উপদেশক 8:7 - Chakma Bible

⁷ কিত্যে কনঅ মান্‌জ্যে যেক্কে হবর্ ন-পায় কি ঘুদিবো সেক্কে কনজনে তারে কোই ন-পারন্ কক্কেনে সিয়েন্ ঘুদিবো।

উপদেশক 8:7 ပူးပေါင်းရင်းမြစ်များ

ইষ্টের 5:12

হামনে কলঅ, “বানা সিয়েনি নয় রাণী ইষ্টেরে যে হানাগান্ দিয়্যে সিয়েনত্‌ মুই বাদে আর কনজনরে রাজার লগে বাত্যে ন-অয়। আরঅ তে এযেত্তে কেল্যেয়ো রাজার লগে মরে বাত্যেয়্যে।

গম্ উপদেজ্ 24:22

কিত্তে তারা উগুরে অদাতৎ দজা এবঅ, লগেপ্রভু আর রাজা ইত্তুন্ কিবাবোত্যে দজা এবঅ সিয়েন কন্না হবর্ পায়?

গম্ উপদেজ্ 27:1

এজেত্তে কেল্যে পৌইদ্যেনে বাড়্‌বো ন-গোজ্য, কিত্তে কন্ দিন কি অবঅ সিয়েন তুই হবর্ ন-পাজ্।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

উপদেশক 10:14

বুদ্ধি নেইয়্যেগুনে বোউত্ কধা কন্, মাত্তর্ কি অবঅ সিয়েন্ কনজনে হবর্ ন-পান্, আর আগামিদি কি ঘুদিবো সিয়েন্ মান্‌জ্যরে কন্না কোই দি পারিবো?

উপদেশক 3:22

সেনত্তে মুই দেগিলুং, নিজো কামত্ রঙ্গ-ফুত্তি বাদে আর গম্ কিজু মান্‌জ্যত্তে নেই। সিয়েনই তার্ পাওনা, কিত্তে তা মরণর্ পরেদি কি ঘুদিবো সিয়েন কন্না তারে দেগেই পারিবো?

উপদেশক 6:12

মান্‌জ্যর্ জিংকানিত্ তাত্তে কুবোন্ গম্ সিয়েন্ কন্না হবর্ পায়? তে দঅ তার্ কয়েক্কো দিন ছাবা ধোক্ক্যেন্ কাদায়। তে যানার্ পরেদি বেলান তলেদি কি অবঅ সিয়েন্ কন্না তারে কোই পারিবো?

উপদেশক 7:14

সুগো দিনোত্ সুগি অ; মাত্তর্ দুঘোর্ দিনোত্ এ কধাগান্ চিদে গুরি চাহ্, গোজেনে যেধোক্ক্যেন্ সুগে রাগেয়্যে সেধোক্ক্যেন্ দুঘোত্অ রাগেয়্যে, যেনে মান্‌জ্যে তা ভবিচ্চদর্ কনঅ কিজু হবর্ ন-পান্।

উপদেশক 9:1

সেনত্তে মুই ইয়েনি পৌইদ্যেনে চিদে গুরিলুং আর দেগিলুং, গম্ আর জ্ঞানী মানুচ্চুনে আর তারার্ কামানি বেক্কানি গোজেন আঢত্। কনজনে হবর্ ন-পান্ তাত্তে কি বাজ্জেই আঘে-কোচ্‌পানা না ঘিনেনা।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

মথি লেখ্যে গম্ হবর্ 24:44

সেনত্তে তুমিয়ো হামাক্কায় যুক্কোল্ থাগঅ, কিয়া যে সময়ানর্ কধা তুমি আজায়ো ন-গরঅ সেই সময়ানত্ মান্‌জ্য পুয়োবো এবঅ।

মথি লেখ্যে গম্ হবর্ 24:50

মাত্তর্ যেদিন্নো আর যে অক্তবোর্ কধা সেই চাগর্‌বো আজায়ো ন-গরে, নয়ো জানিবো, সেদিন্যে আর সে সময়োত্ তা গিরোজ্‌সো এইনে আজির্ অবঅ।