উপদেশক 8:9 - Chakma Bible

⁹ বেলান তলেদি যিয়েনি গরা অয় সিন্দি মনযোগ্ দিইনে মুই দেগিলুং, এক্কো মান্‌জ্যে অন্যগুনো উগুরে সদ্দারি গঙায় আর সিয়েনত্তে তারার্ ক্ষোতি অয়।

উপদেশক 8:9 ပူးပေါင်းရင်းမြစ်များ

২ রাজাবলী 25:7

সৈন্যগুনে সিদিকিয়ো চোগো মুজুঙোত্‌ তা পুয়োগুনোরে মারে ফেলেল। সে পরেন্দি তারা তা চোখ দ্বিবে তুলি ফেলেইনে তারে পিদোল শিগোল্‌লোই বানিনে বাবিলোত্‌ নেযেলাক্‌।

যাত্রা 14:28

বড়গাঙ পানিগান ফিরি এইনে রথ আর ঘোড়াবাহিনীগুনোরে, অত্তাৎ ইস্রায়েলীয়গুনোর্‌ পিজেদি লোড়েই এচ্ছ্যে ফরৌণর্ গোদা সৈন্যদল্লোরে ডুবেই দিলো। তারাত্তুন্‌ একজন্‌‌অ আর বাঁজি ন-রলাক্।

উপদেশক 1:14

বেলান তলেদি যিয়েনি গরা অয় সিয়েনি বেক্কানি মুই দেগিলুং, দেগিলুং বেক্কানি বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 3:10

গোজেনে মান্‌‌জ্য উগুরে যে কামানি চাপি দিয়্যে সিয়েনি মুই দেখ্যং।

উপদেশক 3:16

মুই বেলান তলেদি আর এক্কান বেপার দেগিলুং, ন্যায়বিচের আর গম্ জাগানিত্ পাজি কামানি আঘে।

উপদেশক 4:1

বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

উপদেশক 5:13

বেলান তলেদি মুই এক্কান্ অমকদ দুঘোর্ বেপার দেখ্যং-তাগোয়্যেবো বোউত্ ধন থুবেই রাগায় মাত্তর্ যেরেদি তার্ খেতি অয়।

উপদেশক 5:7

বেশ্ স্ববন দেগানা আর বেশ্ কধা কনা বাহ্‌জে, মাত্তর্ তুই গোজনরে ভোক্তিগুরিনে দরা।

উপদেশক 5:8

তঅ চাগালাত্ যুনি কনঅ নাঢা মান্‌জ্যরে অত্যেচার্ অদে দেগচ্ বা কনজনরে ন্যায়বিচের্ বা তার পেবার্ অধিকার ন-পাদে দেগচ্ মাত্তর্ ন-দোরেচ্, কিত্তে এক্কো কামগুরিয়্যে উগুরে দাঙর্ আর এক্কো কামগুরিয়্যে আঘে আর তারার্ দ্বিজন উগুরে আরঅ দাঙর্ দাঙর্ নেতা আগন্।

উপদেশক 7:25

সেনত্তে মুই মনান্ থির্ গুরিলুং যেনে জ্ঞান আর বেক্কানির্ পিজেদি যে সল্লাগান্ আঘে সিয়েন্ জানি পারং আর পোরোক্ষ্যে আহ্ তোগেইনে চেই পারং, আর বুঝোং, পাজিগান্ অলঅ ভুলো কাম্ আর বুদ্ধিনেইয়্যেগান্ অলঅ বিচেরবুদ্ধিনেইয়্যে।

উপদেশক 7:7

জ্ঞানি মান্‌জ্যে যুনি জুলুম্ গরে সালে তে ভুল্ ওই যায়, আর ঘুষ্‌চানে রিবেঙানরে বর্‌বাত্ গরে।

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।