উপদেশক 8:6 - Chakma Bible

⁶ পত্তি জিনিজো পৌইদ্যেনে যগাজ্যে সময় আঘে আর কাম্ গরানার্‌‌অ সুদোম্ আঘে, মাত্তর্ মান্‌জ্যর জ্ঞানানি ইজেবর্ বিলিনে তে অমকদ দুঘ্ পায়;

উপদেশক 8:6 ပူးပေါင်းရင်းမြစ်များ

ইয়োব 10:13

মাত্তর্‌ ইয়েনই তঅ মনত্‌ তুই লুগেই রাগেয়োচ্‌, আর মুই হবর্‌ পাং ইয়েন তঅ মনত্‌ রোইয়্যে,

ইয়োব 33:17

যেনে মান্‌জ্যে তার অন্যেয় কামত্তুন্ ফিরোন আহ্ অহংকারত্তুন্ দূরোত্ থান।

ইয়োব 33:19

মানুচ্ পীড়ের কারনে যন্ত্রণালোই শাজা পান; তা আরুনো ভিদিরে আমিঝা পীড়ে অয়।

উপদেশক 11:9

ও গাবুজ্যে, তঅ গাবুজ্যে জিংকানিত্ তুই সুগি অ, গাবুজ্যে বয়জর্ দিনুনোত্ তঅ মনানে তরে হুজিয়ে রাগোক্। তঅ মনানর্ আওজ্ মজিম্ পধেদি যাহ্ আর তঅ চোগেদি যিয়েন্ গম্ লাগে সিয়েনই গর্, মাত্তর্ মনত্ রাগেচ্, এ বেক্ কামানিত্তে গোজেনে তঅ বিচের্ গুরিবো।

উপদেশক 3:1

বেক্কানিত্তে এক্কান্ সময় আঘে; আগাজ তলেদি পত্তি কামর্ এক্কান্ ঠিগ্ সময় আঘে-

উপদেশক 3:11

তে বেক্কানিত্তে যগাজ্যে সময় ঠিগ্ গুরি রাগেয়্যে। তে মান্‌জ্য মনত্ উমর কাল পৌইদ্যেনে বুঝিবার্ আওজ্‌চান দিয়্যে, মাত্তর্ তে পৌইল্যাত্তুন্ ধুরি থুম্ সং কি গরে সিয়েন মানুচ্ বুঝি ন-পারন্।

উপদেশক 3:17

মুই মনে মনে কলুং, “গোজেনে গম্ আর পাজি এ দ্বিজনরে বিচের্ গুরিবো, কিত্তে গোজেন ইদু বেক্ বেপারানি আর বেক্ কামানির্ এক্কান ঠিগ্ সময় আঘে।”

লূকে লেখ্যে গম্ হবর্ 13:25

ঘর গিরোজ্‌সো যেক্কে উদিনে দুয়োরান্ বানিবো সেক্কে তুমি বারেদি থিয়্যেইনে দুয়োরানত্ বাজ্জ্যেদে বাজ্জ্যেদে কবা, প্রভু, আমাত্যে দুয়োরান্ খুলি দে। মাত্তর্ তে তমারে এ জোব্‌পান দিবো, তুমি কুত্তুন্ এচ্চ্য মুই কোই ন-পারং।