উপদেশক 8:8 - Chakma Bible

⁸ বোইয়্যেরানরে যেধোক্ক্যেন্ ধুরি রাগেবার্ খেমতা কারর্ নেই আর যুদ্ধোত্ যেধোক্ক্যেন্ কনজনে ছড়ান্ ন-পায়, সেধোক্ক্যেন্ মরণ দিন্নো উগুরেয়ো কারর্ আঢ্ নেই। পাজিগুনোর্ পাজিগানিও সিয়েনত্তুন্ তারারে রোক্ষ্যে গুরি ন-পারে।

উপদেশক 8:8 ပူးပေါင်းရင်းမြစ်များ

২ শমূয়েল 14:14

মাদিত্‌ পানি ঢালিলে যেন সিয়েন আর তুলি নেযেই ন-পারে সে বাবোত্যে গুরিনে দঅ আমি মুরিবোং। মাত্তর্‌ গোজেনে পরাণান্‌ কাড়ি ন-নেযায় বরং তে এমন্‌ বেবস্থা গুরিলো যেনে নিগিলেই দিয়্যে মানুচ্চুন্ তাত্তুন্‌ দূরোত্‌ ন-থান্।

২ রাজাবলী 7:15

তারা যর্দন গাঙ সং তারারে তোগেলাক আর দেগিলাক্‌ অরামীয়গুনে যাদিমাদিগুরিনে ধেই যেবার্‌ সময়োত্‌ বেক্‌ পথ্‌তানিত্‌ তারার্‌ কাবড়-চুগোড়ানি আর বেক্‌ পযাপিরানি ফেলেই যেইয়োন্‌। যিগুনোরে পাদা ওইয়্যে তারা ফিরি যেইনে রাজারে বেক্‌ হবরানি জানেলাক্‌।

ইয়োব 14:5

মান্‌জ্যর আয়ু ঠিগ্‌ গরা আঘে; তুই তার্‌ কয়মাস ঠিগ্‌ গুরি রাগেয়োজ্; তার্‌ দুযিগান্‌ তুই ঠিগ্‌ গোজ্যস্‌, তে সিয়েন্‌ পার্‌ ওই ন-পারে।

ইয়োব 34:14

যুনি তে তা নিজোর কধা মনে গুরিদো আর তা আত্মাগান আহ্ নিজেস্‌চো নিজো ইদু ফিরেই নেযেদ,

গীতসংহিতা 89:48

কন্না সেই বোলি মানুচ্চো, যে বাঁজি থেবঅ, ন-মুরিবো? এন্ কন্না আঘে, যে পাদালত্তুন্ নিজোরে রোক্ষ্যে গুরি পারিবো?

গীতসংহিতা 9:17

যিদুক্কুন জাদে গোজেনরে ভুলি যান্ সেই পাজিগুনে মুরিনে গোরত্ যেবাক্।

গম্ উপদেজ্ 12:3

বজং কাম্বোই কনঅ মান্‌জ্যর জিংকানিত্ থিদেবর্ ন-এজে, মাত্তর্ গোজেন ভক্তগুনোর্ জিংকানির গড়াগান অদে অদে থায়।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

উপদেশক 3:21

মান্‌জ্য পরাণান্ যে উগুরেদি যায় আর য়েমান পরাণান্ মাদি তলেদি যায় সিয়েন কন্না হবর্ পায়?

উপদেশক 8:13

মাত্তর্ পাজিগুনে গোজেনরে ভোক্তিগুরিনে ন-দরান্ বিলিনে তারার্ ভালেদি ন-অবঅ আর তারার্ আয়ুগান অবঅ ছাবা ধোক্ক্যেন্।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

যিশাইয় 28:18

মরণ লগে তুমি যে চুক্তিবো গোজ্য সিবে বাদ দিয়্যে অবঅ; মরণ জাগান লগে তমার্ যে চুক্তিবো ওইয়্যে সিবে থির্ ন-থেবঅ। ভস্তর্ চাবুক্কো যেক্কে জোরে লামি এবঅ, সেক্কে সিয়েন্দোই তমারে মারা অবঅ।

যিশাইয় 47:10

তর্ সেই পাজিগান উগুরে তুই বিশ্বেজ্ গরর্ আর কোইয়োচ্চ্যে, কনজনে মরে ন-দেগদন্। তর্ জ্ঞান আর বুদ্ধিগানে তরে ভান্ন্যেই পধেদি নেযেয়্যে; তুই মনে মনে কোইয়োচ্চ্যে, বানা মুয়ই আগং, মুই বাদে আর কনজন নেই।

১ করিন্হীয় 15:43

সিয়েন অসর্মান সমারে মাদিত্ দিয়্যে অয়, মাত্তর্ সর্মান লগে তুলো অবঅ; বল্‌নেইয়্যে অবস্থায় মাদিত্ দিয়্যে অয়, মাত্তর্ খেমতালোই তুলো অবঅ;

২ করিন্হীয় 13:4

তারে মেরা মেরা অবস্থায় ক্রুশোত্ দিয়্যে ওইয়্যে ঠিগ্, মাত্তর্ গোজেনর্ খেমতালোই তে জেদা আঘে। আমি তা লগে মিজেইনে মেরা ওইয়্যেই, মাত্তর্ তমাত্যে গোজেনর্ খেমতালোই তা লগে আমি জেদা থেবং।

ইব্রীয় 9:27

গোজেনে ঠিগ্ গুরি থোইয়্যেদে যে, পত্তি মানুচ্‌ একবার্ মুরিবো আর সে পরেদি তার্ বিচের্ অবঅ।