীষ্টত্তুন্ জুদো এলা; জাদ্ ইজেবে ইস্রায়েলীয়গুনোর যে অধিকার তুমি সে অধিকারর্ বারেদি এলা; গোজেনে ইস্রায়েল জাদত্যে যে কয়েক্কান এগেম্‌বলা বেবস্থা গোজ্জ্যে তা সমারে তমার্ কনঅ উদো লোলি ন-এলঅ; তমার্ কনঅ আজা ন-এলঅ; আর এ জগদত্ তুমি গোজেন নেইয়্যে এলা।

ইফিষীয় 3:6

সেই গুমুরো উদ্দেচ্চ্যগান অলঅ ইয়েন-গম্ হবরর্ মাধ্যমে অযিহূদীগুনে খ্রীষ্ট যীশু লগে এগত্তর্ ওইনে যিহূদীগুনো লগে একই সুযোগর্ অধিকারি অবাক্, একই কিয়্যে ধোক্ক্যেন অবাক্, আর একই এগেম্ গোজ্জ্যে আশিদ্‌বাদর্ ভাগী অবাক্।

ফিলিপীয় 3:20

মাত্তর্ আমার আজল্ থেবার জাগায়ান দঅ স্বর্গত্; সিয়েনত্তুন্ আমার উদ্ধোর্ গুরিয়্যে প্রভু যীশু খ্রীষ্টর্ এযানাগান্ আমি আওজ্ গুরিনে বাজ্জেই আঘি।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

ইব্রীয় 13:14

কিয়া ইয়েনত্ আমার কনঅ থিদেবর্ গোজ্জ্যে শঅর্ নেই; মাত্তর্ যে শঅরান্ এবঅ সিয়েনত্যে আমি বাজ্জ্যেই আঘিই।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

১ যোহন 3:1

চঅ, বাবা গোজেনে আমারে কদক্ কোচ্‌পায়! তে আমারে তার্ পুয়ো বিলিনে ডাগে; আজলে আমি সিয়েনই। ইয়েনত্যে জগদ্‌‍তানে আমারে ন-চিনে, কিয়া জগদ্‌‍তানে গোজেনরেয়ো ন-চিনে।